ZEKARIA 8:7 - Pathien Lekhabu Inthieng (BSI)

⁷ Sipaihai LALPA chun hieng hin a tih, “Ngai ta, ka mihai chu saktieng ram le thlangtieng rama inthawkin sandam ka ta;

ZEKARIA 8:7 ပူးပေါင်းရင်းမြစ်များ

NEHEMIA 1:9

amiruokchu, keia tieng in hung ngha nâwk a, ka thupêkhai in pawm a, in zâwm chun, nangni laia mi kâwlkawdawng chena hnawt suoka um khawm um hai sienla, chutaka inthawk khawm chun kei khâwm nâwk ka ti cheu a, ka hming ka înumtirna ding hmuna ka ruota chun ṭhuoi nâwk ka tih,’ tiha thu i pêk kha lunginsiettakin hre zing rawh.

INPÂKNA HLABU 113:3

Nisa suoknaa inthawka a tlâk- na chenin, LALPA hming chu inpâk ding a nih.

INPÂKNA HLABU 147:2

LALPA chun Jerusalem chu ân ngîr nâwk a. Israel hnawtsuoka umhai chu a ṭhuoi khâwm nâwk a.

INPÂKNA HLABU 50:1

Iengkimthawthei, Pathien ngei, LALPA chun thu a hril a, Leihnuoi hi nisa suoknaa inthawka a tlâkna chenin a ko tah a.

ISAI 49:12

En ta, sawhai saw, hlataka inthawkin an hung ding a ni saw; en ta, sawhai saw, hmartienga inthawk dâm, thlangtienga inthawk dâm, Sim rama inthawk dâmin an hung ding a ni saw.

ISAI 59:19

Chuongchun, LALPA hming chu thlangtienga inthawkin ṭîng an ta, a ropuina chu nisa suoknaa inthawkin ṭi bawk an tih; ama chu tui lien thut, LALPA thuoka mût luong vut vut angin a hung ding a ni sih a.

JEREMIA 31:8

Ngai ta u, hmârtieng rama inthawk chun anni chu hung ṭhuoi ka ta, chun, hnuoi hmun hlatakhaia in- thawk chun, anni le mitdel dâm, ke inbai dâm, nuhmei nau pawmlai dâm, nauhase nat tuor lai dâm chu hung ṭhuoi khâwm ka tih; chuong- chun, pâwl ropuitak chu hitieng hin hung kîr an tih.

EZEKIEL 11:17

Chuleiin, ‘Lalpa PATHIEN chun hieng hin a tih, hnamhai laia inthawk chun la khâwm ka ti cheu a, sukdara in umna ramhaia inthawk chun kei khâwm ka ti cheu a, Israel ram chu pêng ka ti cheu,’ ti rawh.

EZEKIEL 36:33

“Lalpa PATHIEN chun hieng hin a tih; In suolnahai po poa in- thawka ka sukthieng ni cheu chun, khawpuihai chu hluoa um dingin siem ka ta, hmun se tahai khawm chu bâwl nîng an tih.

ZEKARIA 10:6

Chun, Juda insûng chu hung sukhrât ka ta, Josef insûng chu sandam ka tih; chun, anni chu hung ṭhuoi kîr nâwk ka tih, an chungah lunginsietna ka nei sih a; chun, anni chu ka lo pei thlâk naw ang hrimin um tâng an tih; chun, an thu chu ngai bawk ka ta, LALPA an Pathien ka ni sih a.

MALAKI 1:11

Nisa suoknaa inthawka a tlâk- na chenin Jentailhai lai hman ka hming hi a ropui a na; hmun tinahai chun riminhnik dâm ka hminga in- hlân a na, thil inthieng inhlân leh; Jentailhai lai hman ka hming chu a ropui sih a, sipaihai LALPA chun a tih.

DÂN PAHNINA 30:3

LALPA in Pathien chun in sal nina chu sukbo a ta, lunginsiet a ti cheu a, LALPA in Pathienin hnam tin laia a sukdarna cheua inthawk chun ṭhuoi khâwm nâwk a ti cheu.