ZEKARIA 2:7 - Pathien Lekhabu Inthieng (BSI)

⁷ Babulon naunu le chêng hmun- khat Zion, hung la, hung suok rawh.

ZEKARIA 2:7 ပူးပေါင်းရင်းမြစ်များ

INṬANNA 19:17

Chun, khawhnâwma an ṭhuoi suok hnung chun, “I hringna dingin tlân suok rawh: i hnungtieng ngha naw la, phaizâwla hrim hrim hin châwl bawk naw rawh; tlânga sawn tlân rawh, chuong naw chun, bohmang rawi i tih,” a tih a.

ISAI 47:1

Aw Babulon nau nunghâk, ṭum la, pilvutah ṭhung rawh; aw Kaldai naunu, lalṭhungpha boin hnuoiah ṭhung rawh; inno le ṭha an ti ta naw ding che a nih.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; LALPA bûr le bêl chawituhai, inthiengtakin um ro.

ISAI 52:2

Aw Jerusalem, pilvut i kai kha inthin rawh, tho la, ṭhung rawh; aw Zion naunu, sala um, i rîng khuop- nahai kha sût rawh.

JEREMIA 50:8

Babulona inthawk chun tlânsuok unla, Kaldaihai rama inthawk chun fe suok unla, kêl ruol hmaa kêlchal ang ni ro.

JEREMIA 51:45

“Ka mihai, a sûnga inthawk chun fesuok unla, mi tin chu LALPA lunginsenna ṭiumtaka inthawk chun insandam seng ro.

JEREMIA 51:6

Babulona inthawk chun tlân suok unla, mi tinin a hringna sandam raw se; a khawhlonaa sât thlâkin um naw unla, LALPA phuba lâkna hun a ni sih a; ama chun thungna chu pêng a tih;

MIKA 4:10

Aw Zion naunu, nuhmei nau invawi nau nei ding angin na tuor la, invawi rawh; tuhin khawpuia in- thawk fe suok i ta, ramah chêng i tih. Babulon chen khawmin i fe ding a ni sih a: chutaka chun sansuokin um i ta, chutaka chun i hmêlmahai kuta inthawkin LALPA chun sansuok a ti che.

NAMBAR 16:26

Chun, pungkhâwmhai kuoma chun, “Hieng mi suolhai puon ina inthawk dâm hin suok ro khai; an iengkhawm hi tâwk naw ro, chuong naw chun chu an suolna po poa hin ṭhang ve rawi in tih,” tiin a hril a.

NAMBAR 16:34

Chuongchun, an vêla Israel mi po pohai chu an khêk ria chun an tlân dar a, “Hnuoiin mi lem ve hlau rawi a tih,” an tih a.

THILTHAWHAI 2:40

Chun, thu dang tamtakin a hrilfieh a, “Tulai ruolthar rilohaia in- thawk hin insukhim ro,” tiin ân fui a.

THUPUONGSUO 18:4

Chun, vâna inthawkin rawl dangin hienghin a hril ka hriet, “Ka mihai, an rîtlonaahai in ṭhangnawna ding le, a hremnahai in hmu ve nawna dingin a sûnga inthawkin suok ro.