ZEKARIA 2:10 - Pathien Lekhabu Inthieng (BSI)

¹⁰ Aw Zion naunu, hlim la, hla sak rawh, en ta, ka hung mêk a, nangni lai chun ka chêng ding a ni sih a, LALPA chun a tih.

ZEKARIA 2:10 ပူးပေါင်းရင်းမြစ်များ

INPÂKNA HLABU 40:7

Chu phingle chun keiin, “Ngai ta, ka hung ie, Lekhabu ziela chun ka thu ziek a nih:

INPÂKNA HLABU 68:18

Nang chu chungtieng i hang feh a, i manhai chu salah i ṭhuoi a, Mihriemhai lai chun thilpêkhai i dawng a, Anih, helhmanghai lai khawm, LALPA Pathien chu an kuoma a um theina dingin.

FESUOKNA 29:45

Israel thlahai lai chun um zing ka ta, an Pathien nîng ka tih.

ISAI 12:6

Ziona umhai, inringtakin khêk unla, khêk tuor tuor ro, Israelhai Mi Inthieng nangni laia um chu a ropui sih a,” tiin.

ISAI 35:10

chun, LALPA intlanhai chu kîr nâwk an ta, hla sak pumin Zion chu tlung an tih; chatuona lâwmna an lu chungah um tâng a ta, hlimna le lâwmna hmûng an tih, lungngaina le inrûmna chu bo tâng a tih.

ISAI 37:22

hi hi a chungchâng thu LALPA- IN a hril chu a nih: Zion naunu nunghâk chun a hmusit cheh a, a nuisan che; Jerusalem naunu chun a lu a thin khum che.

ISAI 42:10

Tuisuorieta zu fehai le, a sûnga um po pohai le, thlierkârhai le, a chunga um po pohai, LALPA chawi- mawiin hla thar sak unla, leihnuoi tâwpa inthawk khawma ama inpâk- na hla sak ro.

ISAI 48:20

Babulona inthawkin suok unla, Kaldaihai chu tlân hmangsan ro, hi hi hla sak riin inhriettir unla, hril unla kâwlkawdawng chen khawma sukri ro, “LALPA chun a siehlaw Jakobhai chu ân tlan tah,” ti ro.

ISAI 51:11

Chun, LALPA intlanhai chu kir nâwk an ta, hla sak pumin Zion chu tlung an tih; chatuona lâwmna an lu chungahai chun um tâng a ta, lâwmna le hlimna hmûng an ta, lungngaina le inrûmna chu bo tâng a tih.

ISAI 52:11

Suok ro, suok ro, chutaka inthawk chun suok ro; thil inthieng naw hrim hrim tâwk naw ro; a sûnga inthawkin fe suok ro; LALPA bûr le bêl chawituhai, inthiengtakin um ro.

ISAI 54:1

“Aw ching, nau nei lo, nang, hlimtakin hla sak rawh; nang, nauhase ngai naw, hla sak suok phut la, khêk suok rawh: pasal nei mi nauhai nêk chun khawsâwtnu nau- hai an tam lem sih a,” LALPAIN a tih.

ISAI 61:10

LALPAA chun nasatakin hlim ka ta, ka hringna hi ka Pathiena chun lâwmtakin um a tih; mo neitu ding chu pâr ṭhihruia ân chei hlak ang le, mo ding chu ân cheinahaia ân chei hlak ang hin, ama chun sandamna silfênhai a mi bel a, felna zakawfuolin a mi tuom ta sih a.

ISAI 66:14

Chun, chu chu hmûng in ta, in lungril chu hlim a ta, in ruhai khawm hlohna hring dup angin inno hlut hlut a tih; chuongchun, LALPA kut chu a siehlawhai tieng a um ti hrieng an ta, a hmêlmahai chunga chun lungni naw ni.

JEREMIA 30:19

Annia inthawk chun lâwmthu hrilnahai siem a ta, hlimna siem- tuhai râwl ri le chun: chun, anni chu sukpung ka ta, tlâwm naw ni hai: chun, anni chu chawimawi bawk ka ta; chîn naw ni hai.

JEREMIA 31:12

Chun, hung an ta, Zion tlâng insângna laiahai chun hla hung sak an ta; LALPA ṭhatnaa chun bua leh, uoina leh, hrieka leh, berâm le bâwng ruol têhaiah lâwm an tih; an thla chu tuihnâwngtak huon ang nîng a ta, lungngai nâwk ta hrim hrim naw ni hai.

JEREMIA 33:11

hlimna râwl dâm, lâwmna râwl dâm, moneitu râwl dâm, mo le, ‘Sipaihai LALPA kuoma chun lâwmthu hril ro, LALPA chu a ṭha sih a; a zainêmna chu kumkhuoin um zing a tih,’ tituhai râwl le, LALPA ina lâwmthu hrilna inthâwinahai hung chawituhai râwl ri chu. Hi ram sal intângna hi a tîr ang khan ka lamlêt ding a ni sih a, LALPA chun a tih.

EZEKIEL 37:27

Ka biekbûk khawm chu anni lai chun um a ta, an Pathien nîng ka ta, anni chu ka mihai nîng an tih.

EZEKIEL 48:35

A vêl chun tawng sîng khat sâng riet nîng a ta; chu khawpui hming chu chu nia inthawk chun, “Jehova Samma nîng a tih,” tiin.

LEVI DÂN 26:12

Nangni lai chêng ka ta, in Pathien nîng ka ta, nangni khawm ka mihai nîng in tih.

ZEPHANIA 3:17

LALPA i Pathien thilthawthei- tak, sandamtu ding chu i sûnga chun a um a; Nang chu hlimnain lâwm a ti che a, a hmangainaa chun châwl a ta, Hla sakin nangmaa chun hlim a tih.

ZEKARIA 1:16

Chuleiin, LALPA chun a tih: ‘Zângaina leh Jerusalema chun ka hung kîr nâwk a; chutaka chun ka in chu bâwl a ni ding a nih, sipaihai LALPA chun a tih; chun, Jerusalem chunga hin inkhina hmawl keimar nîng a tih.

ZEKARIA 14:5

Chun, ka tlânghai ruoma chun tlânsieng in ta; tlânghai ruom chun Azel a tlung rak ding a ni sih a: anih, Juda lal Uzzia inlal laia simkhaw- leihnuoi inhnînga in tlânsiet ang khan, tlânsieng in tih; chun, LALPA ka Pathien chu hung a tih, a kuoma mi inthienghai po po leh.

ZEKARIA 2:11

Chun, chu nia chun hnam tamtakhai chu LALPA tieng hung kawp an ta, ka mihai an hung ni ding a nih; chun, kei chu nangmaa chun chêng ka ta, chuongchun, sipaihai LALPA chun i kuomah a mi hung tir a nih ti hre tâng i tih.

ZEKARIA 2:5

A vêlin kei a mei kul bang nîng ka ta, a sûnga chun kei chu a ropuina ka ni ding a ni sih a, LALPA chun a tih,” a ta.

ZEKARIA 8:3

LALPA chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai LALPA tlâng chu, ‘Tlâng inthieng,’ ti nîng a tih,” tiin.

ZEKARIA 9:9

Aw Zion naunu, nasatakin hlim rawh; aw Jerusalem naunu, inring- takin khêk suok rawh; en ta, i Lal chu i kuomah a hung ta hi; ama chu mi indik a nih, sandamna neiin inngai- tlâwmtakin, sabengtung chungah, sabengtungtê chung ngeia hung chuongin.

MALAKI 3:1

“Ngai ta u, ka tirko chu ka tir a, ama chun ka hmaah lampui chu buotsai a tih: chun, LALPA in izawng chu, a biekina chun hung nghâl a tih; chun, thuthlung tirko in ilâwm zâwng chu, ngai ta u, a hung ie,” sipaihai LALPA chun a tih.

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

JOHAN 1:14

Chun, Thu chu tisain a hung inchang a, eini lai a hung um tah a, (Pa nau khât nei ropui angin a ropuizie ei hmuh), lunginsietna le thutakin a sip.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

DÂN PAHNINA 28:64

“Chun, LALPA chun kâwlkila inthawka kâwlkil khing tieng chenin chi tin laia chun sukdar a ti cheu a, chutaka chun thing le lunga siem, in pi le puhai chena in hriet ngai naw pathien dang rawng bâwl in tih.

PHILIPPI 4:4

Lalpaa chun lâwm rawp ro, ti nâwk hlak ka tih lâwm ro. In zaidawtheizie mi po po hriet ni raw se.

THUPUONGSUO 2:1

“Ephesia kohran tirko kuoma chun hieng hin ziek rawh: “ ‘A kut changtienga arasi pasari chawia, rângkachak khâwnvar siena pasari laia inlawn inlawn khan, hieng thu hi a hril a nih:

THUPUONGSUO 21:3

Chun, lalṭhungphaa inthawkin rawl inring tak ka hriet a, “Ngai ta, Pathien bâwkte chu mihriem lai a hung um tah, Ama chu an kuomah um a ta, Anni chu a mihai nîng an ta, Pathien ngei chu an kuomah um a ta, An Pathien ni bawk a tih;