ZEPHANIA 3:6 - Pathien Lekhabu Inthieng (BSI)

⁶ Hnamhai chu ka sât thlâk a, an in insânghai chen khawm chu râu- sanin a um tah a; an kawtthlêrhai chu ka suksiet vawng a, tukhawma an hraw ta nawh a; an khawpuihai chu suksietin a um a, chuongchun, mi an um ta nawh a, a hluotu khawm an um ta nawh.

ZEPHANIA 3:6 ပူးပေါင်းရင်းမြစ်များ

ISAI 14:26

Chu chu a nih, hnuoi chung po poa thuruot chu; chu bawk chu a nih hnam tinrêng chunga kut phar chu.

ISAI 37:36

Chuongchun, LALPA vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni tah a.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

JEREMIA 9:12

Hi hi a hrilfie theina dinga LALPA bauin a kuoma thu a lo hrilna chu tu am a na? Ieng leia ram chu thlalêr anga a kâng a, a bohmang a, tukhawm an fe thleng ta nâwm a na?

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

ZEPHANIA 2:5

Kereth hnam, tuisuoriet panga chêngtuhai chu an chung a va rik de! Aw Kanaan, Philistin mihai ram, LALPA thu chu nangma chungah a hung tlung a nih; Suksieng ka ti cheh a, a hluotu che um naw ni hai.

ZEKARIA 7:14

amiruokchu, an la hriet ngailo hnam po po laia chun thlivirin anni ka sukdar tah a. Chuongchun, ram chu râusanin a um tah a, tukhawm an fe thlengin an kîr nâwk ngai ta nawh a: ram duthusâm tak chu râusanah an siem ta leiin.

MATTHAI 23:38

En ta u, in in chu a ruoka mâksan cheuin a um tah.

1 KORINTH 10:11

Chun, chuong chu inentirna dingin an chungah a hung tlung a ni kha; eini hun tâwp hung tlungnahai hi mi zil dingin an ziek a n i bawk a.

1 KORINTH 10:6

Chun, chuong chu eini ta dingin inentirna a nih, thil suol an châk ang bawk khan ei châk ve nawna dingin.

JOSUA 23:4

Ngai ta u, hieng hnam a la umhai hi, hieng hnam ka sukbo tahai po po ramhai le hin, Jordana inthawka nisa tlâkna tieng Tuisuoriet Lien tlung rakin in chihai rochanah ka ruotpêk cheu a nih.