ZEKARIA 2:13 - Pathien Lekhabu Inthieng (BSI)

¹³ Mi po pohai, LALPA hmaa chun to ṭhiep ro khai: a chêngna inthienga inthawk chun a hung thohar ta sih a.

ZEKARIA 2:13 ပူးပေါင်းရင်းမြစ်များ

2 CHANCHIN SUINA 30:27

Chun, thiempuhai, Levi mihai chu an tho a, mipuihai chu mal an sâwmpêk a; an râwlhai chu hrietin a um a, an ṭawngṭainahai chu a umna inthieng vâna chun a hang tlung a.

INPÂKNA HLABU 11:4

LALPA chu a biekin inthiengah a um a, LALPA chu a ṭhungpha chu vânah a um; Mihriem nauhai hi a mitin a en a, a mitvun chun a fie hlak.

INPÂKNA HLABU 46:10

To unla, Pathien ka nih ti hi hre ro, Hnam tin lai chawimawiin um ka ta, hnuoia hin chawimawiin um ka tih.

INPÂKNA HLABU 68:5

Pathien a umna inthienga um chu, Pa nei lohai pa le hmeithaihai ngaituotu a nih.

INPÂKNA HLABU 78:65

Chuong lai chun LALPA chu,mi an in an har angin, a har tah a, Mi hrât uoin leia khêk ang hin.

ISAI 14:2

Chun, chi tin chun anni ṭhuoi an ta, an hmun ding chu intlun an tih; chuongchun, Israel sûnghai chun LALPA rama chun anni chu suokpa- ahai le suoknuahai la nei an tih; anni sala mantuhai chu salah la man an ta, anni suknawmnatuhai chunga chun ro la rêl an tih.

ISAI 19:16

Chu nia chun Aigupta mihai chu nuhmei ruol ang nîng an ta, sipai- hai LALPA kut thin chu an chunga a thin leiin inthinin ṭîng an tih.

ISAI 41:1

Aw thlierkârhai, ka hmaa chun to ṭhiep ro; mi tin chun an hrâtna sukthar nâwk hai sienla, hung hnâi tâwl raw hai se; chu hnunga chun hril raw hai se; rorêl dingin inhnai tâwl ei tiu khai.

ISAI 51:9

Aw LALPA bân, har la, har la, hrâtna thar inbel rawh; tienlaia, tien- lai suonhai um laia i har ang khan har rawh. Nang hi Rahab sât nawi- tu, dragon suntu kha i ni an nâwm a nih?

ISAI 57:15

Mi chunghnung, chawisâng, chatuona um, a hming inthieng chun hieng ang hin a ti sih a; “Kei hmun chunghnung le inthiengah ka um a, mi thuhnuoirawlhai lungril sukhar ding le insîr ngawi ngawihai lungril sukhar dingin mi lungrila insîr ngawi ngawia thuhnuoirawltak kuoma khawm ka um a nih.

ISAI 57:5

Nangni thingsaisuo laia, thing buk hnuoi tina insukthafâna, ruom sûnghaia lung kak bula dâm naupang thattuhai.

ISAI 63:15

Vâna inthawk khan zuk thlîr la, i în thiengna le i ropuina umnaa inthawk khan hung en ta: i ṭhahnem- ngaina le i thilthaw ropuitakhai kha khâw lai am? I lungrila i ngaina le i lainatnahai kha keia inthawk hin sukboin a um tah.

JEREMIA 25:30

Chuleiin, hieng thuhai po po hi anni kalin hril la, an kuoma chun, “LALPA chu chungtienga inthawkin hung inrûm a ta, a chêngna inthienga inthawk chun a râwl chu hung in- suong a tih; a hlo petna hmuna chun thilthawtheitakin inrûm a ta; grêp sir sâwrtuhai ang chun ama chu hnuoi chung hluotuhai po po chunga chun khêk a tih.

HABAKKUK 2:20

LALPA ruok chu a biekininthienga chun a um a, Leihnuoi po po chu a hmaah to ṭhiep raw se.

ZEPHANIA 1:7

Lalpa PATHIEN hmaihmaa chun to ṭhiep unla, LALPA ni chu a hnai ta hle sih a: LALPA chun inthawina chu a buotsai tah a, a mikhuolhai khawm chu a hlânthieng ta sih a.

ZEPHANIA 2:9

Chuleiin, kei le kei insâlin, sipaihai LALPA, Israelhai Pathien chun a tih: “Matheiloin Moab chu Sodom ang hung nîng a ta, Ammon thlahai chu Gomorra, chikhurhai hmun le zakthlai bil râusan kumkhuo ang chu hung nîng a tih. Ka mi a la um sunhai chun anni chu suksieng an ta, ka mi a la um sunhai chun hluong an tih.”

ZEPHANIA 3:8

LALPA chun, “Chuleichun, kei mi nghâk unla, sase se dinga ka tho ni hmakhat chun, ka thiltum chu, ka lunginsenna ṭium tak le ka lungin- thak nasatak chu bun khum dinga ramhai ka kei khâwm theina dingin hnamhai kei khâwm chu a ni sih a; leihnuoi hluo po po chu ka îtthîkna mei chun a kâng hmang ding a ni sih a.

ZEKARIA 4:9

“Hi in lungphûm hi Zerubbabel kuthai chun a lo phûm tah a; a kuthai chun zo khawm zo ngei a tih; chun, nang chun sipaihai LALPA chun a mi hung tir a nih ti hre tâng i tih.

ZEKARIA 6:15

Chun, ram hlataka umhai khawm chu hung an ta, LALPA biekin chu hung bâwl an ta; chun, sipaihai LALPA chun in kuomah a mi hung tir a nih ti hre tâng in tih. Hieng thilhai hi la hung tlung ngei a tih, LALPA in Pathien râwl chu nguntaka in zui phawt chun,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:19

Dânin iengkhawm a hril taphawt chu Dân thu thua umhai kuomah a hril a nih ti ei hriet a, bau tinrêng hupa a um theina ding le, khawvêla mi po po Pathien rorêla an um theina dingin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 9:20

Nisienlakhawm, aw mihriem, Pathien sêl veitu chu tû ang am i ni lie? Thilsiem chun a siemtu kuomah, “Ieng dinga hieng anga i mi siem am a na?” a ti ding am a nih?

DÂN PAHNINA 18:21

Chun, in lungrilah, ‘Iengtin am thu chu LALPA hril a ni nawh ti hrieng ei ta?’ in ti a ni chun,

DÂN PAHNINA 18:22

zâwlneiin LALPA hminga thu a hril a, a thu hril chu a hung tlung nawh a, a hlawtling naw chun, chu chu a nih LALPA ihril naw chu; zâwlnei chun uongtakin a hril mei mei a ni lem, ama chu in ṭi ding a ni nawh.

DÂN PAHNINA 26:15

I umna inthieng vâna inthawk chun hung en la, nênetui le khuoizu luongna ram, kan pi le puhai pêk dinga ṭawng i lo inkhâm tah ang khan i mi Israelhai le i leilung mi pêk hi malsâwm rawh,’ in ti ding a nih.