ZEPHANIA 1:6 - Pathien Lekhabu Inthieng (BSI)

⁶ LALPA zuinaa hnungkîrtuhai le, LALPA chu zawng ngai lo a, ama chanchin khawm indawn ngai lohai chu sât thlâng ka tih.”

ZEPHANIA 1:6 ပူးပေါင်းရင်းမြစ်များ

2 SAMUEL 22:22

LALPA lampuihai chu ka hrawh a, Ka Pathien kuoma inthawk chun suoltakin ka fe hmang ngai si nawh a.

2 CHANCHIN SUINA 15:13

chuongchun, mi tukhawm Israel Pathien LALPA zawng lo chu mi lien amanih, mi chîn amanih, pasal amanih nuhmei amani khawm ni sienla sukhlum ding a nih.

INPÂKNA HLABU 10:4

Mi rilo chun chapo hmêl putin, “Iengkhawm mi ti hliek naw ni,” a ti hlak a, A ngaituona po po chu “Pathien hrim a um nawh,” ti ruok hi a nih.

INPÂKNA HLABU 125:5

An lampui kâwia pêthai ruok hi chu, LALPA chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan tah a.

ISAI 1:4

A! hnam suol, khawhlona riktak phur mihai, chithla thil ṭha naw thaw- tuhai, nau rilotaka khawsa hlakhai an nih. LALPA chu an mâksan a, Israelhai Mi Inthieng chu an hmusit a, insuktumin an hnungtawl tah.

ISAI 43:22

Nisienlakhawm, aw Jakobhai, nangni chun in mi ko si nawh a, aw Israelhai, nangni chun in mi nghawk lem a ni hi.

ISAI 9:12

Saktieng Suria mihai, thlang- tieng Philistin mihai chun bau kain Israelhai chu fa zo an tih. Chuong ang lâwma a thaw khawm chun a lunginsen chu a la bo chuong si nawh a; a kut chu a lân let ta rawp a.

ISAI 9:13

Nisienlakhawm, mihai chun anni vawtu tieng chu an ngha chuong si nawh a, sipaihai LALPA chu an zawng chuong bawk nawh.

JEREMIA 10:25

Khawhri be mi, nang hre lohai chunga le, hnam nangma hming lam ngailohai chunga chun i ṭiumna chu bunthla la, Jakob chu an fâk zo sih a; anih, ama chu an fâk zo a, an kâng- hmang dêr a, a umna khawm chu an suksiet a.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 2:13

Ka mihai chun thil ṭha naw pahni chu an thaw ta sih a; kei tui hringhai tuikhur chu an mi mâksan a, tuisunsuohai an cho a, tuisunsuo ṭehai, tui intling thei lohai chu.

JEREMIA 2:17

Lampuia chun a ṭhuoi lai chea, LALPA i Pathien i nghatsan khan, hi hi nang chun i nei tlat ni lo am a nih?

JEREMIA 3:10

Hieng thil po pohai lei khawm hin a zuorpuinu hlêm hmang Juda chu a lungril po po leh a hung kîr naw ta rawp a, a la tehlêm lem a, LALPA chun a tih,” tiin.

EZEKIEL 3:20

Chu bâkah mi fel chu a felnaa inthawka ân herhmang a, suol a thaw pha chun, ama hmaa chun tlûkna lung ka sieh a, ama chu thi ngei a tih; ama chu vaulâwkna chu i lo pêk naw leiin, a suolnaa chun thîng a ta; chun, a thil fel thawhai chu hriet zing ni ta naw ni; amiruokchu, a thisen maw chu nangma kutah hung phût ka tih.

HOSEA 11:7

Ka mihai chun mi nghatsan an tum zing a, Chuongchun, an ta dingin rîngkawl ruotpêk an nih, Chu chu tukhawma hlîppêk naw nih.

HOSEA 7:10

Israel chapona chun ama thiemnawzie ân hriettir a, Nisienlakhawm, hieng po poa khawm hin, LALPA an Pathien tieng chu an ngha nawh a, Ama chu an zawng bawk nawh,

HOSEA 7:7

Thuk ang elin an sa vawng a, an rorêltuhai an sukbohmang a; An laltak taphawthai chu an tluh a, Anni lai tukhawm a mi ko an um nawh.

ZEPHANIA 3:2

Ama chun râwl chu a pawisa nawh a, sukdikna chu a pawm nawh a, LALPA khawm chu a ring nawh a; a Pathien khawm chu a hung hnai bawk nawh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:11

Tûkhawm a hre thiem hrim an um nawh, Tûkhawm Pathien zawng hrim an um nawh.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni tah a, a hretuhai chun an mi sukdet pêk pei a.

JOSUA 23:12

Chuong naw chun, in nghatsan hlau a, hieng hnam la umhai, nangni laia la chêng zinghai hi in inkawppui a, anni le nuhmei pasal in innei a, anni chu in pâwl a, anni khawma an pâwl vai cheu chun,

1 SAMUEL 15:11

“Saula hi lala ka ruot hi kân sîr ngawt el a nih; a mi zui lai chu a mi hnung innghatin ka thupêk angin a thaw si nawh a,” a ta. Chun, Samuel chu a lunginsen a, zânkhawvârin LALPA chu a ko a.