1 KORINTH 10:1 - Pathien Lekhabu Inthieng (BSI)

¹ Unauhai, hieng hi in hriet naw ka nuom naw ie, khânga ei thlatuhai po po sûm hnuoiah an um vawng a, an rêngin tuipuia khawm an kai vawng a;

1 KORINTH 10:1 ပူးပေါင်းရင်းမြစ်များ

NEHEMIA 9:19

i lunginsietna nasatak chun thlalêra khan i thlathlam chuong naw a: lampuia anni ṭhuoi dinga an chunga sûm ngîr chun sûnah anni a mâksan chuong naw a, anni ên ding le an fena lampui khîkhmu dinga meichawk ngîr khawm chun zânah a fesan bawk nawh.

INPÂKNA HLABU 105:39

Ama chun hlietu dingin sûm ân zâmtir a, Zâna êntu dingin mei a pêk bawk a.

INPÂKNA HLABU 66:6

Ama chun tuipui kha hnuoi ṭâwlah ân changtir a, Vadungpui kha kein an fe kâi a; Chutaka chun amaah ei hlim a.

INPÂKNA HLABU 78:53

Himtakin a ṭhuoi a, chuongchun, iengkhawm an ṭi naw a, Nisienlakhawm, tuipui chun an hmêlmahai chu ân khum zo ta a,

FESUOKNA 14:29

Israel mihai ruok chu tuipui kâra chun hnuoi hulah an fe a, tui chu an changtieng le vawitieng chun bang angin a umpêk a.

FESUOKNA 40:34

Chun, sûm chun intuokna puon in chu ân khum a, Lalpa ropuinain biekbûk chu a suksip a.

NAMBAR 14:14

hi rama mihai hi hril an ta; hieng mipuihai lai hin i um ti an hriet ta a; hmaisan meuin an hmu ta si che a; i sûm chu an chungah a um hlak a; chun, sûnah sûmngîr, zânah meiin an hma i ṭhuoi hlak si a.

NAMBAR 33:8

Pi-hahiroth bula inthawk chu an suok a, tuipui an fe thleng a, thlalêrah an lût a, chun, Etham thlalêrah ni thum lam an fe a, Maraah umhmun an khuor a.

JOHAN 4:20

Keini thlatuhai chun hi tlânga hin Pathien chibai an bûk hlak; nisienlakhawm, nangni chun, ‘Mihriemin Pathien chibai an bûkna hmun ding chu Jerusalemah a um,’ in ti hlak,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:13

Unauhai, Jentail danghai laia kân rimna ra ka hmu ta ang bawkin, nangni lai khawm a ra ka hmu theina dingin, in kuoma hung vawi tamtak ka tum tah ti in hriet naw ka nuom nawh; nisienlakhawm, kha hma po khan chu dangin ka um rawp a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:21

Chapo naw la, ṭi lem rawh. Pathienin a kâu takhai hman a hla si naw chun nang khawm hla bîk naw ni che.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:11

Chuongchun, sertan lova a um laia, ringnain felna chu a hmu ti inhrietna, sertan inchikna chu a hmu a, chu felna chu an ta dinga ruot a nina dingin sertan lohai laia ringtuhai po po pa a ni theina dingin,

1 KORINTH 12:1

Chun, unauhai, thlarau tieng thilpêk thuhai chu in hriet naw ka nuom nawh.

1 KORINTH 14:38

Nisienlakhawm, tûkhawmin hi hi a hriet nuom naw chun ama chu hriet lovin um raw se.

GALATI 3:29

Chun, Krista ta in ni chun, Abraham thla, thutiem anga rohluotu dinghai in nih.

DÂN PAHNINA 1:33

in puon in in zarna ding hmun zawngpêk ding cheu le in lampui khîkhmu ding cheua zânah meia, sûnah sûma hmaṭhuoitu chu.

HEBRAIHAI 11:29

Ringnain khawmuola fe angin Tuipui Sena khan an fe kai a; Aiguptahaiin chu chu thaw an tum ve a, lem zoin an um ta a.

JOSUA 4:23

Lalpa in Pathien chun inhmaa Tuipui Sen chu ei kai hmakhata ei hmaa a lo sukkangtan ta ang khan, Lalpa in Pathienin Jordan tuihai hi in kai hmakhat chu in hmaah a sukkangtan ta a ni hi.