ZEPHANIA 1:4 - Pathien Lekhabu Inthieng (BSI)

⁴ “Juda le Jerusalema chênghai po po chunga chun ka kut phar ka ta; thiempuhai laia milim bie hmingput le, Baal milim la um sunhai chu hi hmuna inthawk hin pei thlâng ka tih;

ZEPHANIA 1:4 ပူးပေါင်းရင်းမြစ်များ

2 LALHAI 21:13

Samari inkhina hrui le Ahab sûngkuo dârmûmkhai chu Jerusalem chungah keimar ka tih; chun, miin thlêng a hrûk a, ân let vêl angin Jerusalem chu hrûng ka tih.

2 LALHAI 23:12

Chun, Ahaz in sâwng chunga Juda lalhaiin mâichâm an siemhai le Manassein LALPA in inhuonna tuol sûnglai pahnia mâichâm a siemhai chu lal chun a sukchim a, a suknâwi vawng a, a nâwihai chu Kidron va- dungah a pei a.

2 CHANCHIN SUINA 34:4

Ama hmaihmaa ngei chun Baal mâichâmhai chu a sukchim a; nisa milimhai, chuonghai chung daia um- hai chu a phûr thlûk a; Asera le milim a kera kerhai le a sunga sunghai chu a vuok nâwi vawng a, pilvutin a siem a, an kuoma lo inthâwi hlaktuhai thlân chungahai chun a phul a.

FESUOKNA 15:12

I kut changtieng chu i phar a, Anni chu hnuoiin a lem zo tah a.

JEREMIA 15:6

Nang chun i mi lo hnâwl ta a, LALPA chun a tih: hnungtieng i lo fe tah a; chuleiin, i chungah ka kut kân let a, ka suksiet che a nih; lunginsietna inlangtir hi ka nghawk ta a nih.

JEREMIA 6:12

Chun, an inhai, an lohai, an nuhmeihai chu mi danghai kuoma pêk nîng an ta; ram hluotuhai chunga chun ka kut kân let ding a ni sih a, LALPA chun a tih.

EZEKIEL 25:7

ngai ta, ka kut chu i chungah kân let tah a, hnamhai kuoma chun râllâk sum dingin ka pêk ding che a nih; chun, hnamhai laia inthawkin sât- thlâng ka ti cheh a; ramhaia in- thawka bohmang dingin siem ka ti che; chun, sukbohmang ka ti cheh a, chun, LALPA chu ka nih ti mi hre tâng i tih.

EZEKIEL 6:14

Chun, an chunga chun ka kut chu inlet ka ta, thlalêra inthawka Dibla tieng, an hluona sûng po po chu, ram chu râusana siemin suk- sieng ka tih; chun, LALPA chu ka ni ti mi hre tâng an tih,” tiin.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

MIKA 5:13

i kuoma inthawkin i milim siemfâwmhai le i lungphunhai chu sukbohmang ka ta; i kutsuok thil chu be ta naw ti ni.

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

ZEPHANIA 2:13

Chun, ama chun hmârtienga chun a bân phar a ta, Assuria chu suksieng a ta; Ninevi chu râusan le thlalêr anga ṭâwlin siem a tih.