1 KORINTH 10:22 - Pathien Lekhabu Inthieng (BSI)

²² Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?

1 KORINTH 10:22 ပူးပေါင်းရင်းမြစ်များ

1 LALHAI 14:22

Judahai chun Lalpa mithmua chun thil suol an thaw a; an puhai thilthaw po po khûma an suolnahai chun a thîkthu a chawktho pêk a.

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 78:58

An hmun insânghaiin ama chu an suklungsen hlak si a, An milim siemhaiin an inthîktir bawk a.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

FESUOKNA 34:14

pathien dang hrim i biek ding a ni nawh, Lalpa, a hming el khawm ‘Thîkthusie’ chu Pathien thîkthusetak a ni si a.

THUHRILTU 6:10

Ieng po khawm lo um ta kha a hming sâwttaka sak tah a ni a; chun, mihriem chu ieng am a na ti khawm hriet a ni sa ta a, ama nêka thilthawthei lem chu a khing zo nawh;

ISAI 45:9

Mâni siemtu sêltu chu a chung a rik ie! hnuoia behar laia behar mei mei chu! Pilpawk chun a hemtu kuomah, “Ieng am i siem leh?” a ti ding am a nih? annawleh, i sinthaw chun, “A kutin thiem hrim a nei nawh,” a ti ding am a nih?

JEREMIA 44:8

chuongahai chun in kut sinthawhai chun in mi suklungsen a, in va mikhuolna tiengahai chun Aigupta rama pathien danghai kuoma chun riminhnik dâm in raw a; chuong chu hi hnuoia hnam po pohai laia thusekawk le, ṭawngsephur le, sâtthlâk in ni theina ding chau a ni naw am a nih?

JEREMIA 7:19

Kei chu an mi suklungsen am a nih? Lalpa chun a tih; an inzakna dingin, anni le anni chu an insuklungsen a ni nâwm a nih?

EZEKIEL 22:14

Nangma chu ka sawisak nihaia che chun i kuthai chu a hrât tâwkin, i lungril chun a tuor zo ding am a nih? Kei Lalpa hin ka hril ta a, thaw ngei bawk ka tih.

ZEPHANIA 1:18

Lalpa lunginsenna nia chun an tangkain amanih, an rângkachakin amani khawm sansuok thei naw ni a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni si a.

DÂN PAHNINA 32:16

Ram dang pathienhai bein a thîkthu an chawktho a, Thil tirdakumin a lungsenna an chawktho a.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril khawp lohai leh inthîktir ka ta, Hnam invêthai hmangin suklungsen ka tih.

DÂN PAHNINA 4:24

Lalpa in Pathien chu kâng bohmang mei, thîkthusetak Pathien a ni si a.

DÂN PAHNINA 6:15

Nangni laia um Lalpa in Pathien chu Pathien thîkthusie a nih; Lalpa in Pathien lung chu in chungah inthawk a ta, leihnuoia inthawk hin sukbohmang el rawi a ti cheu.

HEBRAIHAI 10:31

Pathien hring kuta tlûk chu thil râpthlâktak a nih.

JOSUA 24:19

Josua ruok chun mipuihai kuoma chun, “Lalpa rawng chu bâwl thei naw ti niu, ama chu Pathien inthieng a ni si a; Pathien thîkthusie a na, in bawsietna dâm le in suolnahai chu ngaidam naw ni.