1 KORINTH 10:3 - Pathien Lekhabu Inthieng (BSI)

³ an rêngin thlarau tieng bu hmunkhat an fâk seng a,

1 KORINTH 10:3 ပူးပေါင်းရင်းမြစ်များ

NEHEMIA 9:15

an phîngṭam sukrena dingin vâna inthawkin bei i pêk a, an dangchâr sukrêna dingin lungpuia inthawkin tui i suksuokpêk a, i bân phar meua, ‘Pêng ka tih,’ i ti ram hluo ding thu i pêk a.

NEHEMIA 9:20

Anni inchûktir dingin i thlarau ṭhatak chu i pêk bawk a, i manna chu an baua a lût i phal naw naw a, an dangchâr sukrêna dingin tui i pêk a.

INPÂKNA HLABU 105:40

An hnih a; chuongchun, vamîm a hung ṭhuoi a, Vân buin anni chu a sukkhawp ta a.

FESUOKNA 16:15

Israel mihaiin chu chu an hmu chun ieng am a nih an hriet si naw a, “Ieng am a na?” an inti tâwl a. Mosie chun an kuomah, “Lalpain fâk dinga bei a pêk cheu chu a ni hi.

FESUOKNA 16:35

Israel mihai chun mi umna ram an hung tlung hma po kum sawmli sûng chu manna chu an fâk ta a. Kanaan ram ramrihai an hung tlung chen chun an fâk a.

FESUOKNA 16:4

Chun, Lalpa chun Mosie kuomah, “Ngai rawh, vâna inthawkin in ta dingin bei ka hung insûrtir ding a nih: mipui va fe suok an ta, ka dân an zâwm le an zâwm naw anni ka fie theina dingin ni tin ni khat tlatâwk la khâwm raw hai se.

DÂN PAHNINA 8:3

Mihriem hi bei chauin an hring naw a, Lalpa bâua thu tin suokin a nih ti ân hriettir theina ding cheuin a sukhnuoi cheu a, in ṭâm dâm a phal a, in hriet ngai lo, in pi le puhai khawma an hriet ngai lo manna chun a châwm cheu a.