1 KORINTH 10:10 - Pathien Lekhabu Inthieng (BSI)

¹⁰ Anni laia ṭhenkhat an chier a, sukbohmangtu sukbohmanga an um ang khan chier naw bawk ei tiu.

1 KORINTH 10:10 ပူးပေါင်းရင်းမြစ်များ

2 SAMUEL 24:16

Chun, vântirkoin sukse dinga Jerusalem tienga a kut a hang inlet chun Lalpain thil ṭha naw thaw a tum chu ân lêt a, mihai sukbohmangtu vântirko kuoma chun, “A hun ta ie, i kut inlet ta naw rawh,” a ta. Chun, Lalpa vântirko chu Jebus mi Arauna hrizâwl bula chun a um a.

1 CHANCHIN SUINA 21:15

Chun, Pathien chun sukse dingin Jerusalema chun vântirko a tir a; chuonga a suksiet ding lai tak chun Lalpa chun a hmu a, thil ṭha naw thaw a tum chu ân kîr a; chuongchun, a suksetu ding vântirko kuoma chun, “A hun tah, i kut tuhin chel hri rawh,” a ta. Chun, vântirko chu Jebus mi Ornan hrizâwla chun a ngîr ta zing a.

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

INPÂKNA HLABU 106:25

An puon inahai chun an chier ta lem a, Lalpa râwl chu an ngai nuom naw a.

FESUOKNA 12:23

Aigupta mihai chu hrem dingin Lalpa chu a fe thleng ding a ni si a; chun, kawtkhâr bieng pahni le kawtkhâr lu chung khangpheia thisen chu a hmu chun, Lalpa chun kawtkhâr chu fe kân a ta, in inhaia chun nangni sukhlum ding cheuin sukbohmangtu chu inhungtir naw nih.

FESUOKNA 15:24

Mipui chu, “Ieng am dâwn tâng ei ta?” tiin Mosie chungah an chier ta a.

NAMBAR 14:2

Israel mi po po chu Mosie le Aron chunga chun an chier a; a pungkhâwmhai po po chun an kuomah, “Aigupta rama khan lo thi law law kha ni ta lem inla aw! Annawleh, thlalêrah hin lo thi ta lem el inla aw!

NAMBAR 14:37

ram a ṭha naw tienga hung hriltuhai chu Lalpa hmaah hriin an thi ta a.

NAMBAR 16:11

Chuleiin, nang le i pâwlhai po po chu Lalpa chu kalin in pungkhâwm a nih. Aron khawm hin ieng am a thawa a chunga hi chier in ni leh?” a ta.

NAMBAR 16:41

Nisienlakhawm, a zînga chun, “Lalpa mihai in sukhlum a nih,” tiin Israel mi pungkhâwm po po chu Mosie le Aron chunga chun an chier a.

NAMBAR 17:10

Chun, Lalpain Mosie kuomah, “Helhmang nauhai an nih ti inhriettirna dingin Aron hmawl chu thu inhriettirna bula chun sie nâwk rawh; chuongchun, ka chunga an helna hi sukrepêk thei i tih, an thi nawna dingin,” a ta.

NAMBAR 17:5

Chun, ka mi thlang ding hmawl chu hung inder a ta, chuongchun, Israel mihai chierna, i chunga an chierna hi ka sukre ding a nih,” tiin.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.

PHILIPPI 2:14

Chierna le insêlnahai um lovin iengkim thaw ro,

HEBRAIHAI 11:28

Ringnain Fekân Ruoiṭhe le thisen the kha a siem a, nau lutir sukbohmangtu chun anni a tâwk nâwna dingin.

JUDA 1:16

Chuonghai chu chiertu le sawisêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.

THUPUONGSUO 16:1

Chun, pindan sûngrila inthawk chun rawl inringtakin, vântirko pasarihai kuoma chun, “Fe unla, Pathien lunginsenna berbuhai chu hnuoiah bunthla ro,” a ti ka hriet a.