1 KORINTH 11:32 - Pathien Lekhabu Inthieng (BSI)

³² Rorêlpêka ei um khawmin, khawvêl mihai anga thiemnaw changa ei um nawna dingin Lalpa thununin ei um hlak a nih.

1 KORINTH 11:32 ပူးပေါင်းရင်းမြစ်များ

2 SAMUEL 7:14

A pa nîng ka ta, ama chu ka naupa nîng a ta, thil a suksuol chun mihriem nauhai hmawl le mihriem nauhai vuoknain thunun ka ta;

INPÂKNA HLABU 118:18

Lalpa chun nasatakin a mi thunun a, Thina kuoma ruok chun a mi pêk êm nawh.

ISAI 1:5

Iengdinga hel zuol deu deu a, vuoka la um rawp ding am in ni a? Lu chu a pumin a na a, lungril khawm chu a pumin a châu tah.

JEREMIA 7:28

Chun, an kuoma chun, “Lalpa an Pathien râwl khawm ngai lova, inchûktirna khawm pawm bawk lohai chu hi hnam hi an nih; thudik chu a riral a, an baua inthawk chun sât thlâkin a um a,” tîng i tih.

ZEPHANIA 3:2

Ama chun râwl chu a pawisa naw a, sukdikna chu a pawm naw a, Lalpa khawm chu a ring naw a; a Pathien khawm chu a hung hnai bawk naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:16

Chun, chu thilpêk chu mi pakhat suol leia thil hung um le chun ân ang bawk nawh; thiemnaw inchangtirna rorêlna chu mi pakhat leiin a hung um a, thiem inchangtirna thilthlâwnpêk ruok chu bawsietna tamtak leiin a hung um ta lem a nih.

1 KORINTH 1:20

Mi var chu khâwlai am a um a? Dân hre mi khawm chu khâwlai am a um a? Hi khawvêla sêltu chu khâwlai am a um a? Pathienin khawvêl varna hi invêtthlâk a nih ti ân hriettir naw am a nih?

1 KORINTH 1:21

Pathien varnaa chun khawvêlin varna hmanga Pathien an hmu thei naw hnungin thu hril invêt hmanga a ringtuhai sandam chu Pathienin ṭha a ti hle si a.

1 KORINTH 11:30

Hi lei hin nangni laia tamtak chu, in hrâtnawin in hrivawi a sie a nih, ṭhenkhat chu in thi ta a.

1 KORINTH 11:31

Amiruokchu, chîktakin inngaituo hlak unla chu, ro rêlpêkin ei um naw ding bah.

1 KORINTH 11:33

Chuleiin, ka unauhai, fa dinga in inkhâwm pha, innghâk tâwl hlak ro.

DÂN PAHNINA 8:5

Miin a nau a thunun hlak angin Lalpa in Pathien chun a thunun hlak cheu a nih ti hi in lungrilin hre rân ro.

1 TIMOTHE 1:20

Chuhai lai chun Humenai le Alexander an na; Pathien hrilsiet naw an inchûk theina dingin anni chu Setan ka pêk a nih.

1 JOHAN 5:19

Chun, Pathiena inthawk ei nih ti le, khawvêl pumpui hi Mi Suol thu thuin a um ti ei hriet.

THUPUONGSUO 3:19

Ka hmangai taphawt chu ka kâwkin ka thunun hlak; chuongchun, ṭhahnem ngai la sim rawh.