1 KORINTH 12:10 - Pathien Lekhabu Inthieng (BSI)

¹⁰ mi dang kuomah thilmak thawtheina pêk a nih; mi dang kuomah thuhril theina pêk a nih; mi dang kuomah thlarauhai hriet dik theina pêk a nih; chun, mi dang kuomah ṭawng hrietlo chi dang danghaia thuhril theina pêk a nih; mi dang kuomah ṭawng hrietlohai hrilfie theina pêk a ni si a;

1 KORINTH 12:10 ပူးပေါင်းရင်းမြစ်များ

JOEL 2:28

“Chu hnunga chun mi po po chungah ka thlarau buok ka ta; chuongchun, in naupasalhaiin, in naunuhmeihaiin ka thu hril an ta, in tarhaiin mangah mang an ta, in tlangvâlhaiin inlârnahai hmûng an ta:

MARKA 16:17

Chun, hieng inchiknahai hin a awituhai chu zui pei a tih: Ka hmingin khawhrihai hnawt dawk an ta, ṭawng tharhaiin ṭawng an tih.

MARKA 16:20

Chuongchun, anni chu an fe suok a, ram tinah thu an hril ta a; Lalpain anni ân thlawppui a, a zuitu inchiknahai chun an thu chu a sukdet pei a, Amen].

LUKA 24:49

Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.

JOHAN 14:12

Titakzetin, ka hril cheu hi, tûkhawmin a mi ring chun thil ka thawhai hi ama khawmin thaw vêng a tih; hienghai nêka thil ropui lemhai khawm la thawng a tih, Pa kuoma ka fe ding leiin.

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 11:27

Chun, chuong lai chun zâwlnei tuhai amanih Jerusalema inthawkin Antiokeia chun an zu fe a.

THILTHAWHAI 11:28

Chun, anni laia mi pakhat, a hming Agaba, a ngîr a, khawvêl po poah ṭâm nasatak a tlung ding a ni ti Thlalrau hrilin ân hriettir a; chu ṭâm chu Klaudi inlal laiin a hung tlung ta a.

THILTHAWHAI 19:6

Chun, Paulain an chungah a kut ân nghat a, Thlarau Inthieng chu an chungah a hung tlung ta a; chuongchun ṭawng hrietnaw haiin thu an hril a, Pathien thu khawm an hril ta a.

THILTHAWHAI 5:3

Nisienlakhawm, Peterin, “Anania, Thlarau Inthieng hlêm ding le, hnuoi man a ṭhen ip dingin iengdinga Setanin i lungril a suksip am a na?

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:6

Lunginsietna ei kuoma pêk ang sengin thilthlâwnpêk hi a tum tum ei nei seng a, thu hril ding a ni chun, ei ringna phutâwk peiin hril ei tiu;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thilthawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chenin, Krista Chanchin Ṭha chu ram tinah ka hril kim ta a;

1 KORINTH 11:4

Pasal tukhawm, lukhum khum puma ṭawngṭai amani, thuhril amani phawt chun, ama lu chu a sukmuolpho a nih.

1 KORINTH 13:8

Hmangaina hi iengtik khawm bo naw ni a; amiruokchu, thuhrilna dâm hi um sienla khawm suktâwp la nîng a tih; ṭawng hrietlohai dâm hi um sien khawm la mâng a tih, hrietna hi um sienkhawm sukbân la nîng a tih.

1 KORINTH 14:13

Chuleiin, ṭawng hrietlova thu hril chun, a hrilfie theina dingin ṭawngṭai raw se.

1 KORINTH 14:39

Chuleiin, ka unauhai, thu hril hi inhâwk hle unla, ṭawng hrietlohaia thu hril khawm khap naw ro;

GALATI 3:5

Chun, in kuoma Thlarau petu cheu le nangni laia thilmak thawtu chun Dân thilthawhai leiin am a thaw a, in ngaithlâka in ring leiin?

1 THESSALONIKA 5:20

Thu hrilhai hmusit naw ro;

HEBRAIHAI 2:4

Pathien khawmin inchiknahai le thilmakhai le, thilthawtheina tinrênghai le, ama dit zâwng ang peia Thlarau Inthieng thil semhai le chun, anni chu a hrietpui a.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

THUPUONGSUO 2:2

I thilthawzie dâm, i sininrimzie dâm, i selzie dâm, mi suolhai i ngaitheinawzie dâm ka hriet. Tirko ni si lova tirko intihai chu I fie bawk a, khêlhlip an nih ti i lo hriet ta a.