1 KORINTH 11:7 - Pathien Lekhabu Inthieng (BSI)

⁷ Pasal ruok chu Pathien angpui le a ropuina a ni leiin, a lu ân khum ding a ni naw a, nuhmei ruok chu pasal ropuina suklangtu a nih.

1 KORINTH 11:7 ပူးပေါင်းရင်းမြစ်များ

INṬANNA 3:16

Nuhmei kuoma chun, “Nau vawnna le nau neinaa i rinumna chu nasatakin sukpung ka ta, natak tuorin nau nei hlak i ta; nisienlakhawm, i nuom zâwng chu i pasal tieng nîng a ta, ama chun i chungah thu nei a tih,” a ta.

INṬANNA 5:1

Hi hi Adam thlahai chuongna lekhabu chu a nih. Pathienin mihriem a siem khan Ama angpuiin anni chu a siem a;

INṬANNA 9:6

Tukhawm mihriem thisen insuotu chu mihriem vêkin ama thisen chu an insuo ve ding a nih: Pathienin ama angpuiin mihriem a siem si a.

INPÂKNA HLABU 8:6

I kutsuokhai chunga hin thu în neitir a; A ke hnuoiahai iengkim i sie a:

THUVARHAI 12:4

Nuhmei ringum chu a pasal ta dingin lallukhum a na, Thil inzapuium thawtu ruok chu a ruhai ta dingin inngêna ang a nih.

1 KORINTH 11:3

Nisienlakhawm, pasal taphawt lu chu Krista a na, nuhmei lu chu a pasal a na, chun Krista lu chu Pathien a nih, ti in hrietchieng ka nuom a nih.

1 KORINTH 11:6

Nuhmei lukhum khum lova a um si chun, vâw kawl law law raw se; nisienlakhawm, nuhmei ta dingin vâw amanih, ziet kawl amanih inzâpui a um si chun lukhum khum raw se.

2 KORINTH 8:23

Tita hi chu ka ruolpa le nangni tienga ka sinthawpui a na; chun, kan unauhai hi chu kohranhai tirko, Krista ropuina chu an nih.

JAKOB 3:9

Chu chun Lalpa le Pa ei inpâk hlak a, chu bawk chun Pathien anga siem mihriemhai chu ṭawngsie ei inphur bawk hlak a nih.