1 KORINTH 11:3 - Pathien Lekhabu Inthieng (BSI)

³ Nisienlakhawm, pasal taphawt lu chu Krista a na, nuhmei lu chu a pasal a na, chun Krista lu chu Pathien a nih, ti in hrietchieng ka nuom a nih.

1 KORINTH 11:3 ပူးပေါင်းရင်းမြစ်များ

INṬANNA 3:16

Nuhmei kuoma chun, “Nau vawnna le nau neinaa i rinumna chu nasatakin sukpung ka ta, natak tuorin nau nei hlak i ta; nisienlakhawm, i nuom zâwng chu i pasal tieng nîng a ta, ama chun i chungah thu nei a tih,” a ta.

ISAI 52:13

Ngai ta, ka siehlaw chun vartak- in thâwng a ta, chawimawi le chawisângin um a ta, insângtakin um a tih.

ISAI 55:4

Ngai ta, ama chu mi tin ta dinga hretuah ka ruot a, mi tin ta dingin hotua le ṭhuoituah ka ruot a nih.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

JOHAN 14:28

‘Ka fe hmang ding a na, in kuomah hung nâwk ka tih’, ka tizie cheu kha in hriet tah. Nangnîn mi hmangai ni unla Pa kuoma ka fe ding a ni leiin in lâwm ding a nih; Pa chu keia nêkin a ropui lem si a.

1 KORINTH 3:23

Nangni khawm Krista ta in na, Krista khawm chu Pathien ta a nih.

EPHESI 4:15

hmangaia thu diktak hrilin, iengkimah amaah inṭhang lien thei lem ei tih; ama chu Lu a na, Krista chu.

KOLOSSA 1:18

Ama chu a taksa Kohran lu a na, iengkima a chunghnung tak a hung ni theina dingin, a bulpui, mithi laia inthawka tho hmasatak chu a nih.

KOLOSSA 2:10

Amaa chun in famkim ta bawk a, ama chu inlalna le thuneina po po lu a nih.

KOLOSSA 2:19

Lu chu an chel tlat si naw a. Ama, Lua chun, taksa hlawmpui chu, inzawmna le khuopnahaia châwm le inzawmkhâwma umin, Pathien inṭhang liennain ân ṭhanglien hlak a ni si a.

KOLOSSA 3:18

Nuhmeihai, Lalpaa a âwmtâwk ang peiin, in pasalhai kuomah intuklût ro.

1 PETER 3:1

Chuong ang bawkin nangni nuhmeihai, mâni pasalhai thu thuin um ro; chuongchun, anni laia tûkhawmin thu chu awi naw sien khawm, thu ni lovin, an nuhmeihai chângziea hnein um thei an tih,