ZEKARIA 9:16 - Pathien Lekhabu Inthieng (BSI)

¹⁶ Chu ni chun LALPA an Pathien chun a mihai chu berâm ruol angin sandam a ta; a ram chunga nasataka varin, lallukhuma lunghlu zep ang chu an ni ding a ni sih a.

ZEKARIA 9:16 ပူးပေါင်းရင်းမြစ်များ

INPÂKNA HLABU 100:3

LALPA chu Pathien a nih ti hre unla, A mi siemtu chu ama chu a na, ama ta ei nih; A mihai le a ran tlatna hmuna berâmhai chu ei nih.

FESUOKNA 28:21

Lunghai chu sawmpahni, Israel naupasalhai hming indawt ang peiin nîng an ta, hmingnamna kerhai angin Israel hnam sâwmpahni hming chu ker ning a tih.

FESUOKNA 28:9

Chun, onik lung pahni lâng i ta, chuhaia chun Israel thlahai hming chu ker i tih;

ISAI 40:10

En ta u, Lalpa PATHIEN chu mi hrâttak angin a hung ding a ni hi; a bân chun a aiah ro rêl a tih; en ta u, a lâwmman chu a kuomah a um hi, a thungna chu a hmaah a um bawk a.

ISAI 54:12

I sîp zumhai chu rubi lungin, i kawtkhârhai chu karbankle lungin, i kul po po chu lung mawihaiin siem ka tih.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “LALPA khaw- pui, Israelhai Mi Inthieng Zion,” tîng an ti che.

ISAI 60:3

Chuongchun, hnam tin chu i var tieng chun hung an ta, lalhai khawm i hung suok varna tieng chun hung bawk an tih.

ISAI 62:3

LALPA kuta mawina lallukhum le Pathien kuta ropuina lukhum ni bawk i tih.

JEREMIA 23:3

Ka berâm ruol laia hlâbîkhai chu, ram anni ka hnawt hmangna po poa inthawk chun hung ṭhuoi khâwm ka ta, an huonhaia chun hung ṭhuoi nâwk ka tih; chun, hung pung an ta, hung rahlâwk an tih.

JEREMIA 31:10

Aw nangni hnamhai, LALPA thu chu ngai unla, thlierkâr hlataka- hai chun phuong ro; chun, “Israel sukdartu ngei chun, ama chu kei khâwm nâwk a ta, berâmpuin a berâm ruol a kawl ang chun ama chu kawl a tih,” tiin hril ro.

JEREMIA 31:11

LALPA chun Jakob chu ama nêka hrât lem kuta inthawk chun ân tlansuokin a sansuok ta sih a.

EZEKIEL 34:11

“Lalpa PATHIEN chun hieng hin a ti sih a; Ngai ta, keima ngeiin, keiin ka berâmhai chu zawng ka ta, zawng suok bawk ka tih.

EZEKIEL 34:12

Berâmpu chun sûnah a berâm ruol chu a zawng a, berâm a lo indarhai laia chun a um hlak angin, ka berâmhai chu zawng suok ka ta; inthim le sûmzîng nia an lo invâk darna hmunhai po poa inthawk chun anni chu zawng suok ka tih.

EZEKIEL 34:31

Chun, nangni ka berâmhai, ka hlo petna hmuna berâmhai chu mihriemhai hi in na; chun, kei in Pathien chu ka nih, Lalpa PATHIEN chun a tih,” tiin.

MIKA 5:4

Ama chu ngîr a ta, LALPA hrâtnain a ranruol chu châwm a tih: LALPA a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni sih a.

MIKA 7:14

Karmel tlâng kâra khawsâwt- taka um i rochan berâm ruol, I mihai chu i hembâwk hmangin châwm la, inhma ang khan Basan le Gileada châwmin um tâwl raw hai se,

ZEPHANIA 3:20

Chu pha chun hung la lût kati cheh a, chu pha chun la khâwm ka ti cheu; In mithmu ngeia in sal intângna ka hung lâk kîr pha chun, Leihnuoia hnam po polaia chun, inpâkna le hming ka siempêk ding cheu a ni sih a,” LALPA chun a tih.

HAGGAI 2:23

‘Chu nia chun, Aw Zerubbabel ka siehlaw, Sealtiel naupa, chel ka ti che,’ sipaihai LALPA chun a tih; ‘nang hi inchikna namna angin siem ka ti che,’ LALPA chun a tih; ‘nang hi ka lo thlang ta si cheh a,’ sipaihai LALPA chun a tih” tiin.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei sih a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, LALPA an Pathien ka ni sih a.

ZEKARIA 8:23

Sipaihai LALPA chun hieng hin a tih, “Chuong nihaia chun hnam po po laia mi sâwmin, ‘Pathien chu i kuomah a um ti kan hriet sih a; keini khawma hung zui vêng kan ti che,’ tiin Juda mi chu a puonhmawrah an la chel ngei ding a nih,” tiin.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

JOHAN 10:27

Ka berâmhaiin ka râwl an hriet hlak, kei khawmin anni chu ka hriet, anni chun an mi zui hlak.