ZEPHANIA 2:2 - Pathien Lekhabu Inthieng (BSI)

² thupêk chu lâk suok a ni hma hin, busi anga ni chu a liem el hma hin, in chunga LALPA lunginsenna ṭiumtak a hung tlung hma ngei hin, in chunga LALPA lunginsenna a hung tlung ni hma ngei hin.

ZEPHANIA 2:2 ပူးပေါင်းရင်းမြစ်များ

JOB LEKHABU (THE BOOK OF JOB) 21:18

Thli hmaa pâwl kûng ang el an na, Busi thliin a lên hmang hlak ang chu an nih.

INPÂKNA HLABU 1:4

Mi rilohai ruok chu chuong ang chu an ni nawh a, Busi thliin a lênhmang hlak ang hi an ni lem a.

INPÂKNA HLABU 2:12

Naupa chu fâwp ro, chuong naw chun lunginsen a ta, lam kârah bohmang rawi in tih: A lungsen chu a hung inthawk phut ding a ni sih a. Amaa an ringna innghattuhai po po chu an hamṭha.

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

ISAI 17:13

Hnam tin chu tui tamtak inri hum hum angin inri hum hum an tih; nisienlakhawm, ama chun kâwk a ta, hlatakah tlân hmang an ta, tlânga busi thli ilên ang le pilvut thlipui imût vir mup mup angin hnawtin um an tih.

JEREMIA 23:20

Thawa a um hmakhat chun LALPA lunginsenna chu hung kîr nâwk naw ni, a lungrila a thiltum a thaw hmakhat chun: hi hnung tienga chun la hung hre chieng hlêng in tih.

JEREMIA 4:4

LALPA kuoma chun ser intan unla, in lungril ser chu tan ro, nangni Jerusalema mihai le, Juda rama mi- hai; chuong naw chun ka lunginsenna chu mei angin fe suok a ta, i thilthaw- hai rîtlona lei chun; tukhawm iṭhel ruol loin kâng a tih.

ṬAP HLA 4:11

LALPA chun a ṭiumna chu a hung sukpuitling a, a lunginsenna ṭium chu a hung bunthlâk a; Ziona chun mei a sukchawk a, a lungphûmhai kâng hmangtu chu.

EZEKIEL 12:25

LALPA chu ka ni sih a: thu hril ka ta, chu ka thuhril chu thawin a um ngei ding a nih; sukbahla ni ta ngai naw ni; aw sûngkaw hel hmang, in nihaia chun thu hril ka ta, thaw ni bawk a tih, Lalpa PATHIEN chun a tih,” tiin.

HOSEA 13:3

Chuleiin, zîngkâr ṭieusûm ang le, Dâidaw inhmataka bo nâwk el hlak ang, Hrizâwla bu si thlivirin a lâk hmang hlak ang, Meikhu suokna meikhu ang nîng an tih.

NAHUM 1:6

A lungninawna hmaa chun tu am ngîr thei an ta, a lunginsenna nasa- taka chun tu am um thei an ta? A lunginsenna chu mei anga bunthlâk a na, lungpuihai chu a sukkawi vawng a nih.

ZEPHANIA 1:18

LALPA lunginsenna nia chun an tangkain amanih, an rângkachak- in amani khawm sansuok thei naw nih a; amiruokchu, ram pumpui chu a thîkna mei chun kâng hmang a tih; tâwpna chu, anih, rama chêngtuhai po po tâwpna râpthlâktak el chu ân tlungtir vak ding a ni sih a.

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

MATTHAI 24:35

Hnuoi le vân bo a ta, ka thu ruok chu bo naw ni.