ZEKARIA 9:12 - Pathien Lekhabu Inthieng (BSI)

¹² Nangni beiseina lungin intâng- hai, kul ngheta chun hung kîr nâwk ro; a lêt hniin ka pêk ding cheu a nih ti vawisûn ngei hin ka phuong hi.

ZEKARIA 9:12 ပူးပေါင်းရင်းမြစ်များ

JOB LEKHABU (THE BOOK OF JOB) 42:10

Chun, LALPA chun Job chu a ruolhai ta dinga a ṭawngṭai lai chun a chan chu a sukṭha tah a; Job chu LALPA chun a hmaa a nei lêt hni chu a pêk tah a.

ISAI 24:22

Chun, mi intânghai khursûnga ṭhuoi khâwma an um angin chuong- hai chu ṭhuoi khâwmin um an ta, intângna ina khumin um an ta, ni sâwttak hnunga chun hremin um an tih.

ISAI 38:18

Thlân hin ân pâk thei si naw cheh a, thina hin a chawimawi thei bawk naw che; Seola zu fehai chun i thutak chu an beisei thei naw a nih.

ISAI 40:2

Jerusalem mihai kuomah thla- muongna tieng pangah thu hril unla, an indona chu a tâwp a, an suolna chu ngaidam an nih a, an thil suksuol po po aiah LALPA kuta inthawkin a let hniin an hmu tah ti hril ro.

ISAI 49:9

mi intânghai kuomah, ‘Suok ro,’ inthima umhai kuomah, ‘Hung in- lang ro,’ titu dingin. Lampuiahai chun fa pei an ta, tlâng insâng kawl vel vulahai po chun an tlatna hmun chu um a tih.

ISAI 52:2

Aw Jerusalem, pilvut i kai kha inthin rawh, tho la, ṭhung rawh; aw Zion naunu, sala um, i rîng khuop- nahai kha sût rawh.

ISAI 61:7

An muolpho aiah a let hniin hmûng an ta; an inzak aiah an chanvoah hlimin hla sak an tih: chu- leiin, an rama chun a let hni hluong an ta, kumkhaw hlimna an kuomah um a tih.

JEREMIA 14:8

Aw nang Israel beisei, buoina hun laia sandamtu, hi rama hin ieng dingin am mikhuol ang chau, zân khat riek dinga inzin mi puon in zartu ang el chu nîng i ta?

JEREMIA 16:19

Aw LALPA, ka hrâtna le ka kulpui nghet le rinum nia ka himna; leihnuoi tâwphaia inthawk chun hnamhai chu i kuomah hung an ta, “Kan thlatuhai chun khêlhlip chau, teplo le, thil a hlâwkna um dêr lohai chau naw chu iengkhawm an lo rochung nawh a,” hung tîng an tih.

JEREMIA 17:13

Aw LALPA, Israel beisei, nang- ma nghatsantuhai che chu inzak an tih; nangma mâksantuhai chu, LALPA, tuihring tuikhur chu an nghatsan tâk leiin hnuoia chun ziek nîng an tih.

JEREMIA 31:17

I hihnung tâwpna tienga ding chun beiseina a um a nih, LALPA chun a tih: i thlahai chu an ramri sûnga ngei chun hung nâwk an tih.

JEREMIA 31:6

Ephraim muolhaia vêngtuhai chun, ‘Tho unla, LALPA ei Pathien kuomah Ziona chun fêng ei tiu,’ tia an khêkna nihai chu a la hung tlung ding a ni sih a,” tiin.

JEREMIA 50:28

“LALPA ei Pathien phubalâkna a biekin phubalâkna ngei chu Ziona hril ding a nih.

JEREMIA 51:10

LALPA chun ei felnahai chu a hung lâk suok a; hung unla, Ziona chun va hril dar ei tiu, ei Pathien LALPA sinthawhai hi.

EZEKIEL 37:11

Chun, ka kuoma chun, “Mi- hriem naupa, hieng ruhai hi Israel sûngkuohai po po chu an na, ngai ta, anni chun, ‘Ei ruhai hlak a ṭâwl zo tah a, ei beisei hlak a bo dêr tah a; sât thlâk fiṭhuoi ei ni ta a ni hi,’ an tih a.

HOSEA 2:15

Chu chena inthawk chun a grêp huonhai chu pêng ka ta, Akor ruom khawm beiseina kawtkhâr dingin. Chutaka chun a tleirâwl lai nihai le, Aigupta rama inthawka a hung suok ni ang khan dawn a tih.

JOEL 3:16

“Chun, LALPA chu Zion tlânga inthawkin inrûm dur dur a ta, Jerusalema inthawkin a râwl in- suong a ta; vân le hnuoi inhnîng an ta; nisienlakhawm, LALPA chu a mihai ta dingin inhumhimna nîng a tih, Israel thlahai ta dingin kulbîng nîng a tih.

MIKA 4:8

Aw nang, ran ruol kul, Zion naunu umna tlâng, i kuomah hung tlung a tih: anih, inlalna hmasa chu hung tlung a tih, Jerusalem naunu inlalna chu.

NAHUM 1:7

LALPA chu a ṭha a, lunginzîng nia chun kul nghet a nih, amaa an ringna innghattuhai chu a hriet.

HEBRAIHAI 6:18

Pathien inkhêl ruol a ni nawna, thil danglam thei naw pahni leiin, eini, insanhimna dinga ei hmaa beiseina um chel dinga tlânhai in- fuina nasatak ei nei theina dingin.

HEBRAIHAI 6:19

Chu beiseina chu hringnaa thîr- chakaiah ei nei a, ringum le dettak a nih, puonzâr sûnga mia khawm chun a lût a,