ZEKARIA 9:13 - Pathien Lekhabu Inthieng (BSI)

¹³ Ka thalngul dingin Juda chu ka kuoi a, Ephraim chu a thalah ka siem a; Aw Zion, i naupasalhai chu i nau- pasalhai chunga ngei chun ka chawktho ding a nih; aw Grik, mi hrâttak kâwlhnâm angin siem ka ti che.

ZEKARIA 9:13 ပူးပေါင်းရင်းမြစ်များ

INPÂKNA HLABU 144:1

LALPA ka lungpui chu inpâkin um raw se; Ama chun ka kuthai hi râlkâp ân chûktir hlak a; Ka kutpârhai hi indo dân ân chûktir bawk a.

INPÂKNA HLABU 149:6

Pathien chawimawia inpâkna chu an bauah um sienla, Kâwlhnâm ngeituo an kutah um bawk raw se.

INPÂKNA HLABU 45:3

Aw mi hrât, i kâwlhnâm i kâwngah vawng rawh. I ropuina le i mawina leh.

ISAI 49:2

ka bau hi kâwlhnâm ngeitak angin a siem a, a kuta chun a mi thuphmang a, thal nâwt tle varah a mi siem a, a thal bâwma chun a mi khum tlat a;

JEREMIA 51:20

“Nang chu ka indona hrei le, ka hriemhrei i nih; nangma chu hmang- in hnamhai chu suknawi vawng ka tih; nangma chu hmangin lalramhai chu suksieng ka ta;

ṬAP HLA 4:2

Zion naupa hlutakhai rângkachak inthieng le hrilkhi theihai chu, Iem a tiha bêlhemtu kuta siem, pil bêlhai ang chaua ngainat an ni el chu!

AMOS 2:11

Chun, zâwlnei ni dingin in naupasalhai laia mi le Nazirit dâm ni dingin in tlangvâlhai laia mi ka siem a, Aw Israel nauhai, chuong ang chu a ni nâwm a nih?” LALPAIN a tih.

OBADIA 1:21

Zion tlânga chun Esau tlâng rêlpêk dinga sansuoktuhai hung an ta, chun ram chu LALPA ta nîng a tih.

ZEKARIA 1:21

Chun, keiin, “Hieng hi ieng thaw dinga hung am an na?” ka tih a. Ama chun, “Hieng hi Juda sukdartu kihai chu an nih a, tukhawma an lu dawm kâng an ngam ngai nawh a; nisienlakhawm, hienghai hi, sukdar dinga Juda ram chunga an ki inlettu hnamhai kihai chu pei thla dinga, anni chu sukhmang dinga hung an nih,” a tih a.

EPHESI 6:17

Chun, sandamna lukhum le Thlarau ngûnhnâm (Pathien Thu chu) la unla, ṭawngṭaina le hnina tinrêngin,

2 TIMOTHE 4:7

Inruolsiekna ṭha chu ka thaw zo tah a, kân tlânsiekna lampui chu ka suo tah a, ringna chu ka vawng zing ta a nih.

HEBRAIHAI 4:12

Pathien thu hi a hring a, thil a thaw thei a, kâwlhnâm ngeituo ieng ang nêk khawmin a ngei a, hringna le thlarau, rulechâng le thlin kawi dar khawp hielin a sun thei a, lungrila ngaituo le tumhai hi a hriet nghâl thei a nih.

THUPUONGSUO 1:16

A kut chang tieng chun arasi pasari a chawi a; a baua inthawk chun kâwlhnâm ngeituo ngeitak a suok a, a hmêl chu nisa sat vânglai tak ang a nih.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, ko- hai, thlanghai, ringumhai chun hne bawk an tih,” a tih a.

THUPUONGSUO 19:15

Chun, a baua inthawkin kâwl- hnâm ngeitak a suok a, chu chu hnam tin a sâtna ding a nih; chun, thîr hmawlin an ro rêl a ta; Pathien Iengkimthawthei lunginsen nasatna grêp sâwrna khura chun sir sâwr a tih.

THUPUONGSUO 19:21

Mi danghai chu sakawr chunga chuong kâwlhnâm, a baua inthawka suok khan sâthlum an ni tah a; vate po po chu an sahai fain an khawp ta vawng a.

THUPUONGSUO 2:12

“Chun, Pergamosa kohran tirko kuoma chun hieng hin ziek rawh:— “ ‘Kâwlhnâm ngeituo ngeitak neitu khan hieng thu hi a hril a nih: