1 KORINTH 12:18 - Pathien Lekhabu Inthieng (BSI)

¹⁸ Nisienlakhawm, Pathienin pêng tin hi taksaah a nuomna poah ân umtir seng tah a nih.

1 KORINTH 12:18 ပူးပေါင်းရင်းမြစ်များ

INPÂKNA HLABU 110:3

I mihai chu i thilthawtheina nia chun mâni nuomthuin an inpêk hlak a, Inthieng mawinaah, zîngkâr phîng sûnga inthawkin, I tleirâwl daidaw chu i nei a.

INPÂKNA HLABU 135:6

Lalpa chun a nuom taphawt chu a thaw hlak a, Vânahai, hnuoiahai, tuisuorietahai, tui inthûktak po pohaia khawm.

ISAI 46:10

keiin a tâwp ding chu a tira inthawk hrimin ka hril hlak a, thil la thaw nawhai chu tienlaia inthawk khan ka hril ta hlak; “Ka remruot chu ngîrsuok a ta, ka dit zâwng po po chu thaw vawng ka tih,” ka ti a,

JONA 1:14

Chuleichun, Lalpa chu an ko a, “Aw Lalpa, hi mipa hringna lei hin mi sukbohmang naw la, mithiem thisen maw chu kan chunga innghat lul lo dingin kan ngên che, Aw Lalpa, kan ngên che, nangin i nuom anga i thaw a ni si a,” an ti a.

LUKA 10:21

Chun, chu lai tak chun Isu chu Thlarau Inthiengah a lâwm bêk bêk a, “Aw Pa, hnuoi le vân Lalpa, nangin mi var le mi bengvârhai kuomah hieng thu hi i ip a, nautêhai kuomah i puong lei hin kân pâk che; anih, Pa, chuong anga thaw chu i ngaiin a ṭha a nih.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:3

Pathienin a mi pêk lunginsietna lei hin in laia tukhawmin in ingaihlu tâwk bâka inngaihlu lovin, Pathienin mi tin kuoma ringna huntâwk a pêk ang peiin, feltaka ngaituo lem dingin ka ti seng cheu a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6

Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;

1 KORINTH 12:11

nisienlakhawm, chuong po po chu Thlarau thuhmun bawk chun, mi tin kuomah a nuom ang peia semin sin a thaw hlak.

1 KORINTH 12:17

Taksa pumpui hi mit ni vawng ta sienla, ri hrietna chu khâwlai am ni tâng a ti leh? A pumin ri hrietna ni vawng ta sienla, rim hriet theina chu khâwlai am ni tâng a ti leh?

1 KORINTH 12:19

Chuongchun, chuong po po chu pêng khat chau ni sienla, taksa hi khâwlai am um a ta?

1 KORINTH 12:24

ei pêng mawi lemhai ruok chun chuong anga thaw chu an ngai nawh; nisienlakhawm, Pathienin mawina neinaw pêng chu chawimawi nasa lemin taksa hi a rem khâwm a nih;

1 KORINTH 12:28

Chun, Pathienin ṭhenkhat chu kohran lai a sie a, pakhatnaa chun tirkohai, a pahninaa chun thuhriltuhai, a pathumnaa chun inchûktirtuhai a sie a, chu hnunga chun thilmak thawhai an um a, chu zoa chun sukdam theina thilpêkhai, ṭhangpui theina thilpêkhai, rorêl thiemna thilpêkhai, ṭawng hrietlo chi tum tuma thuhril theina thilpêkhai a um nâwk a.

1 KORINTH 15:38

nisienlakhawm, Pathienin ama nuom ang peiin taksa a pêk hlak, a mal tin kuomah mani taksa seng chu.

1 KORINTH 3:5

Appolo chu ieng am a ni leh? Paula khawm chu ieng am a na? Rawngbâwltu nangni inawitirtu cheu chau an nih in sawnnaw; chu khawm chu Lalpain a ipêk ang ve ve chau a nih.

EPHESI 1:5

Ama lungdit, a lâwmzâwng angin Isu Krista zârah ama ta dinga naua siem dingin a mi lo ruot lâwk ta a,

EPHESI 1:9

a ditzâwng thurûk, a lungnizâwngtaka amaa thaw a itum chu eini kuomah mîn hriettirin,

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk si a,” tiin.