ZEKARIA 3:4 - Pathien Lekhabu Inthieng (BSI)

⁴ Vântirko chun, a hmaa ngîrhai kuoma chun, “Amaa inthawkin silfên ṭawptak kha la hmang ro,” a ta. Chun, ama kuoma khawm chun, “Ngai ta, i suolna chu nangmaa inthawkin kân fe hmangtir tah a, silfên man tamtak- in kân thuom ding che a nih,” a ta.

ZEKARIA 3:4 ပူးပေါင်းရင်းမြစ်များ

2 SAMUEL 12:13

Chun, David chun Nathan kuomah, “LALPA chungah thil ka lo suksuol tah a nih,” a ta. Chun, Nathan chun David kuomah, “LALPA khawma i suol chu a sie hmang ve tah a; thi naw ti nih.

1 LALHAI 22:19

Chun, Mikaia chun, “Chuleiin, LALPA thu hi lo ngai ta u, LALPA chu a lalṭhungphaa ṭhung ka hmuh a, vâna mipuihai po po, a changtieng le vawitienga ngîrhai leh.

INPÂKNA HLABU 51:9

Ka suolnahaia inthawk hin i hmai thup la, Ka rîtlona po po hi thaihmang rawh.

ISAI 43:25

Kei, keima ngeiin, keima le keima lei ngawta in bawsietnahai thaihmang hlaktu chu ka nih; in suolnahai khawm hre zing naw ning.

ISAI 44:22

In bawsietnahai chu sûm sâmup sukboin ka sukbo tah a, in suolhai chu sûm sukbo angin ka sukbo ta bawk a; ka kuomah hung kîr nâwk ro, kân tlan ta si cheu a.

ISAI 52:1

Aw Zion, har la, har la, i hrâtna inbel rawh; aw Jeru- salem, khawpui inthieng, i silfên mawitakhai chu inbel rawh; tuta chen chu sertanlo le mi pawrche chu i sûngah an lût ta âwm si nawh a.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 61:3

vut aia pâr ṭhi hrui dâm, lungngai aiah hlimna hriek dâm, nguina thlarau aiah inpâkna silfên dâm an kuomah pea, Ziona lungngaia umhai ta dinga ruotpêk ding dâmin a mi tir a nih; ama chu chawimawia a umna dingin, felna thing, LALPA phunhai ti an ni theina dingin.

JEREMIA 52:33

Chun, a lung in intângna silfênhai chu a thlengpêk a, a kuoma chun ni tinin a dam sûng po chu bu a fâk ve hlak a.

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

EZEKIEL 42:14

Thiempuhai chu an lût pha chun, huon sûng tuollai puo lema chun hmun inthienga inthawk chun an fe suok ding a ni nawh a, ami- ruokchu, chutaka chun, an rawng- bâwlnaa chun an silfênhai sieng an ta; an inthieng sih a; silfên dangin inbel an ta, chun, mipui tieng chu an hung hnai chau ding a nih,” a ta.

MIKA 7:18

Nang anga khawhlona ngai- damtu le a rochan la um sun bawsietna fekhêltu Pathien tu am an um a? A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

MIKA 7:19

Ngha kîr nâwk a ta, ei chungah lunginsietna nei a tih; ei khaw- hlonahai chu a ke hnuoiah sirdêng a tih; nangin an suolnahai po po chu tuisuoriet mawng inthûktakhaia chun pei lût i tih.

ZEKARIA 3:1

Chun, thiempu lal Josua LALPA vântirko hmaa ngîr le, Setan chu a khingpui ni dinga a changtienga ngîr chu a mîn entir a.

ZEKARIA 3:7

“Sipaihai LALPA chun hieng ang hin a ti a nih, ka lampuihaiah i fe a, ka iphût chu i thaw bawk chun, ka insûng ro rêl i ta, ka in inhuonna tuollaihai chu vawng ṭha bawk i tih. Chun, hitaka ngirhai lai hin um ve theina pêng ka ti che.

ZEKARIA 3:9

En ta u, Josua hmaa chun lung pakhat sîr sari nei ka sie a; ngai ta u, chutaka chun thil ziek ker ka ta, sipaihai LALPA chun a tih, chun, ni khat sûngin chu ram suolna chu sawn hmang ka tih.

MATTHAI 22:11

“Nisienlakhawm, lal chu mi fielhai en dinga a hung lût chun, inneina puon sil lo mi pakhat chutaka chun a hmuh a.

LUKA 1:19

Vântirko chun a dawn a, a kuomah, “Gabriel, Pathien hmaa ngîr hlak ka na; a be ding che le, chuong thu ṭha chu hril ding chea hung tir ka nih.

LUKA 15:22

Nisienlakhawm, a pa chun a suokhai kuomah, ‘Puon ṭha tak kha hung la vat unla, insiltir ro; a kutah kutsebi dâm, a keah kekawk dâm inbuntir ro;

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:22

chu chu Pathien felna, Isu Krista ringna leia ama awitu taphawt kuoma suklanga um chu a nih; a danglamna hrim a um nawh a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:23

Suol man chu thina a ni sih a; Pathien thilthlâwnpêk ruok chu ei Lalpa Krista Isu zârah chatuona hringna a nih.

1 KORINTH 6:11

Chun, nangni ṭhenkhat chuong ang mi in ni hlak kha; nisienla- khawm, Lalpa Isu Krista hminga le ei Pathien Thlaraua sâwpfai in ni tah a, sukthieng in ni tah a, thiemchang in ni tah.

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

KOLOSSA 3:10

Mihriem thar chun in inthuom ta sih a, chu mihriem thar chu, hriet famkimna nei dingin a siemtu angpui anga siem tharin a um mêk a nih;

HEBRAIHAI 8:12

An bawsietnaahai zângai ka ta, An suolhai khawm hre zing ta naw ning,” tiin.

THUPUONGSUO 5:11

Chun, ka hang en a, lalṭhung- pha le thilhringhai le upahai vêla chun vântirko tamtak rawl ka hriet a; an tam tieng chu a sînga sîng hmun sîng tamtak le a sânga sâng hmun sâng tamtak an nih;

THUPUONGSUO 7:14

Kei chun a kuomah, “Pu, nangin i hriet annâwm,” ka ta. Ama chun ka kuomah, “Hieng hi rinum nasataka inthawka suokhai kha an nih, an puonhai Berâmte thisena sâwpin an sukvâr tah a.