ZEPHANIA 3:8 - Pathien Lekhabu Inthieng (BSI)

⁸ LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

ZEPHANIA 3:8 ပူးပေါင်းရင်းမြစ်များ

INPÂKNA HLABU 12:5

LALPA chun, “Rimsihai an nêksâwr lei le, pasiehai inrûm lei chun, Tho nghâl el ka ta, An innuisan chu himtakin inumtir ka tih,” a tih a.

INPÂKNA HLABU 123:2

Ngai ta, siehlawhai mitin an pu kut tieng a en hlak ang le, Siehlawnu mitin a pi kut tieng a en hlak angin, Keini mit khawma LALPA kan Pathien kuom tieng a en zing a nih, Keini a mi lunginsiet hmakhat chun.

INPÂKNA HLABU 27:14

LALPA chu nghâk zing rawh, Hrâttakin um la, i lungril chu insukhuoi raw se; Anih, LALPA chu nghâk zing rawh.

INPÂKNA HLABU 37:34

LALPA chu nghâk la, a lampui chu hraw rawh, Chuongchun, ram chu hluo dingin chawimawi a ti che. Mi rilohai sukbohmanga an um lai chu la hmûng i tih.

INPÂKNA HLABU 37:7

LALPAA chun châwl la, ama chu nghâk fan fan rawh; Ama lampuia vângneina dawngtu lei chun insuklungngai nuom naw rawh, Ngaituo suolhai puitlintu lei chun.

INPÂKNA HLABU 62:1

Ka hringna hin Pathien chau a nghâk a, Amaa inthawk chun ka sandamna a hung suok ding a nih.

INPÂKNA HLABU 62:5

Ka hringna, Pathien chau nghâk rawh; Ka beiseina hi ama kuoma inthawka suok a ni sih a.

INPÂKNA HLABU 79:5

Aw LALPA, ieng chen am i lunginsen kumkhuo ding a na? I thîkna chu mei angin a chawk ding am a nih?

INPÂKNA HLABU 79:6

Nangma hre naw hnam tin chunga hin i lunginsenna chu bunthla la, I hming lam naw ramhai chunga khawm chun.

THUVARHAI 20:22

“Thil ṭha naw chu thung ka tih,” nangin ti naw la, LALPA chu nghâk la, ama chun sandam a ti che.

HLAHAI HLA 8:6

I lungril chunga chun inchikna ang le, I bân chunga chun inchikna angin mi sie la; Hmangaina chu thina ang elin a hrât sih a; Itthîkna chu thlân ang ela rilo a na; A chawkhai chu meichawk a na, LALPA meichawkhai ngei chu.

ISAI 14:26

Chu chu a nih, hnuoi chung po poa thuruot chu; chu bawk chu a nih hnam tinrêng chunga kut phar chu.

ISAI 30:18

Chuleiin, LALPA chun a lungin- siet theina ding cheuin, nghâk a ta, chuleiin, a lainat theina ding cheuin chawimawiin um a tih; LALPA chu rorêl felna Pathien a ni sih a; ama nghâktuhai po po chu an hamṭha ie.

ISAI 34:2

LALPA chun hnam tinrêng chung- a chun lungninawna a neiin, an sipai- hai po po chunga chun lunginsenna a nei sih a; anni chu a sukbohmang vawng a, that dingin a pêk tah a.

ISAI 63:6

Chuongchun, mi tin chu ka lung- insenin ka sirdeh a, ka lunginsenin ka sukrui a, an hringna thisen chu hnuoiah ka bunthlâk tah.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo sih a; anih, ama chu an fâk zo a, an kâng- hmang dêr a, a umna khawm chu an suksiet a.

HOSEA 12:6

Chuongchun, nang chun i Pathien tieng ngha la, Lunginsietna le rorêlna hmang la; I Pathiena chun innghat rawp rawh.

JOEL 3:2

hnam po po kei khâwm ka ta, anni chu Jehosaphat kâwnah hung ṭhuoi thlâng ka ta, ka ram an sem dar a, hnamhai laia an sukdar, ka mihai le ka rochan Israelhai ta ding chun anni chu chutaka chun khing ka tih.

MIKA 7:7

Kei ruok chun chu LALPA en ka ta; ka sandamna Pathien chu nghâk ka tih; ka Pathien chun a mi ngai ding a nih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

MATTHAI 25:32

a hmaa chun hnam tin in- khâwm an tih; berâm chingtuin kêl laia a berâmhai a ṭhe angin anni rawi chu ṭhêng a ta;

2 PETER 3:10

Nisienlakhawm, Lalpa ni chu inru angin hung tlung ngei a tih; chu nia chun vânhai chu nasataka inriin bohmang a ta, thil bulhai chu meia emhmangin um tâng a ta, hnuoi le a sûnga sinthaw umhai hi kâng hmang a tih.

THUPUONGSUO 16:1

Chun, pindan sûngrila in- thawk chun rawl inringtakin, vântirko pasarihai kuoma chun, “Fe unla, Pathien lunginsenna berbuhai chu hnuoiah bunthla ro,” a ti ka hriet a.

THUPUONGSUO 16:14

Chuong chu khawhri thlarau, thilmak thaw hlakhai an nih. Anni chu Pathien Iengkimthawthei ni ropuia indonaa ṭhuoi khâwm dingin khawvêl po poa lalhai kuomah an feh a.