ZEPHANIA 1:5 - Pathien Lekhabu Inthieng (BSI)

⁵ chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, LALPA hminga ṭawng inkhâma betuhai le;

ZEPHANIA 1:5 ပူးပေါင်းရင်းမြစ်များ

1 LALHAI 11:33

ama chun a mi mâksan a, Zidon mi pathiennu Astoreth hai, Moabhai pathien Kemos hai, Ammonhai thlahai pathien Milkom hai dâm a biek lei le ka mithmua thilṭha thaw ding le ka thuruothai le ka rorêlhai hi pawm dinga a pa David anga ka lampuihai a hraw naw leiin.

1 LALHAI 11:5

Solomon chun Zidon mihai pathiennu Astoreth le Ammon mihai pathien tirdakumtak Milkom chu a lo zui ve tah a.

1 LALHAI 18:21

Chun, Elija chun mipuihai po po chu a va hnai a, “Lung âwpinkaiin ieng chen am in um ding a na? LALPA chu Pathien a ni chun, ama chu zui unla; chun, Baal chu a ni chun ama chu zui ro,” a ta. Mipuihai chun bau khat khawmin an dawn nawh.

2 LALHAI 17:32

Chuongchun, LALPA chu an ṭih a, anni laia mi bâwlhmun thiempuhai an insiem a, bâwlhmun inahai chun mi an thâwi hlak a.

2 LALHAI 17:33

LALPA chu an ṭih a, ana chu, an ṭhuoi suokna rama mihai hnam thaw dân angin anni pathien rawng chu an bâwl hlak a.

2 LALHAI 17:41

Chuongchun, chuong hnamhai chun LALPA chu ṭi chu an ṭih a, an milim siem fâwmhai rawng khawm an bâwl bawk a; chuong ang bawkin an thlahai le an thlahai thla chen khawmin tu chen hin an pi le puhai thaw dânin an la thaw zing a nih.

2 LALHAI 23:12

Chun, Ahaz in sâwng chunga Juda lalhaiin mâichâm an siemhai le Manassein LALPA in inhuonna tuol sûnglai pahnia mâichâm a siemhai chu lal chun a sukchim a, a suknâwi vawng a, a nâwihai chu Kidron va- dungah a pei a.

ISAI 22:1

Inlârna ruom phurrik chu. Ieng am in ti a ni leh, in chunga dâm in lâwn vawng leh?

ISAI 44:5

Mi pakhatin LALPA ta ka nih tîng a ta, mi dangin Jakob hming inbûk a ta; mi dangin a kutah, LALPA ta tiha ziekin, Israel hming chu a chi hmingah hmang a tih,” tiin.

ISAI 45:23

‘Khûp tinrêng chu ka hmaah dingṭhaṭhuon tâng an ta, lei tinrêng khawmin ṭawng inkhâmin thu tiem tâng an tih,’ tiin mâni le mâni insâlin ṭawng kân khâm tah; thu chu felna ruokin ka baua inthawkin a suok tah a, hung kîr nâwk ta naw nih.

ISAI 48:1

Aw Jakob sûng, Israel hming inṭâwmpuia, Juda tuihaia inthawk suok a, thutakah ni si loa, felnaa khawm ni bawk si lo, LALPA hming sâla ṭawng inkhâma, Israelhai Pathien hming lam hlaktuhai, hi hi lo ngai ro.

JEREMIA 12:16

Chun, Baal kuoma ṭawng in- khâm dinga ka mihai an inchûktir anga, “LALPA chu a hring zing angin,” tia, ka hminga ṭawng inkhâm dinga, ka mihai lampuihai chu taima- taka an inchûk chun, ka mihai laia chun anni khawm chu siempuitling nîng an tih.

JEREMIA 19:13

Jerusalem inhai le Juda lalhai inhai sukpawrchea lo um tahai chu Topheth hmun ang lo ni tâng a ta, in a chunga vâna umhai po po kuoma riminhnik an lo râwna, pathienhai kuoma dâwnmi thilinhlânhai an lo bunthlâkna po pohai chu,” tiin.

JEREMIA 32:29

chun, hi khaw hung dotu Kaldaihai chu hung an ta, hi khuo hi meiin hung râwng an ta, a inhai a chunga Baal kuoma riminhnik an râwna le, kei mi suklungsenna dinga pathien danghai kuoma dâwn mi thilinhlânhai an lo bunthlâkna inhai le chun kâng a tih.

JEREMIA 4:2

chuongchun, nang chun, ‘LALPA chu a hring zing angin, thudikah, rorêlnaah, felnaah, hnamhai chu amaa chun engthâwl an ta, amaa chun chawimawiin um an tih,’ tiin ṭawng inkhâm i ta.”

JEREMIA 49:1

Ammon thlahai chungchâng thu chu: LALPA chun hieng hin a tih: “Israel hin naupasal a nei naw a ni maw? Rohluotu ding a nei naw maw? Chuong a ni si chun ieng dinga Milkom hin Gad hi a nei a, a mihai chu khawpuia hai chun chêng am an nih a?

JEREMIA 5:2

“LALPA chu a hring zing angin,” an ti dea chu, inkhêl letdêra inkhâm el an nih.

JEREMIA 5:7

Iengtin am ngaidam thei ka ti cheh a? I thlahai chun an mi nghat- san tah a, pathien ni lohaia chun an inkhâm tah a; khawptaka ka châwm lai khawmin, an uire tah a, nawchi- zawr inahai chun a pâwl pâwlin anni chu an inkhâwm tâwl a.

JEREMIA 7:10

‘Sansuokin ei um tah’ tiin, hieng thil pawrchehai po po hi thaw dingin hi in ka hming chawisana hin hungin ka hmaa chun in hung ngîr ding am a nih?

JEREMIA 7:9

Inruin, tuolthatin, uirein, khêla inkhâmin, Baal hmaa chun rimin- hnik rawin pathien in hriet nawhai chu zuiin,

JEREMIA 8:2

nisa dâm, thla dâm, vâna umhai po po, an hmangaia a rawng an lo bâwlhai, an zawnga an biekhai hmaa chun keidar an tih; lâk khâwm ni naw ni haia, phûm khawm ni bawk naw ni hai, hnuoia êkdûra ṭhang ding ni lem an tih.

HOSEA 10:2

A lungril chu sukṭhein a um a, Tuhin chu thiemnaw changin um tâng an tih. An mâichâmhai chu amân vaw chim a ta, An lung inser phunhai chu suksieng a tih.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “LALPA a hring zing angin” tiin inkhâm bawk naw ro.

AMOS 5:26

Anih, in laltak Sikkuth in Molok puon inhai le, in Kiun milim- hai, in arasi pathien, mâni ta dinga in siem chu in phur a.

MATTHAI 6:24

“Tukhawmin hotu pahni rawng bâwl kawp thei naw ni hai; pakhat theidain pakhat dit an tih, annawleh, pakhat ṭanin pakhat hmusit an tih. Pathien le sum rawng bâwl kawp thei naw ti niu.

THILTHAWHAI 10:9

Chun, a zînga an fe laia khaw kâwl an tlung laiin, Peter chu ṭawngṭai dingin, sûnbu fâk hun laiin, in chungah a hang lawn a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:11

“Lalpa chun, ‘Mi tinrêng Ka hmaah kûn an ta, Lei tinrêng khawm Pathien kuomah inphuong an tih,’ Tiin ṭawng kân khâm a nih,” a tih a, ti ziek ang khan.

DÂN PAHNINA 10:20

LALPA in Pathien chu ṭîng in ta, ama rawng chu bâwl in ta, ama chu chel tlat in ta, a hming sâlin in inkhâm ding a nih.

DÂN PAHNINA 4:19

Annawleh, vân tieng in hang nghah a, nisa dâm, thla dâm, arasi dâm, vân mi hai po po dâm in hang hmuh a, LALPA in Pathienin vân- khuphnuoia mi po po ta dinga a siempêkhai chun hîp a ti cheu a, bieng in ta, an rawng dâm bâwl khat rawi in tih.

JOSUA 23:7

hieng hnam nangni laia la umhai le hin inchekpawl loin an pathienhai hming khawm lam hlek loa, an hming sâla ṭawng khawm inkhâm loa an rawng khawm bâwl loa, kûna chibai inbûk nawna dingin,