1 KORINTH 11:22 - Pathien Lekhabu Inthieng (BSI)

²² Iengtizie am a na? Fâk le dâwnna dingin in in nei seng an naw am a ni? Annawleh, Pathien kohran hmusitin, iengkhawm nei nawhai chu in sukzak el hlak am a ni? In kuomah ieng am hril tâng ka ta? Kân pâk ding cheu am a ni? Hi kawnga hin chun kân pâk thei naw cheu.

1 KORINTH 11:22 ပူးပေါင်းရင်းမြစ်များ

THUVARHAI 17:5

Tukhawm mi pasie nuisan chun a siemtu a hmusit a nih. Vângduoina diriemtu chu hrem lo ni naw nih.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

1 KORINTH 10:32

Judahai ta ding khawmin, Grik mihai ta ding khawmin, Pathien kohranhai ta ding khawmin an tlûk phâna ding hrim hrim iengkhawm thaw naw ro.

1 KORINTH 11:17

Amiruokchu, hieng thu ka ihrilhai cheua hin kân pâk thei naw cheu a nih, in inkhâwm pha ṭhatpui nêkin in sietpui lem hlak leiin.

1 KORINTH 11:2

Iengkima in mi hriet zing lei le, thurosiehai ka hung hril angtaka in la vawng tlat leiin kân pâk cheu a nih.

1 KORINTH 11:34

In inkhâwm chu thiemnaw in chang phana a ni nawna dingin, a phîngṭâm chun inah hung fa zet raw se. Thil danghai chungchâng chu ka hung pha leh la kâwkhmûng ka ti cheu.

1 KORINTH 15:9

Kei chu tirko laia chîntak, Pathien kohranhai ka suknawmna leia tirkoa inbûk tlâklo ka ni si a.

1 TIMOTHE 3:15

Nisienlakhawm, ka la um sâwt tâk duoiin Pathien sûnghai laia mi iengtin am an um ding ti i hriet theina dingin ka ziek a nih; Pathien sûnghai chu Pathien hring kohran, thutak ban le innghatna chu an nih.

1 TIMOTHE 3:5

(miin mâni insûng khawsak hman a rêl fel thiem naw chun, Pathien kohran iengtin am enkawl a ta?)