ZEKARIA 8:10 - Pathien Lekhabu Inthieng (BSI)

¹⁰ Khâng nihaia khan chu mi- hriem ta dingin inhlawfâkna a um nawh a, ran ta ding khawma inhlaw- fâkna hrim a um nawh a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie sih a.

ZEKARIA 8:10 ပူးပေါင်းရင်းမြစ်များ

ISAI 19:2

Chun, Aigupta mihai chu Aigup- ta mi vêk thaw dingin chawktho ka ta; chuongchun, mi tinin mâni unau thawin, mi tinin mâni tuolbâwmhai thawin, indo an tih; khuo le khuo inthâwng an ta, ram le ram inthâwng an tih.

JEREMIA 16:16

LALPA chun hieng hin a tih: Ngai ta u, nga man mi tamtak ko suok ka ta, anni chu nga manin man an ta; chu hnunga chun ramsuok- tuhai tamtak ko suok ka ta, tlâng tinhaia le, muol tinhaia le, lungpui kuo kârhaia chun anni chu pêl an tih.

AMOS 3:6

Khawpuiah mi ṭi lo dingin taw- tawrâwt an mût thei am a nih? LALPA thaw lo chun khawpuia chun sietna a tlung thei ding am a nih?

AMOS 9:4

An hmêlmahai hmaah salah fe hai sien khawm, chutaka kâwlhnâm chu thu pêng ka ta, anni chu sât hlum a tih, ṭhatna ni loin, ṭhat nawna dingin an chungah ka mit infûktir ka tih,”

HAGGAI 2:15

Chuleiin, tuhin ka ngên cheu hi, vawisûna inthawk hi hnung chen khawm, LALPA biekina lung chunga lung intieng a ni hma hun kha ngai- tuo ro;

RORELTUHAI 5:11

Tuichawina hmunhaia thil rimawi rihai, hlasakmihai ri chun, LALPA thil fel thawhai chu an hril an hril a, Israel mihai hnena ngei chu, Chun, LALPA mipuihai chu dâikawtkhâr tieng chun an fe thlah a,