ZEKARIA 8:21 - Pathien Lekhabu Inthieng (BSI)

²¹ khawpui pakhata umhai chu a danga umhai kuoma chun fêng an ta, ‘LALPA ditsakna chu hni ding le, sipaihai LALPA chu zawng suok dingin inhmawtakin fêng ei tiu: kei khawm fe vêng ka tih,’ tîng an tih.

ZEKARIA 8:21 ပူးပေါင်းရင်းမြစ်များ

2 CHANCHIN SUINA 11:16

Chun, an hnunga khawm chun, Israel hnamhai lai po poa mi, Israel Pathien LALPA chu lungrila zawng- tuhai chun an zui a; an thlatuhai Pathien LALPA kuoma inthâwi ding chun Jerusalemah an hung hlak a.

INPÂKNA HLABU 103:22

A rorêlna hmun po poa a thilthaw po pohai, LALPA chu inpâk ro: Aw Ka hringna, LALPA chu inpâk rawh.

ISAI 2:3

Chun, chi tamtakhai chu fêng an ta, “Hung unla, LALPA tlângah, Jakob Pathien ina chun, hang fêng ei tiu; chuongchun, ama chun a lampui chanchinhai chu mîn chûktir a ta, a lampuiahai chun fêng ei tih,” tîng an tih. Ziona inthawk chun dân thu chu a hung suok ding a ni sih a. LALPA thu chu Jerusalema inthawkin a hung suok ding a nih.

JEREMIA 31:6

Ephraim muolhaia vêngtuhai chun, ‘Tho unla, LALPA ei Pathien kuomah Ziona chun fêng ei tiu,’ tia an khêkna nihai chu a la hung tlung ding a ni sih a,” tiin.

HOSEA 6:3

LALPA hrietna chu hnawt pei ei tiu khai, hrieng ei tiu; Zîng khawvar anga inkhêl ruol loin ân thawk suok ngei hlak; Ei kuomah ruo angin, ruo nuhnung, hnuoi sukhutu ang elin hung tlung a tih,” tiin.

ZEKARIA 7:2

Chuong lai chun, Bethel mihai chun Sarezer hai, Regemmelek hai, an mihai leh LALPA ditsakna zawng dingin le,

ZEKARIA 8:22

Anih, chi tamtakhai le hnam hrâttak takhai chu LALPA ditsakna chu ngên ding le, Jerusalema sipaihai LALPA chu zawng dingin la hung an tih,” tiin.

JOHAN 1:37

Chun, a închûktirhai pahni chun a thu hril chu an hriet a, Isu an zui tah a.