1 JOHAN 2:29 - Pathien Lekhabu Inthieng (BSI)

²⁹ Ama chu mi fel a nih ti in hriet chun, mi tûkhawm felna thaw chu ama inei a ni ti in hriet.

1 JOHAN 2:29 ပူးပေါင်းရင်းမြစ်များ

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

ZEKARIA 9:9

Aw Zion naunu, nasatakin hlim rawh; aw Jerusalem naunu, inringtakin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngaitlâwmtakin, sabengtung chungah, sabengtungtê chung ngeia hung chuongin.

JOHAN 1:13

Chuong mihai chu thisena nei an ni naw a, tisa dit zâwnga nei an ni bawk naw a, pasal dit zâwnga nei khawm an ni naw a, Pathien inei an ni lem.

JOHAN 7:18

Tûkhawm mâni phuokfâwm thu hril chu mâni mawina zawng a nih; a tirtu mawina zawng ruok chu, ama chu mi tak zet a nih, amaa chun indik nawna hrim a um nawh.

THILTHAWHAI 10:35

nisienlakhawm, hnam tin lai tûkhawm ama ṭia, feltaka thaw taphawt chu, a lâwm zâwng mi a ni hlak.

THILTHAWHAI 22:14

Chun, ama chun, ‘Ei thlatuhai Pathienin a ditzâwng hre ding le, Mi feltak chu hmua, a ṭawngbau khawm hre dingin a ruot ta che.

THILTHAWHAI 3:14

Mi inthieng le feltak kha in dit naw a, tuolthattu kha in kuoma pêk in ngên ta lem a.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

HEBRAIHAI 7:2

Ama chu Abrahamin iengkim sâwma pakhat a pêk a. A hming umzie chu a hmasatakah Felna Lal a na, a dawtah Salem lal a ni bawk a, chu chu Remna Lal tina a nih.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

JAKOB 1:18

A thilsiemhai hma ṭhuoitu ang ei lo ni theina dingin ama dit zâwngin thutaka inthawkin a mi nei a nih.

1 PETER 1:23

Chi se theia inthawkin ni lovin, Pathien thu hring zing le um zinga chun, chi se thei nawa inthawka pieng thar in ni si a.

1 PETER 1:3

Ei Lalpa Isu Krista Pathien le Pa chu inpâkin um raw se. Ama chun, a lunginsietna nasatak angin, mithi laia inthawka Isu Krista thonâwkna leiin beiseina hring hmu dingin nauvin a mi nei nâwk a,

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.

2 PETER 1:4

Chuong zâra chun a thutiem hlutak le ropui nasatakhai chu a mi pêk a nih, chuongchun, châkna leia khawvêla sietna hung um hi tlân suok sanin, chuong thutiem hlutak le ropui nasatakhai lei chun Pathien nungchang inṭâwmpui ve thei in tih.

1 JOHAN 2:1

Ka nauhai, thil in suksuol nâwna dingin hieng thu hi in kuomah ka ziek a ni hi. Tûkhawmin thil a suksuol chun, Pa kuoma mi hrilpuitu Isu Krista mi fel chu ei nei.

1 JOHAN 3:5

Ama chu suolhai la hmang dingin a hung inlang tah ti in hriet; amaa chun suol iengkhawm a um si naw a.

1 JOHAN 3:7

Nauhai, tû ihlêm khawmin um naw ro; felna thawtu chu a fel a nih, ama a fel ang bawkin.

1 JOHAN 4:7

Dittakhai, inhmangai tuo seng ei tiu; hmangaina hi Pathiena inthawka suok a ni si a; mi tin, hmangaina nei taphawt chu Pathien inei an ni ta a, Pathien an hriet bawk a.

1 JOHAN 5:1

Tûkhawm Isu hi Krista a ni ti ring chu Pathien inei a nih; tûkhawm a neitu hmangai chun a inei khawm a hmangai hlak.

1 JOHAN 5:18

Tûkhawm Pathien inei chun thil a suk suol zing ngai nawh ti ei hriet; Pathien inei khan ama chu a hum zing a; Mi suol chun a tâwk thei nawh.

1 JOHAN 5:4

Pathien inei taphawt chun khawvêl a hne pei si a; hi hi khawvêl hnea ngamna chu a nih, ei ringna hi.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.