1 JOHAN 5:20 - Pathien Lekhabu Inthieng (BSI)

²⁰ Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

1 JOHAN 5:20 ပူးပေါင်းရင်းမြစ်များ

ISAI 44:6

Lalpa Israelhai Lal, an intlantu sipaihai Lalpa chun hieng ang hin a tih, “Kei a hmasa tak chu ka na, a nuhnung tak khawm ka nih; keima naw chu Pathien hrim hrim an um nawh.

ISAI 54:5

Nangma siemtu chu i pasal a ni si a; a hming chu sipaihai Lalpa a nih; Israelhai Mi Inthieng chu nangma intlantu a ni bawk a nih; ama chu khawvêl po po Pathien tîng an tih.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

LUKA 24:45

Chuongchun, Pathien Lekha Thu hrietna dingin an lungvar a sukvar ta a,

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 10:30

Kei le Pa chu pumkhat kan nih,” tiin a dawn a.

JOHAN 14:20

Chu nia chun kei ka Paa ka um dâm, nangni keimaa in um dâm, kei nangnia ka um dâm hre tâng in tih.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 14:6

Isûn a kuomah, “Kei hi lampui le thutak le hringna ka nih; keimaa fe naw chu tukhawm Pa kuom an tlung ngai nawh.

JOHAN 14:9

Isûn a kuomah, “Philip, hi chen rau hi in kuomah ka um a, chuong khawm chun in mi la hriet naw ta rawp maw? Tûkhawm a mi hmu chu Pa hmu a nih. ‘Pa chu mîn hmutir rawh,’ ieng ti tia ti am i na?

JOHAN 15:4

Keimaah um zing ro, kei khawm nangniah um zing ka tih. Kâu chu grêp hruiah a um zing naw chun a khâtin a ra thei naw ang bawkin, nangni khawm keimaah in um zing naw chun ra thei naw ti niu.

JOHAN 17:14

I thu an kuomah ka pêk tah; chun, khawvêlin anni chu an theida a, khawvêla mi an ni naw leiin, kei khawvêla mi ka ni naw ang bawkin.

JOHAN 17:25

Aw Pa feltak, khawvêl chun an hriet naw che a, kei ruok chun ka hriet che kha, hienghai khawm hin nangin kei i mi tir ti an hriet kha.

JOHAN 17:3

Hi hi chatuona hringna a nih: nang Pathien tak chau le i tir Isu Krista hriet hi.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOHAN 8:42

Isûn an kuomah, “Pathien in Pa a ni chun nangnîn mi hmangai naw ti niu am; Pathien kuoma inthawka suok le a kuoma inthawka hung ka ni si a; keima thua hung ka ni bawk nawh, ama chun a mi tir lem a nih.

THILTHAWHAI 20:28

Pathien kohran ama thisena a inchâwk chu, châwm dingin, nangni le inrawihai po po chunga chun fimkhur ro, Thlarau Inthiengin an chunga hotuin a siem cheu hi.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:5

thlatu bulhai chu an ta a ni bawk a, taksa tienga sui chun Krista chu anni laia inthawka hung suok a ni si a; ama chu thil tinrêng chunga um a na, chatuona inpâk tlâk Pathien a nih. Amen.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

2 KORINTH 4:6

Isu Krista hmêla chun, Pathien ropuizie hrietna var chu mi pe dingin, “Inthima inthawkin var varsuok a tih,” titu Pathien chun kan lungrilhai hi a sunvar ta si a.

2 KORINTH 5:17

Chuleichun, tûkhawm Kristaa a um chun thilsiem thar a hung ni ta a; thil hluihai chu a bo ta a, ngai ta u, a hung thar tah.

EPHESI 3:18

mi inthieng po pohai le chun, a lienzie dâm, a seizie dâm, ân thûkzie dâm, ân sângzie dâm hriet chieng theina le,

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

1 TIMOTHE 3:16

Chun, Pathien ngaisakna thurûk chu sêl ruol lovin a ropui a nih: “Ama, taksaa hung inlang, Thlaraua thiem chang, Vântirkohai ihmu, Hnamhai laia tlânginsampui, Khawvêla mihai iawi, Ropuinaa zuk ṭhuoi ta chu,”

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

HEBRAIHAI 1:8

Naupa chungchâng thua ruok chu hi hi a hril a nih: “Aw Pathien, i lalṭhungpha chu chatuon chatuonin um a ta; Indikna lal hmawl khawm chu, I ram lal hmawl a nih.

1 JOHAN 2:23

Tûkhawm Naupa awinaw chun Pa khawm a pawm chuong nawh; Naupa awitu ruok chun Pa khawm a pawm a nih.

1 JOHAN 2:24

Nangni chun chu, a tira inthawka in hriet kha, nangniah inumtir zing ro. Chu a tîra inthawka in hriet chu nangniah a um zing chun, nangni khawm Naupaa le Paa chun um zing in tih.

1 JOHAN 2:6

“Amaah ka um zing hlak,” titu chu, ama a um ang bawk khan a um ve ding a nih.

1 JOHAN 4:14

Chun, Pain Naupa chu khawvêl sandamtua um dingin a hungtir ti ei hmu ta a, ei inhriettir a nih.

1 JOHAN 4:16

Pathienin einia hmangaina a inei chu ei hriet a, ei awi bawk a nih. Pathien chu hmangaina a nih, hmangainaa um zing chu Pathienah a um zing a, Pathien khawm amaah a um zing a nih.

1 JOHAN 4:2

Hi hin Pathien Thlarau chu hrieng in tih; thlarau iengkhawm Isu Krista tisaah a hung inchang ti ṭan chu Pathiena inthawk a nih; thlarau iengkhawm Isu ṭan naw chu Pathiena inthawk a ni nawh.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

1 JOHAN 5:15

Chuongchun, iengkhawm ei hni taphawt a mi ngaipêk hlak ti ei hriet chun, a kuoma ei thil hni chu ei hmu tah ti ei hriet a nih.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:5

Isu hi Pathien Naupa a nih ti ringtu chau naw chun tuin am khawvêl a hne hlak a?

THUPUONGSUO 15:3

Chun, Pathien suok Mosie le Berâmte hla an sak a, “Aw Lalpa Pathien Iengkimthawthei, I thilthawhai chu a ropuiin a mak a; Nang, hnam tin Laltak, I lampuihai chu a felin ân dik a nih.

THUPUONGSUO 19:11

Chun, vân inhawng ka hmu a; chun, ngai ta, sakawr vâr le a chunga chuong Ringum le Indiktak, an iti chu ka hmu bawk a; ama chun feltakin ro a rêl a, mi a do hlak.

THUPUONGSUO 3:14

“Chun, Laodikeia tirko kuoma chun hieng hin ziek rawh: “Amen, thuhretu ringum le indiktak, Pathien thilsiem bul khan, hieng thu hi a hril a nih;

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih:

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl lova hnuoia umhai chunga kan thisen insuona phuba chu la lova i um ding?” tiin an khêk a.