ZEKARIA 6:1 - Pathien Lekhabu Inthieng (BSI)

¹ Chun, ka mithai ka hang inlên nâwk a, tlâng pahni inkâra sa- kawr tawlailîr pali hung suok hi ka hmuh a, ka en zing a; chu tlânghai chu dârsen tlâng an nih.

ZEKARIA 6:1 ပူးပေါင်းရင်းမြစ်များ

2 LALHAI 6:17

Chun, Elisa chu a ṭawngṭai a, “LALPA, a hmu theina dingin, a mit hung sukvarpêk ta khai,” a ta. Chun, LALPA chun chu tlangvâl mit chu a hung sukvarpêk a, chuongchun, a hmu ve tah a; chun, ngai ta, Elisa vêla chun tlâng chu mei tawlailîr le sa- kawrin a sip mup el a.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga thaw amani khawm ni sien, angkhat a nih.

INPÂKNA HLABU 33:11

LALPA remruot ruok chu kumkhuoin um det a ta, A lungrila a ngaituohai chu suon po po chenin umdet a tih.

INPÂKNA HLABU 36:6

I felna chu Pathien tlânghai ang a na, I rorêlhai chu tui inthûk lientak ang a nih; Aw LALPA, mihriem le sa khawm i humhim hlak.

THUVARHAI 21:30

LALPA kal zâwnga thurâwn amanih, Hrietthiemna amanih, varna amani khawm a um nawh.

ISAI 43:13

Anih, ni um china inthawk khan kei chu ama chu ka nih, chuongchun, ka kuta inthawka sansuok thei tu- khawm an um dêr nawh, sin thâwng ka ta, tuin am chu chu sût an ta?” tiin.

ISAI 66:15

Ngai ta u, a lunginsenna chu hrîkthla ding le, a kâwkna chu mei- chawkhaia hrîkthla dingin, LALPA chu mei leh a hung ding a ni sih a, a tawlailîrhai chu thlivir ang el nîng a tih.

JEREMIA 4:13

Ngai ta, ama chu sûmhai angin a tungin hung a ta, a sakawr tawlai- lîrhai chu thlivir ang nîng an tih, a sakawrhai khawm chu mupuihai nêkin an hrât lem a nih. Ei chung a va rik de! suksietin ei um sih a.

DANIEL 4:15

Amiruokchu, a zunghai kûng- hmui kha chu rama hlobet innêm lai, thîr le dârsen hnânga khuopin hnuoia khan mâksan ro; chun, vâna inthawka daidaw chun sukhuin um sienla, a fâk chu ramsahai angin hnuoia hlobet ni sienla;

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thawh a, Tukhawmin a kut chu an chel thei nawh a. “Nangin ieng am i thaw an leh?” an ti thei bawk nawh.

DANIEL 8:22

Chun, a tliek a, a hmuna pali hung suok kha, chu hnama inthawk chun lal pali hung ngîrsuok an ta; nisienlakhawm, a thilthawtheina le chu ni naw ni.

ZEKARIA 5:1

Chun, ka mithai chu ka hang inlên nâwk a, lekha zuol vuong lai ka hmuh a, ka en zing a. Chun, ama chun ka kuomah, “Ieng am i hmuh a?” a ta.

ZEKARIA 6:5

Vântirko chun a mi dawn a, ka kuomah, “Hieng hi vân thlarau pali, leihnuoi po po Lalpa hmaa ngîr hlaka, fe suok hlakhai chu an nih.”

THILTHAWHAI 4:28

i kut le i lungrilin tlung dinga i ruot lâwk taphawt kha thaw dingin.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

EPHESI 3:11

ei Lalpa Isua thaw a itum, a chatuon remruot ang pei chun.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu LALPA ta a nih; Khawvêl chu a chungah ân nghat ta sih a.