1 KORINTH 10:13 - Pathien Lekhabu Inthieng (BSI)

¹³ Mihriem ituor thei ang bâk chu thlêmna hrim hrim in chungah a tlung ngai nawh. Pathien chu a ringum a nih; ama chun in tuor thei bâk chu thlêmna in tuor phal naw ni; in tuor theina dingin thlêmna ruolin tlân suokna lampui siem nghâl lem a tih.

1 KORINTH 10:13 ပူးပေါင်းရင်းမြစ်များ

INPÂKNA HLABU 124:7

Châng kamtu chânga vate a suok angin ei hringna hi a suok ta a, Châng chu a se ta a, eini hi ei suok ta hlau a nih.

INPÂKNA HLABU 125:3

Rîtlona lalhmawl chu mi fel chan chunga chun ân nghat âwm si naw a, Mi felhai chun an kuthaia khawhlona an ban nawna dingin.

INPÂKNA HLABU 36:5

Aw Lalpa, i ngilneina chu vânhaia khin a um a, I ringumna chun vân dumhai khi a tawng a nih.

INPÂKNA HLABU 89:33

Nisienlakhawm, ka ngilneina chu a kuoma inthawk chun lâkpêk vawng naw ning a, Ka ringumna chu khêla ân chang phal bawk naw ning.

FESUOKNA 3:17

Chun, in kuomah Aiguptaa rimsiknaa inthawkin Kanaan mihai, Hit mihai, Amor mihai, Periz mihai, Hiv mihai le Jebus mihai ram khuoizu le nênetuia luong rama chun ṭhuoi lût ka ti cheu ti ka tiem ta cheu kha,’ a tih, ti rawh.

ISAI 11:5

Felna hi a kâwnghrên nîng a ta, ringumna hi a kâwngkhi nîng a tih.

ISAI 25:1

Aw Lalpa, nang chu ka Pathien i na; chawimawi ka ti che a, i hming inpâk ka tih; thil maktak, inhmaa remruothai chu, ringumtak le thutakin i thaw si a.

ISAI 49:7

Lalpa Israelhai intlantu le an Mi Inthieng chun, nasataka hmusita um le hnamhai iten, rorêltuhai siehlaw kuoma chun hieng ang hin a hril, “Lalpa ringum, Israelhai Mi Inthieng, nangma thlangtu lei khan lalhaiin hmûng an ta, tho an tih; mi lienhai khawma chibai bûk an tih,” tiin.

JEREMIA 12:5

Kea lâwn mihai leh in tlân a, an suksâwl hle che chun, sakawrhai le chun iengtin am inel thei i ta? Muongna rama hman i tlu chun, Jordan ramngawa chun iengtin am thâwng i ta?

JEREMIA 29:11

In ta dinga ka remruotnahai chu ka hriet si a, Lalpain a tih, in sietna ding ni lovin in ṭhatna ding le hmatienga beiseina pe ding cheua ka remruotnahai chu.

ṬAP HLA 3:23

Zîng tinin an thar a; i ringumna chu a ropui a nih.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

HOSEA 2:20

Ringumnain huol ka ti che a, chuongchun, Lalpa chu hrieng i tih,

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

LUKA 11:4

Kan suolhai mi ngaidam la, Keini khawmin kan chunga thil suksuoltuhai kan ngaidam hlak angin. Thlêmnaa chun mi ṭhuoi lût naw rawh,’ tiin,” a ta.

LUKA 16:26

Hieng naw khawm hi, hitaka inthawka nangni kuoma fe tumhai chu an fe thei nawna dingin le, tukhawm khataka inthawka keini kuom tieng an hung kai thei nawna dingin, keini le nangni inkâra hin hnuoi kak nasatak an siem tlat a nih,’ a ta.

LUKA 22:46

chun, an kuomah, “Iengdinga in in am? Thlêmnaa in lût nâwna dingin tho unla, ṭawngṭai ro,” a ta.

THILTHAWHAI 27:44

mi danghai chu, a ṭhen thingphêk chunghaiah, a ṭhen lawng kawi hâr chunghaiah kai dingin thu a pêk a. Chuong ang chun an rêngin khawmuolah himtakin an kai seng ta a.

1 KORINTH 1:9

Pathien a Naupa ei Lalpa Isu Krista pâwlnaa ko lûttu cheu kha ring a um a nih.

2 KORINTH 1:10

Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,

DÂN PAHNINA 7:9

Chuleiin, Lalpa in Pathien chu Pathien a nih ti hre ro; Pathien ringum, ama hmangaia a thu zâwmtu chunga suon sâng chena thuthlung le lunginsietna innghat zing a,

1 THESSALONIKA 5:24

A kotu cheu chu ring a um a, thaw khawm thaw ngei bawk a tih.

2 THESSALONIKA 3:3

Amiruokchu, Lalpa chu ring a um a, ama chun sukdetin mi suolhai lai chun hum a ti cheu.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

HEBRAIHAI 10:23

Inhnîng lovin ei beisei thuring hi pawm tlat ei tiu; thutiemtu chu ring a um si a.

HEBRAIHAI 11:11

Ringnain Sara ngei khawmin, a tiemtu chu ringuma a ruot leiin tar ta hnungin chi pai theina a hmu a.

HEBRAIHAI 12:4

Suol doin thisen suok khawpin in la ṭhang naw a,

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai infuina nasatak ei nei theina dingin.

1 PETER 4:19

Chuleiin, Pathien remti zâwng anga tuorhai chun, thil ṭha thawin an thlarauhai chu Siemtu ringumtak kuomah inkawltir raw hai se.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

1 JOHAN 1:9

Ei suolhai thupha ei chawi chun, ei suolhai ngaidam ding le, ei felnawna po po sâwpfai dingin ama chu ring a umin a fel a nih.

THUPUONGSUO 19:11

Chun, vân inhawng ka hmu a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

THUPUONGSUO 2:10

I tuor dinghai hi ṭi naw; ngai ta, fiea i um theina dingin, Diebol chun nangni laia mi ṭhenkhat intângna inah a khum ding cheu a nih; chun, ni sâwm rinum tuor in tih. Thi chenin ringumin lo um rawh, chuongchun, hringna lallukhum pêng ka ti che.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.

1 SAMUEL 29:10

Chuleiin, i kuoma fe ve, i pu siehlawhai le hin zîngkâr tho unla, chun, zîngkâr in tho a, khuo a var phing le chun fe el ro,” a ta.