1 KORINTH 10:19 - Pathien Lekhabu Inthieng (BSI)

¹⁹ Ieng am a na ka hril? Milim hmaa thil inhlân chu hlutna nei thil am a nih? Milim khawm chu thil tlâktlai am a ni ?

1 KORINTH 10:19 ပူးပေါင်းရင်းမြစ်များ

ISAI 40:17

Hnam tinrênghai chu a hmaa chun iengkhawm an ni naw a, ama ngai chun iengkhawm ni lo nêka tlâwm lem, boruok el an nih.

ISAI 41:29

En ta u, an rêngin, an sinthawhai chu iengkhawm ni lo a na, thil umlo el a nih, an milim sunghai khawm chu thli le boruok el a nih.

THILTHAWHAI 19:26

Hitaka Ephesi chaua hin ni lovin Asia ram pumpui deu thawa khawm, hi Paula hin, ‘Kuta siem pathienhai hi Pathien an ni nawh,’ tiin mi tamtak thlêmthlûin a hîp hmang zo tah ti nangni ngeiin in hmuin in hriet bawk a.

1 KORINTH 1:28

chun, khawvêl thil sie le hmusitumhai, thil umnawhai chenin a thlang a, thil umsahai chu iengkhawm ni lova a siem theina dingin;

1 KORINTH 10:14

Chuleichun, ka idittakhai, milim biek hi tlânsan ro.

1 KORINTH 13:2

Chun, thu hril theina neiin, thurûk po po le hrietna po po hre vawng lang khawm, tlâng sawn theina khawp hiel ringna famkim nei lang khawm, hmangaina ka nei si naw chun iengkhawm ni naw ning.

1 KORINTH 3:7

Chuongchun, ân ṭhangtirtu Pathien chau naw chu a phuntu chu iengkhawm a ni naw a, tuia châwmtu khawm chu iengkhawm a ni nawh.

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

2 KORINTH 12:11

Ka lo invêt a ni ta tie: nangniin invêt lo thei lovin in mi siem a nih; kei chu nangni mi chawimawi ding ka nih in sawnnaw, iengkhawm ni naw lang khawm ieng kawnga khawm tirko lientakhai chu ka tluk naw si naw a.

DÂN PAHNINA 32:21

Pathien ni lo thilin ka thîkthu an chawktho a, An milimhaiin an mi suklungsen a; Chia hril khawp lohai leh inthîktir ka ta, Hnam invêthai hmangin suklungsen ka tih.