nang le nuhmei hi indotir ka ti cheu a, i thlahai le a thlahai khawm lân dotir bawk ka tih; ama chun i lu la sukthitling a ta, nangin a kekhawng la sukthitling i tih,” a ta.
suol po poa inthawka a mîn tlantu vântirko chun naupanghai hi malsâwm raw se; chun ka hming le a mi thlatu Abraham le Isak hming chu anni hmingah put raw se: chun, khawvêl lairilah mipui nasatak hung ni dingin hung pung raw hai se,” a tih a.
Ka naupasalhai, tuhin ngaitha naw ro; riminhnikhai rawh a, a rawngbâwltuhai nia, ama rawngbâwl ding le, a hmaa ngîr dingin LALPA chun a thlang ta si cheu a,” tiin.
Chun, thiempuhai naupasalhai lai ngei khawm chun hmêlmak nuhmei lo neituhai chu hmusuok an hung ni tah a: hming lamin hieng, Jozadak naupa Jesua naupasalhai, an unauhai leh; Maaseia, Eliezer, Jarib le Gedalia hai hi.
chuonghai chu Zerubbabel, Jesu- a, Nehemia, Seraia, Reelaia, Mor- dekai, Bilsan, Mispar, Bigvai, Rehum le Baana hai ruolin an hung ve a. Israel chi patling zât chu:
Chun, Sealtiel naupa Zerubbabel le Jozadak naupa Jesua chu an tho a, Jerusalema um, Pathien in chu an bâwl ṭan tah a; chun, an kuoma chun Pathien zâwlneihai chu anni ṭhang- puiin an um bawk a.
Chuleiin, sukbohmang rawi a tih, tia, a lunginsen sukkîr dingin, A mi thlang Mosie chu a lûtna dinga chun a hmaah ngîr naw sien lem chu, Sukbohmang a tih, ti a hril a.
Chuleichun, LALPA chun hieng hin a tih: I hung kîr chun, ka hmaa i ngîr theina dingin hung ṭhuoi nâwk ka ti che; mi suolhaia inthawka thil hluhai i lâk suok chun, ka bau ang nîng i ta; anni chu i kuomah hung kîr an ta, nang ruok chu an kuom tieng kîr naw ti nih.
Ina chun rawngbâwlin, in dâi kawtkhârhaia chun enkawlin, ka hmun inthienghaia chun rawngbâwl- tu nîng an tih; mipuihai ta dinga inthawina le pumrawhmang thilin- hlâna ding chu that an ta, anni rawngbâwlpêk dingin an hmaa chun ngîr an tih.
“Amiruokchu, thiempu Levi mihai, Zadok naupasalhai, keimaa inthawka Israelhai an invâk hmang lai khawma ka hmun inthieng enkawlna sin kawltuhai chu, ka ta dinga rawngbâwl dingin keia hnaiah hung an ta; sathâu le thisen chu inhlân dingin ka hmaa chun ngîr an tih, Lalpa PATHIEN chun a tih;
Chuongchun, Sealtiel naupa Zerubbabel le, Jehozadak naupa, Josua, thiempu lal le, chu chi la um sunhai chun LALPA an Pathien râwl le, LALPA an Pathienin ama a tir angin, zâwlnei Haggai thuhai chu an pawm tah a; chuongchun, mipui chun LALPA chu an ṭi tah a.
Anachu, Aw Zerubbabel, tuhin insukhrât rawh,’ LALPA chun a ti a nih; LALPA chun, ‘Aw Josua, nang Jehozadak naupa thiempu lal, in- sukhrât la, a rama mi po pohai, insukhrât unla, sin chu thaw ro,’ a tih, nangni lai ka um si a, mipuihai LALPA chun a tih:
Tuhin thiempu lal aw Josua, nang le i hmaa i rawihai ṭhung hlakhai le chun ngai ta u; inchikna dinga mihai an ni sih a; ngai ta u, a Kau, ka siehlaw chu ka hung lâk suok ding a ni sih a.
“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.
Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.