ZEKARIA 8:14 - Pathien Lekhabu Inthieng (BSI)

¹⁴ Sipaihai LALPA chun hieng hin a ti sih a, “In thlatuhaiin lunginsen dinga an mi chawktho laiin in chunga thil ṭha naw thaw ka lungril a, chu chu kân sîr naw bawk angin, sipaihai LALPA chun a tih;

ZEKARIA 8:14 ပူးပေါင်းရင်းမြစ်များ

2 CHANCHIN SUINA 36:16

nisienlakhawm, Pathien tirko- hai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga LALPA lungsenna chu chawkthoa a um hiel chen chun.

INPÂKNA HLABU 33:11

LALPA remruot ruok chu kumkhuoin um det a ta, A lungrila a ngaituohai chu suon po po chenin umdet a tih.

ISAI 14:24

Sipaihai LALPA chun hieng anga hrilin ṭawng ân khâm tah, “Matheiloin ka ngaituo ang tak hin hung tlung a ta;

JEREMIA 20:16

Chun, chu mi LALPAIN khaw- puihai insîrna nei loa a sukchimhai ang chu ni raw se; zîngtieng chun khêkri inhriettir la, sûn huna chun ṭitrâwl inhriettir bawk la;

JEREMIA 29:11

Nangni tieng panga ka ngaituo, thil ngaituohai chu ka hriet sih a, LALPA chun a tih, in tâwpna tienga beiseina siempêk ding cheuin thil ṭha naw ni loin, thlamuongna lungril a ni lem.

JEREMIA 31:28

Chun, anni chu hmalthla ding le, sukchim ding le, peithla ding le, sukse ding le, sukrinum dinga ka enkai zing ang khan, chuong ang bawk chun, anni chu bâwl ding le phun dingin enkai zing ka tih, LALPA chun a tih.

JEREMIA 32:42

LALPA chun hieng hin a ti sih a: Hi hnam chunga hieng thil ṭha naw nasatakhai po po kân tlungtir ang bawk hin, an chunga hin thil ṭha an kuoma ka tiem tahai po po chu hung intlungtir vêng ka tih.

JEREMIA 4:28

Hi hi lei hin leihnuoi chun sûn a ta, chun, chunga vânhai inthim a tih; ka hril ta leiin, ka tum tlat tah a; kân sîr bawk nawh a; chutaka inthawk lamlêt bawk naw ning.”

EZEKIEL 24:14

Kei LALPA chun ka hril tah a, hung tlung ngei a ta, thaw khawm thâwng ka tih, kîr nâwk naw ning a, hla naw nîng a, insîr bawk naw ning; i um dânhai ang pei le i thilthawhai ang peiin ro rêlpêk an ti che, Lalpa PATHIEN chun a tih,” tiin.

ZEKARIA 1:2

“In thlatuhai chunga khan LALPA chu a lungni naw êm êm a.

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai LALPAIN ei chunga thaw dinga a ngaituo angtakin, chuong angtak chun ei chungah a thaw a ni hi,’ an tih a,” tiin.