1 JOHAN 2:27 - Pathien Lekhabu Inthieng (BSI)

²⁷ Nangni chu ama kuoma inthawka hriek nâlna in hmu kha nangniah a umzing a, tu inchûktir khawm in ngai nawh, ama hriek nâlna chun thil po po thu ân chûktir lem cheu lei le, indiktak a na, khêl khawm a ni naw leiin, chu chu ân chûktir ang cheu khan amaah um zing ro.

1 JOHAN 2:27 ပူးပေါင်းရင်းမြစ်များ

THUVARHAI 28:5

Mi suol chun rorêlna chu a hrietthiem naw a, Lalpa zawngtuhai ruok chun thil po po an hrietthiem.

LEVI DÂN 7:35

Hi hi a nih, Aron le a naupasalhai chanpuol dinga, Lalpa kuoma mei hmanga thilinhlânhaia inthawka sie hran, anni chu thiempu sin thaw a, Lalpa rawngbâwl dinga inhlân an nia inthawka an chanpuol ding chu;

NAMBAR 7:43

a thilinhlân chu tangkaruo thlêng pakhat, a rikzie shekel za le sâwmthum, hmun inthienga shekel sâwmsari tluka rik tangkaruo châwtawl pakhat, fâkmi thilinhlân dinga hriek chawkpawlsa beiphit inditaka sip ve ve;

MATTHAI 13:11

Chun, ama chun a dawn a, an kuomah, “Vân ram thurûk chu nangni ihriet chu phal a nih, anni ihriet ruok chu phal a ni nawh.

JOHAN 14:16

Chun, Pa hnîng ka ta, ama chun Thlamuongtu dang pêng a ti cheu, chatuona in kuoma um dingin;

JOHAN 14:17

chu chu Thlarau indiktak a nih; khawvêlin chu chu an nei thei nawh, ama an hmu naw a, an hriet bawk naw leiin. Nangnîn ama chu in hriet, in kuomah a um zing lei le, nangniah a um ding leiin.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

JOHAN 4:14

tûkhawm an kuoma ka pêk ding tui dâwn taphawt ruok chu, kumkhuoin dangchâr naw ni hai, keiin an kuoma tui ka pêk ding chu, an sûngah tuihnâr hung um a ta, chatuona hringna chenin inchik dawk a tih,” a ta.

JOHAN 6:45

Zâwlneihai Lekhabuah, ‘Pathien inchûktirin um vawng an tih,’ ti ziek a nih. Mi tin Pa thu hrea inchûk taphawt chu ka kuomah an hung hlak.

1 KORINTH 2:12

Chuongchun, a thlâwna Pathien thil mi pêkhai chu ei hriet theina dingin, eini chun khawvêl thlarau ni lovin, Thlarau Pathien kuoma inthawk chu ei hmu lem a nih.

1 KORINTH 2:13

Mihriem varna inchûktir thua hril lovin, Thlarau inchûktir thua hril lemin Thlarau tieng thuhai chu thlarau tieng mihai kuoma hrilfiein, chuong thil a mi pêkhai thu khawm chu kan hril hlak.

2 KORINTH 1:21

Chun, Kristaa nangni le a mi sukdettu le hriek mi nâltu chu Pathien a nih;

EPHESI 4:21

a rawl chu in ngai ta a, ama inchûktirhai in ni angin Isua thutak um chu inchûktirin in um ta a.

KOLOSSA 2:6

Chuleiin, Krista Isu, Lalpa chu in pawm ang khan amaa chun um ro.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

1 THESSALONIKA 4:9

Amiruokchu, unauhai, hmangai kawng thu chu ziek pêk cheu in ngai nawh, inhmangai tuo dingin nangni ngei Pathien inchûktirin in um si a.

1 TIMOTHE 2:7

chu chu thaw dingin tlâng insampuitu le tirkoa ruot ka nih (thu tak tak ka hril a, kân khêl nawh); ringna le thutaka Jentailhai inchûktirtua ruot ka nih.

1 PETER 1:23

Chi se theia inthawkin ni lovin, Pathien thu hring zing le um zinga chun, chi se thei nawa inthawka pieng thar in ni si a.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

1 JOHAN 3:24

A thupêkhai zâwm chu amaah a um zing a, ama khawm chu amaah a um zing bawk a nih. Chun, hitaka hin ama chu einiah a um zing ti ei hriet, Thlarau a mi pêka hin.

2 JOHAN 1:2

Thutak einia um zing, kumkhuo khawma ei kuoma um ding lei hin.