1 KORINTH 11:26 - Pathien Lekhabu Inthieng (BSI)

²⁶ Chu bei chu in fâk a, no chu in dâwn zâtin, Lalpa hung nâwk hmakhat a thina chu in puong hlak a ni si a.

1 KORINTH 11:26 ပူးပေါင်းရင်းမြစ်များ

JOHAN 14:3

Chun, in ta dinga hmun ka hang siem chun hung kîr nâwk ka ta, ka kuomah lâng ka ti cheu; ka umnaah nangni khawm in um theina dingin.

JOHAN 21:22

Isûn a kuomah, “Ka hung nâwk chena um zing dingin dit lang lem chu, chu chu ienga i hmang ding am a na? Nangin mi zui el rawh,” a ta.

JOHAN 21:23

Chuongchun, chu inchûktir chu thi naw dingin a thu unauhai lai ân thang ta a. Nisienlakhawm, Isûn thi naw ni ti a kuomah a hril si nawh, “Ka hung nâwk chena um zing dingin dit lang lem chu, chu chu ienga i hmang ding am a na?” a ti el a ni si a.

THILTHAWHAI 1:11

Chuonghai chun, “Galili rama mihai, iengdinga vân tieng nghaa in ngir am? Hi Isu in kuoma inthawka vân tienga ṭhuoia um hi, vâna a hang fe in hmu ang bawk hin ama ngei hi hung nâwk a tih,” an ta.

1 KORINTH 15:23

Nisienlakhawm, mâni hun seng peiah, keitho ning an tih: ahmasa takin Krista, tho hmathuoitu; chu hnungah, a hung phaleh Ama tahai po.

1 KORINTH 4:5

Chuongchun, a hun hma hin iengkhawm fie naw ro, Lalpa hung hmakhat chu, ama chun inthima thil thuphmanghai chu varah hung la suok a tih, lungrila tumhai khawm chu suklang bawk a tih; chu pha chun mi tinin Pathien kuoma chun an chantâwka inpâkna hlaw seng tâng an tih.

1 THESSALONIKA 4:16

Lalpa ngei chu khêkri leh, vântirko chunghnungtak râwl leh, Pathien tawtawrâwt ri leh, vâna inthawkin a hung ṭum ding a ni si a; chun, Kristaa thi tahai chu tho hmasâng an tih.

2 THESSALONIKA 1:10

chu ni, a mi inthienghaia chun chawimawia um ding le, ringtuhai po poa chun (kan thu inhriettir cheu kha in awi si a) makti dinga a hung nia chun.

HEBRAIHAI 9:28

chuong ang bawkin Krista khawm mi tamtakhai suol fepui dinga vawi khat inhlâna um tain, sandamna hmu dinga ama lo nghâktuhai kuoma chun, suol ṭhang lovin vawi hninaah hung inlang nâwk a tih.

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 22:20

Hieng thu inhriettirtu hin, “Anih, ka hung vak ding a nih,” a tih. Amen, hung ta la, Lalpa Isu.