1 KORINTH 12:2 - Pathien Lekhabu Inthieng (BSI)

² Awinawhai in ni lai khan, ieng ang khawma an ṭhuoi ang pei cheu khan, khâng milim rawl neilo tienga khan ṭhuoihmangin in um ti in hriet a.

1 KORINTH 12:2 ပူးပေါင်းရင်းမြစ်များ

INPÂKNA HLABU 115:5

Bauhai an nei a, an ṭawng thei si nawh, Mithai an nei a, an hmu thei si nawh.

INPÂKNA HLABU 115:7

Kuthai an nei a, iengkhawm an tâwk thei si nawh. Kehai an nei a, an lâwn thei si naw a, An hnukin an ṭawng thei si nawh.

INPÂKNA HLABU 135:16

Bauhai an nei a, an ṭawng thei si naw a, Mithai an nei a, an hmu thei si naw a;

ISAI 46:7

An liengkoah an put a, an fepui a, a hmun dinga chun an sie hlak a, a ngîr ta zing a, a umnaa inthawk chun insawn ta naw nih: anih, miin ama chu ko an ta, nisienlakhawm, dawn thei si naw ni a, an lunginzîngnaa inthawkin sansuok thei chuong naw ni.

JEREMIA 10:5

Leipuia vate ṭi milim ang an na, nisienlakhawm, an ṭawng naw a; an fe thei naw leiin zâwn an ngai a. Anni chu ṭi naw la, thil suol khawm an thaw thei naw a, annia chun thil ṭha thawna ding khawm a um bawk nawh.

MATTHAI 15:14

Anni chu pawisa naw ro; ṭhuoitu mitdel an nih. Chuongchun, mitdelin mitdel ma a ṭhuoi chun khurah tla rêl an tih,” a ta, a dawn a.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

GALATI 4:8

Nisienlakhawm, khânga Pathien in hriet naw lai khan, an piengzie hrim khawma Pathien ni dêrlohai suok in na.

1 THESSALONIKA 1:9

Nangni laiah ieng ang lawmlûtna am kan dawng anni ngeiin an inhriettir a; milimhai chu Pathien tienga in nghatsanzie, Pathien hring le indiktak rawng bâwl ding le,

TITA 3:3

Eini khawm inhma khan invêt tak dâm, thu awi naw dâm, hlêma um dâm, châkna le lâwmna tinrêng rawng bâwl dâm, suol le îtthîk hmanga um dâm, tirdakum dâm, intheida tuo dâm ei ni si a.

1 PETER 1:18

In thlatuhai ipêk sâwng, in um dân ieng ni barlova inthawk chu, thil se thei, tangka le rângkachaka intlan in ni naw a,

1 PETER 4:3

Jentailhai dit zâwng thâwna ding le, hurnaa dâm, taksa châknaa dâm, uoin hênaa dâm, zu hmun hlimnaa dâm, zu dâwn khâwmnaa dâm, milim biekna tirdakumtaka dâma umna ding chun kha hma kha a huntâwk tah.