ZEKARIA 7:10 - Pathien Lekhabu Inthieng (BSI)

¹⁰ hmeithai amanih, fahrâ ama- nih, mikhuol amanih, mi pasie amani khawm chu nêksâwr naw unla, chun, nangni tukhawma mâni unau chung- ah a lungrilin thil suol suongtuo naw raw se,” tiin.

ZEKARIA 7:10 ပူးပေါင်းရင်းမြစ်များ

INPÂKNA HLABU 140:2

Anni chun an lungrilah thil suk- suolhai an ngaituo hlak a, Do dingin an inkhâwm rawp hlak.

INPÂKNA HLABU 21:11

I chunga khan thil suol thaw an tum sih a, Thil suol an ngaituo suok a, an thaw thei si nawh.

INPÂKNA HLABU 36:4

A khumlaizâwla chun thilsuol a ngaituo hlak a, Lampui ṭha nawa chun a fe hrâm hrâm a, Suolna chu a tirdak nawh.

INPÂKNA HLABU 72:4

Ama chun mi laia rimsihai chu ro rêlpêk a ta, Pase nauhai chu sandam a ta, Nêksâwrtu ruok chu suknâwi a tih.

FESUOKNA 23:9

Hnam dang chu i nêksâwr ding a ni nawh; nangni khawm Aigupta ramah hnam dang in ni kha hrein, hnam dang lungril chu in hriet sih a.

THUVARHAI 3:29

I lakah lungmuongtaka a um hmu zing si chun, I tuolbâwm chunga chun thil ṭha naw suongtuo naw.

THUVARHAI 6:18

Ngaituona suol ngairuot hlak lungril le, Pawi tâwk dinga ke tlân hrât hlakhai leh;

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai nawh a, hmeithai thu hlak an kuom a tlung ngai nawh.

JEREMIA 18:18

Chun, anni chun, “Hung ro khai, Jeremia chunga hin thuphier- rûk phier ei tih; thiempua inthawkin dânin bo ni nei naw nih a, mi vara inthawkin thurâwn le, zâwlneia inthawka thu bo naw nih. Hung ta u, hril se bawr bawr ei ta, a thuhai chu a ieng ieng khawm chu awipêk nâwng ei tiu,” an ta.

JEREMIA 21:12

Aw David sûngkuo, LALPA chun hieng hin a tih: Zîngtieng chun rorêlna chu tirsuok la, nêksâwrtu kuta inthawk chun suksieta um chu sansuok la; chuong naw chun, in thil- thawhai rîtlo leiin, mei angin ka lunginsenna chu fe suok a ta, tukhawm ṭhel ruol loin chawk a tih.

JEREMIA 49:11

I nau pa bohai kha mâksan la, keiin hringin hlâng ka tih; chun, i hmeithai khawm chun mi ring bawk raw se.

JEREMIA 5:28

An hung thâu a, an tlawr a, anih, khawhlona thilthawhai chu an thiem zâk a, a chungthu angin, pa neilohai chungthua chun an ṭan nawh a, an hlawtlingna dingin; mi tlasamhai thuneina chu an ngaisak nawh a.

JEREMIA 7:6

mikhuolhai chu in nêksâwr nawh a, pa nei lohai le hmeithaihai leh; hi hmuna hin mi thiem thisen chu in insuo naw bawk a, nangni le nangni insukpawina dingin pathien danghai chu in zui bawk naw chun,

EZEKIEL 18:12

mi tlasam le mi rimsihai lo insuksuoltir tah a, thawluinaa lo sukse tah a, hnina lo ngaisak lo a, milimhai tienga a mithai lo inlên tah a, tirdakumnahai lo thaw tah a,

EZEKIEL 22:12

I sûnga chun thisen insuo dingin thamnahai an lâk a; a pung hnawtna le a pung chu i lâk a; nêksâwrnain i tuolbâwmhai chunga chun duâmtakin i lo hlêp tah a; kei i mi lo theinghil tah a nih, Lalpa PATHIEN chun a tih.

EZEKIEL 22:29

Chu ram mipuihai chun nêk- sâwrna an hmang a, inrûk an chîng bawk a; anih, tlasamhai le mi rimsi- hai chu an suklungngai a; mikhuol chu indik lotakin an nêksâwr a.

EZEKIEL 22:7

I sûnga chun nu le pa chu hmu- sitin an um a; i sûnga chun mikhuol- hai chu nêksâwrin an sawisah a; i sûnga chun pa neilohai le hmeithai chu an sukkhawhlo tah a.

AMOS 4:1

Nangni Basan hmun sebâwngpui, Samari tlâng chunga um, rim- sihai nêksâwr a, tlasamhai nêk a, an lalhai kuomah, “Hung la unla, dâwn ei tiu,” tituhai, hi thu hi lo hre ro.

ZEKARIA 8:17

nangni laia mi tukhawma mâni tuolbâwm chungah thil ṭha naw a lungrilah suongtuo hlek naw raw se; inkhâmna indik naw chu ngaina naw unla, hienghai ku hi a nih thil ka theida chu, sipaihai LALPA chun a tih,” tiin.

MALAKI 3:5

Chun, rorêlnaah in kuom hung hnai ka ta; chun, inkhâmtu khêlin- hliphai chunga le uiretuhai chunga le, dawi hmangtuhai chunga chun thuhretu hrâttak hung nîng ka tih; a hlaw chungthua inhlawfa, hmeithai le, fahrahai nêksâwra, a thuneinaa inthawka mikhuol hnawt hmang hlaktu, kei mi ṭi ngailo chunga le chun, sipaihai LALPA chun a tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

1 KORINTH 6:10

inruhmanghai amanih, mi du- âmhai amanih, zu inruihmanghai amanih, inhalhmanghai amanih, hlêpruhaiin amanih Pathien ram hluo naw ni hai.

DÂN PAHNINA 27:19

“‘Ram dang mihai, pa nei naw hai, hmeithaihai ro indiknawtaka rêlpêktu chu ṭawngsephurin um raw se,’ tîng an ta, mipui po po chun, ‘Amen’ an lo ti ding a nih.

JAKOB 5:4

Ngai ta u, in loa bu sîka inhlawfahai hlaw, hlêma in pêk naw kha, a khêk a, a sîktuhai lunginzing khêk ri khawm chu Mipuihai Lalpa naah a hung lût tah a.

1 JOHAN 3:15

Tûkhawm a unau theida chu tuolthat a nih; tuolthattu tûkhawm chatuona hringna nei zing hrim an um nawh ti in hriet sih a.