ZEPHANIA 2:9 - Pathien Lekhabu Inthieng (BSI)

⁹ Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

ZEPHANIA 2:9 ပူးပေါင်းရင်းမြစ်များ

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 25:10

Hi tlânga hin LALPA kut chu innghat a ta. Moab chu, bupâwl chu êkthlia sirdea a um hlak ang hin, ama hmunah sirdein a um ding a ni sih a.

ISAI 49:18

“Tang la, i mit inlên vêl la, en rawh; hieng po po hi an inkhâwm a, i kuomah an hung a ni hi. Ka hringna sâlin, ‘Nang chun chawimawina inbel angin hienghai hin inbelin, mo chu ân khit angin, hienghai hin inkhit ngei i tih’, LALPAIN a tih.

JEREMIA 46:18

Laltak a hming khawm sipaihai LALPA chun, ka hring zing angin; tuisuoriet panga Karmel ang le, tlânghai laia Tabor tlâng angin, ama chu hung ngei ngei a tih.

JEREMIA 48:1

Moab chungthu chu, Sipaihai LALPA, Israel Pathien chun hieng hin a tih “Nebo chu a chung a rik! suksiet a ni ta sih a; Kiriathaim chu sukzakin a um a, lâkin a um tah a; Misgab chu sukzakin a um a, sukchimin a um ta bawk a.

JEREMIA 49:1

Ammon thlahai chungchâng thu chu: LALPA chun hieng hin a tih: “Israel hin naupasal a nei naw a ni maw? Rohluotu ding a nei naw maw? Chuong a ni si chun ieng dinga Milkom hin Gad hi a nei a, a mihai chu khawpuia hai chun chêng am an nih a?

JEREMIA 49:18

Sodom le Gomorra le chu kâwl vêla khawpuihai suksiet ang khan, chutaka chun tukhawm chêng naw ni hai, tukhawm inzinah va fe bawk naw ni hai, LALPA chun a tih.

JEREMIA 49:33

Chun, Hazor chu sihalhai ta dinga chêngna hmuna le, kumkhaw râusan nîng a ta, chutaka chun tu- khawm chêng naw ni hai a, mihriem nau tukhawm chutaka chun inzin khawm vân zin bawk naw ni” tiin.

JEREMIA 50:40

Pathien chun Gomorra le Sodom le a vêl khuohai chu a pei thlâk lai ang khan, LALPA chun a tih: chutaka chun mi chêng naw ni hai a, mihriem nau tukhawm chutaka chun inzin khawm vân zin naw ni hai.

AMOS 1:13

LALPAIN hieng ang hin a tih, “Ammon nauhai bawsietna pathum leiin, anih, pali leiin, a hremna sukbo naw ning; an ram an suklien theina dingin, Gilead khaw nuhmei nau vawnhai an phirthlêr leiin;

AMOS 2:1

LALPAIN hieng ang hin a tih, “Moab bawsietna pathum leiin, anih, pali leiin, a hremna sukbo naw ning; Edom lal ruhai chu chinai ang hiela a raw leiin,

ZEPHANIA 2:14

A sûnga chun ran ruolhai riek an ta, ran chi tinrênghai chu: kai- kuongrâl le saku chu, a khawpui laia chun riek an ta, an râwlhai chu tukvera inthawka hriet nîng a ta: sidar thinga remhai khawm chu a sukruok ta sih a.

ZEPHANIA 2:7

Chu vakam hrûl chu Juda sûng- kuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; LALPA an Pathien chun anni chu hung sir a ta, an sal intângna chu a hlîppêk ta ding a ni sih a.

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni sih a,” a ta.

ZEKARIA 2:13

Mi po pohai, LALPA hmaa chun to ṭhiep ro khai: a chêngna inthienga inthawk chun a hung thohar ta sih a.

NAMBAR 14:21

amiruokchu, ka hring zing ang le Lalpa ropuinain hnuoi pumpui a la suksip vawng ding ang bawkin thu ka tiem,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:11

“Lalpa chun, ‘Mi tinrêng Ka hmaah kûn an ta, Lei tinrêng khawm Pathien kuomah inphuong an tih,’ Tiin ṭawng kân khâm a nih,” a tih a, ti ziek ang khan.

DÂN PAHNINA 29:22

“Chun, ruolthar la hung um dinghai, in hnunga in nauhai la hung um dinghai le, ram dang mi hlataka inthawka hung dinghai chun, chu rama hri le LALPAIN natna ân vawi- tirhai;

DÂN PAHNINA 29:23

a ram pumpui chu kât le chi le kângzêu, iengkhawm chîng nawna, iengkhawm inder nawna, hlobethai khawm inder nawna, Sodom le Gomorra le Adma le Zeboiim suksiet, LALPA lunginsen le lungâwinawa a suksiet ang anga suksiet a ni an hmu hnung chun,