11 Nangni Maktes hmuna chêng- hai, inrûm inrûm ro; Kanaan sum- dâwngtuhai po po chu hmangna bo an ni tah a, tangkaruoa inlamukhai po po khawm chu sât thlâk an ni ta sih a.
Nangni berâmpuhai, inrûm unla, khêk ro; nangni ran ruol hotu- hai, vutah nangni le nangni intleng ro; that in nina ding ni chu a hung tlung tah a, nangni chu kei nâwi neng ka ti cheu a, bêl ditumtak angin tlûng in tih.
Mihriem naupa, khêk la, inrûm rawh; ka mihai chunga tlung a na, Israel lalhai po po chungah a tlung sih a; anni chu ka mihai leh kâwlhnâm kuoma chun pêkin an um a; Chuleiin, i êlpui chu ben rawh.
Ngai ta u, sietna chu an mâksan a, Aigupta chun anni chu lo kei khâwm lem a tih, Memphis chun lo phûm a tih; An tangkaruo thil ditumhai chu zakthlaiin bâwm a ta, An puon inhaia chun hlo hlingnei um a tih,
Nangni thiempuhai, saiip puon dierkei unla, ṭap ro; nangni mâichâm rawngbâwltuhai, khêk rak rak ro; nangni ka Pathien rawngbâwltuhai, hung unla, saiip puon silin zânkhaw- vârin zâl ro: in Pathien ina inthawk chun beiphit inhlân le dâwn ding inhlân chu khap a ni sih a.
Kereth hnam, tuisuoriet panga chêngtuhai chu an chung a va rik de! Aw Kanaan, Philistin mihai ram, LALPA thu chu nangma chungah a hung tlung a nih; Suksieng ka ti cheh a, a hluotu che um naw ni hai.
Anih, Jerusalema bêl tinhai le, Juda rama bêl tinhai chu sipaihai LALPA ta dinga inthieng ni vawng tâng an tih; chun, mi inthâwihai po po chu hung an ta, hung lâng an ta, chu chun suong an tih; chun, chu nia chun sipaihai LALPA ina chun Kanaan mi ti bîk khawm um ta naw nih.