ZEPHANIA 2:11 - Pathien Lekhabu Inthieng (BSI)

¹¹ An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

ZEPHANIA 2:11 ပူးပေါင်းရင်းမြစ်များ

INṬANNA 10:5

Chuonghaia inthawk chun a nih tuipui kama hnamhai chu anni ram ramah an indar ta chu: anni ṭawng ang pei le, anni hnam ang peiin, anni chihai laia seng chun.

INPÂKNA HLABU 138:4

Aw LALPA, hnuoia lal po po chun lâwmthu hril an ti che, I baua thu suokhai chu an hriet sih a.

INPÂKNA HLABU 72:17

A hming chu kumkhawtluongin dei naw nih a. A hming chu ama a um sûng chu dei loin um pei a ta, Mihai chu amaa chun malsâwmin um an ta, Hnam tinrêngin ama chu hamṭha tîng an tih,

INPÂKNA HLABU 86:9

Aw LALPA, i siem hnam tinrênghai chu hung an ta, i hmaah hung kûn an ta, I hming chu hung chawimawi an tih.

ISAI 2:18

Chun, milimhai chu bohmang dai an tih.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiem- pêkhai chu, buikelet kuoma le bâk kuoma chun pei an ta,

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 42:4

Hnuoia hin rorêlna ân umtir hmakhat chun ama chu châu naw nih a, beidawng bawk naw nih; chun, thlierkârhai chun a dân thu chu nghâk zing an tih.

ISAI 49:1

Aw thlierkârhai, ka thu ngai unla, hlataka mi tinhai, lo ngai bawk ro; LALPA chun sula inthawk hrimin a mi ko a; ka nu phîng sûnga inthawk hrimin ka hming a lo hril tah a;

JEREMIA 10:11

Hieng hin an kuoma chun hril i tih: hnuoi le vânhai siemtu ni lo pathienhai chu, chuonghai chu vân- khuphnuoia inthawk le leihnuoia inthawk chun bohmang an tih.

JEREMIA 46:25

Sipaihai LALPA, Israel Pathien chun hieng hin a tih: “Ngai ta u, Noa um Amon le Pharao le Aigupta le, a pathienhai le, a lalhai le; Pharao ngei le ama ringtuhai chu ka hrem ding a nih;

DANIEL 11:18

Hi hnunga hin, thlierkâr tienga chun nghâng a ta; tamtak chu lâng a tih; nisienlakhawm, sipai hotu chun zilna amain a pêk chu suktâwp a ta, anih, chu naw khawm chu, a zilna chu ama chungah inumtir bawk a tih.

HOSEA 2:17

A baua inthawkin Baal hming- hai hi ka sukhmangpêk ding a ni sih a; an hming hi sâm ni ta hrim hrim naw nih.

JOEL 2:11

LALPA chun a sipai ruolhai hmaa chun râwl ân suoh a, a rie- bûkhai chu a ropui hle sih a; a thu muolsuotu chu a hrât hle sih a. LALPA ni chu a ropuiin a râpthlâk êm êm sih a; tuin am tuor thei a ta?

ZEPHANIA 1:4

“Juda le Jerusalema chênghai po po chunga chun ka kut phar ka ta; thiempuhai laia milim bie hmingput le, Baal milim la um sunhai chu hi hmuna inthawk hin pei thlâng ka tih;

ZEPHANIA 3:9

Chun, chutaka inthawk chun hmûr inthieng put chihai kuoma chun kîr nâwk ka ta, lungril hmun- khata a rawng bâwl dinga LALPA hming chu an rênga an lam theina dingin.

ZEKARIA 13:2

Sipaihai LALPA chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

ZEKARIA 2:11

Chun, chu nia chun hnam tamtakhai chu LALPA tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai LALPA chun i kuomah a mi hung tir a nih ti hre tâng i tih.

ZEKARIA 8:20

Sipaihai LALPA chun hieng hin a tih, “Hieng ang hi la hung tlung a tih: hnamhai le khawpui tamtak hluotuhai chu la hung an ta;

ZEKARIA 8:23

Sipaihai LALPA chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet sih a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

MALAKI 1:14

Amiruokchu, a berâm ruol lai a chal, tiemkam sa tah neia, LALPA kuoma demuma inthâwi a, hlêmtu chu ṭawngsephurin um raw se: lal ropuitak ka ni sih a, ka hming khawm Jentailhai kuom chena khawm ṭi a um a nih, sipaihai LALPA chun a tih.

DÂN PAHNINA 32:38

An inthawina thâu fatu, An dâwn ding thilinhlân uoin dâwntuhai chu? Hung thoin hung ṭhangpui sienla cheu, Nangni humtu hung ni raw se.

1 TIMOTHE 2:8

Chuongchun, pasalhaiin hmun tinah kut inthieng pharin, lunginsen lo le insêl loin ṭawngṭai hai sienla ka nuom a nih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl tah a.