ZEPHANIA 1:3 - Pathien Lekhabu Inthieng (BSI)

³ “Mihriem le sa khawm sukbo- hmang ka ta, chunglêng vatehai le, tuisuorieta ngahai le mi khawhlohai insuithlûktir ka ta; chun, sukbo- hmang vawng ka ta; chun, leihnuoi chunga inthawk hin mihriem chu sât thlâng ka tih,” LALPA chun a tih.

ZEPHANIA 1:3 ပူးပေါင်းရင်းမြစ်များ

INṬANNA 6:7

Chuongchun, LALPA chun, “Ka mihriem siem hi hnuoi chunga inthawk hin sukbohmang el ka tih a, mihriem dâm, sa dâm, thilhring dâm, chunglêng vate dâm chen hin; ka siem ta leiin kân sîr a nih,” a ta.

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin mâichâm lung po po chu tlak lung suknawi rem rum ang elin an siem hi.

ISAI 6:11

Chun, kei chun, “LALPA, ieng chen am nîng a ta?” ka tih a. Chun, ama chun a dawn a, “Khawpuihai mihriem um loa a ram a, inhai thlûttu um lo a a ṭîek a, râusana a um vawng a,

ISAI 6:12

LALPAIN mihai chu hlatakah a sawn a, ram sûnga hmun mâksan hnung tamtak a um hmakhat chun.

JEREMIA 12:4

Ieng chen am ram chun sûnin, ram pumpui hlohnahai chu a vuoi ding a na? chutaka an rîtlona um zing lei chun, ramsahai le vatehai khawm chu an bohmang a, “Ei ni hnungtieng tâwpna chu hmu naw ni,” an ti leiin.

JEREMIA 50:3

Hmârtienga inthawk chun hnam pakhat a ram chu râusana siema tukhawm chêng lo dinga siem dingin a hung mêk a; an tlânseh a, mihriem le ramsahai khawm chu, an fe hmang zo tah a.

JEREMIA 7:20

Chuleiin, Lalpa PATHIEN chun hieng hin a tih: Ngai ta, ka lungin- senna le ka ṭiumna chu hi hmuna hin bunthlâk nîng a ta, mihriem chunga le, ramsahai chunga le, rama thing- hai chunga le, hnuoia rahai chunga chun; chun, kâng a ta, ṭhel ni ngai naw ni.

JEREMIA 9:10

An kâng zo tah a, tukhawm an fe tlang ta ngai naw leiin, tlânghai ta ding chun sûnin ṭapinrûm ka ta, thlalêra tlatna hmunhai ta ding chun sûn ka tih; mihai chun ran ruol râwl khawm chu hre thei ta naw ni hai a; chunglêng vatehai le ramsahai khawm chu an tlânse tah a, an tlân- hmang tah.

EZEKIEL 44:12

An milimhai hmaa chun an rawng an lo bâwlpêk ta leiin Israel sûngkuo ta ding chun suolnaa tlûkna lung an lo ni tah a; chuleiin, an chunga chun ka kut kân let a, an suolna chu anni ngeiin phur an tih, Lalpa PATHIEN chun a tih.

EZEKIEL 7:19

An tangkahai chu kawtthlêr- haia chun dehâwn an ta, an râng- kachakhai khawm chu thil thieng naw ang hung nîng a tih; an tangka le rângkachak chun LALPA lungin- senna nia chun anni chu sansuok naw nih a; an lungril chu suktlaiin, an phîng khawm chu sukkhawp bawk naw ni hai, an suolnaa tlûkna lung a ni tâk leiin.

HOSEA 14:3

Assuria chun mi sandam naw nih a, Sakawr chunghaia chun chuong nâwng kan ta, Kan kutsuokhai kuoma chun, ‘Kan Pathien in nih,’ ti ngai ta nâwng kan tih, Fahrahai chun nangmaa hin Lunginsietna an lo hmu hlak a ni sih a,” tiin.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuisuorieta ngahai chenin lâk hmang nîng an tih.

ZEKARIA 13:2

Sipaihai LALPA chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

MATTHAI 13:41

Mihriem Naupa hin a vântir- kohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

MATTHAI 23:39

Ka hril cheu hi, ‘Lalpa hminga hung chu inpâkin um raw se,’ in ti hmakhat chun tuta hnung in mi hmu nâwk ta naw ding a nih,” a ta.

THUPUONGSUO 2:14

Nisienlakhawm, tlâwmtêin demna che ka nei, khataka Balaam inchûktirna thu pawm tuhai amanih in umpui lei khan, ama chun milim biekna sa an fâkna ding le, an inditna dingin Balak chu Israel thlahai hmaah tlûkna sie ân chûktir kha.