ZEPHANIA 2:7 - Pathien Lekhabu Inthieng (BSI)

⁷ Chu vakam hrûl chu Juda sûng- kuo a la um sunhai ta ding kha nîng a ta, chutaka chun an ran ruol chu intlattir tâng an ta, Askelon inhaia chun zânah riek an tih; LALPA an Pathien chun anni chu hung sir a ta, an sal intângna chu a hlîppêk ta ding a ni sih a.

ZEPHANIA 2:7 ပူးပေါင်းရင်းမြစ်များ

INṬANNA 50:24

Chun, Josefin a unauhai kuom- ah, “Ka thi ding a ni tah a, ni- sienlakhawm, Pathienin hung kan ngei ngei a ti cheu a, hi rama inthawk hi hung ṭhuoi suok cheuvin, Abraham, Isak le Jakob hai kuoma inkhâma pêk a tiem ramah ṭhuoi a ti cheu,” a tih a.

INPÂKNA HLABU 80:14

Aw sipaihai Pathien, lungin- siettakin nghakîr nâwk ta; Vâna inthawk khan zuk en la, hi grêp hrui hi en la, hung kan rawh.

INPÂKNA HLABU 85:1

LALPA i ram chunga hin i lâwm a, Jakobrawi sala an um chu i ṭhuoi kîr nâwk a.

FESUOKNA 4:31

Mipui chun an ring tah a: LALPA chun Israel thlahai chu a hung sir tah a, an rimsik tuorna chu a hmu tah ti an hriet chun, an luhai an kûn a, chibai an bûk tah a.

ISAI 11:11

Chun, chu nia chun LALPA chun a mihai, a thi mahla la um sun, Assuria rama inthawk dâmin, Aigup- ta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 11:14

Chuongchun, annihai chu thlangtienga Philistin mihai liengkoa chun zuk vuongin zu fûng an ta; khawsak nauhai chu rawk hmunkhat an tih; Edom le Moab mihai chungah an kut thlâk an ta; Ammon thlahai chun an thu awi tâng an tih.

ISAI 11:16

Chuongchun, Aigupta rama inthawka an suok nia, Israelhai ta dinga lamlien a lo um ang khan a mihai thi mahla la um sunhai ta ding chun Assuria rama inthawkin lamlien hung um a tih.

ISAI 14:1

LALPA chun Jakob rawi chu lunginsiet a ta, Israelhai chu thlangin anni rama ngei chun a lân umtir ding a ni sih a; chun, ram dang mihai chun anni chu hung zâwm an ta, Jakob sûnghai chu chel tlat an tih.

ISAI 32:14

lal in chu mâksanin a um ding a ni sih a; mi tamna khawpui chu suok- sanin a um ding a na; a muol pâwng le a râlvêng bûkhai chu kumkhaw pûk dâm, ram sabengtung lâwmna dâm, ranruol tlatna hmunhai hung nîng a tih;

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 29:10

LALPA chun hieng hin a ti sih a; Babulona intâng kum sâwmsari a tling hnunga chun, hung sir ka ti cheu a, hi hmuna inkîrtir ding cheuin in kuoma chun ka thu tiem chu hlen ka tih.

JEREMIA 29:14

Nangni ihmuin um ka ta, LALPA chun a tih: chuongchun, in sal intângna chu inlet ka ta, ka hnawt hmangna cheu hmun po poa inthawk le, hnam po pohaia inthawk chun ṭhuoi khâwm ka ti cheu a, LALPA chun a tih; chun, sala intâng dinga ṭhuoi hmanga kân umtirna cheu hmuna bawk khan hung ṭhuoi kîr nâwk ka ti cheu.

JEREMIA 3:18

Chuong nihaia chun Juda sûng- kuo chu Israel sûngkuo le chun in- tlawn an ta, hmâr tieng rama in- thawk chun hung suok hmunkhat an ta, in thlatuhai kuoma rochan dinga ka pêk rama chun hung an tih.

JEREMIA 30:3

Ngai ta, nihai chu a hung tlung ta sih a, LALPA chun a tih; Ka mi Israelhai le Juda sal intângna chu inlêt nâwk tâng ka ta, LALPA chun a tih: an thlatuhai kuoma ram ka pêka chun hung inkîrtir nâwk ka ta, hluong an tih,” tiin.

JEREMIA 31:7

LALPA chun hieng hin a ti sih a; Jakob ta ding chun lâwmin hla sak unla, hnamhai lua um ta ding chun khêk bawk ro, phuong dar unla, inpâk unla, “Aw LALPA, Israel hla bîkhai, i mihai hi sandam rawh,” ti ro.

JEREMIA 32:44

Mihaiin lohai chu tangka sumin inchâwng an ta, thuziek chu ziek det an ta, châr an tih, hrietpuituhai ko an ta, Benjamin rama dâm, Jerusalem vêla hmunahai dâm, tlângram khaw- puiahai dâm, phairuoma khawpuia- hai dâm, Sima khawpuiahai dâm chun: an sal intângnaa inthawkin kân kîrtir ding a ni sih a, LALPA chun a tih” tiin.

JEREMIA 33:12

Sipaihai LALPA chun hieng hin a tih: Chu nawa khawm, hi hmuna hin, mihriem le sa khawm um loa se ta le chutaka khawpuihaia po po chun, berâmpuhai an ran ruol chu inbawktirin la um an tih.

JEREMIA 33:7

Juda sal intângna le Israel sal intângna chu inlamlêttir ka ta, a tîra ang khan anni chu rem ka tih.

JEREMIA 47:5

Gazaa chun châtvaina a hung tlung a, an phairuom la um sun, Askelon hlak chu ieng khawm loa siem a ni tah a; chun, nang le nang ieng chen am în ât ding a na?

EZEKIEL 39:25

“Chuleiin, Lalpa PATHIEN chun hieng hin a tih; Tuhin Jakob sal intângna chu hung la kîr ka ta; Israel sûngkuo pumpui ta ding chun zângaina nei ka tih; chun, ka hming inthieng khawm humhal bawk ka tih.

HOSEA 6:11

Ka mihai sal intângnaa inthawka ka ṭhuoi kîr pha chun, Aw Juda, i ta ding khawma ra sîk ding ruot a nih.

OBADIA 1:19

Simtieng mi chun Esau tlâng chu chang an ta, ram phaia mihai chun Philistin ram chu chang an tih; Ephraim lo le Samari lo chu chang an tih;

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia in- thawk fe suok i ta, ramah chêng i tih. Babulon chen khawmin i fe ding a ni sih a: chutaka chun sansuokin um i ta, chutaka chun i hmêlmahai kuta inthawkin LALPA chun sansuok a ti che.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin LALPA chun an chungah ro rêl a tih.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

ZEPHANIA 3:13

Israel mi hlabîkhai chun rîtlona thaw ta naw ni hai a, khêl khawm hril ta ngai naw nihai; an bauhaia chun lei mi hlêm hmangna hrim hrim khawm hmu ni ngai ta naw nih; khawp dingin fâng an ta, zâl an tih, tukhawma an sukṭi ta naw ding a ni sih a,” a ta.

ZEPHANIA 3:20

Chu pha chun hung la lût kati cheh a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni sih a,” LALPA chun a tih.

HAGGAI 1:12

Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun LALPA an Pathien râwl le, LALPA an Pathienin ama a tir angin, zâwlnei Haggai thuhai chu an pawm tah a; chuongchun, mipui chun LALPA chu an ṭi tah a.

HAGGAI 2:2

“Juda ram awptu Sealtiel naupa Zerubbabel kuoma le, Jehozadak naupa Josua, thiempu lal kuoma le, mipui la um sunhai kuoma chun hril la,

LUKA 1:68

“Lalpa Israel Pathien chu, inpâkin um raw se, A mihai chu a hung kan a, intlanna a siempêk a,

LUKA 7:16

Chun, mi po poin an ṭih a, Pathien an inpâk a, “Eini lai zâwlnei ropuitak a hung um ta a ni hi,” an ta. “Pathienin a mihai a hung sîr tah a nih,” an ti bawk a.

THILTHAWHAI 8:26

Chun, Lalpa vântirko pakhatin Philip chu a biek a, “Tho la, sim tienga Jerusalema inthawka Gaza zuk sun lampuia khan fe rawh, chu lampui chu thlalêra fe thleng a nih,” a ta.

THILTHAWHAI 8:40

Philip chu miin Azota khuoah an hmu nâwk tah a; chun, a fe thleng a, Kaisari khuo a tlung hmakhat chun, khaw tinah Chanchin Ṭha chu a hril pei a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 11:5

Chuong ang bawkin, tulai khawm hin lunginsietnaa thlang ang peiin pei thlâk mahla chu an la um.

RUTH 1:6

Chun, Moab rama inthawkin, LALPAIN a mihai chu kanin fâk ding a pêkzie thu a lo hriet leiin, a mohai pahni leh Moab rama inthawk kîr nâwk dingin ân thawk suok a.