ZEKARIA 14:5 - Pathien Lekhabu Inthieng (BSI)

⁵ Chun, ka tlânghai ruoma chun tlânsieng in ta; tlânghai ruom chun Azel a tlung rak ding a ni sih a: anih, Juda lal Uzzia inlal laia simkhaw- leihnuoi inhnînga in tlânsiet ang khan, tlânsieng in tih; chun, LALPA ka Pathien chu hung a tih, a kuoma mi inthienghai po po leh.

ZEKARIA 14:5 ပူးပေါင်းရင်းမြစ်များ

INPÂKNA HLABU 96:13

LALPA hmaa chun ama chu a hung ding a nih, Hnuoi ro rêl dingin a hung ding a ni sih a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni sih a, Khawvêl hi feltakin ro rêlpêk a ta; Thlierbîk nei loin mi tin ro chu rêl a tih.

ISAI 29:6

Vâninrûm dâm, simkhawleihnuoi inhnîng dâm, ri nasatak dâm, thlivir dâm, thlipui dâm, thil kâng hmang thei meichawk dâmin ama chu sipaihai LALPA hremin um a tih.

JOEL 3:11

A vêla hnam po pohai, inhmaw unla, pungkhâwm unla, hung tâwl ro; aw LALPA, chutaka chun i mi hrât- takhai infe thlâktir rawh.

AMOS 1:1

Juda lal Uzzia inlal lai le Israel lal Joas naupa Jeroboam inlal laia, simkhawleihnuoi inhnîng hma kum hnia, Tekoa ran ruol vêngtuhai laia mi Amos thu Israel chungchâng thu a hmu chu.

MIKA 1:11

Aw Sapphir mi, saruok le inzak- takin fe hmang rawh; Zaanan mi chu a hung suok nawh; Bethezel ṭapna chun ngîr chankhal a ti cheu.

ZEKARIA 4:7

Aw tlâng lien, tu am i na? Zerubbabel hmaa chun phaizâwl hung ni el i tih, chun, ama chun a chungah, “Zângaina, zângaina,” ti khêkrihai leh lung chunghnungtak chu hung la suok a tih.

NAMBAR 16:34

Chuongchun, an vêla Israel mi po pohai chu an khêk ria chun an tlân dar a, “Hnuoiin mi lem ve hlau rawi a tih,” an tih a.

MATTHAI 16:27

Mihriem Naupa hi a vântir- kohai leh, a Pa ropuinaa inthuomin a hung ding a ni sih a; chu pha chun mi tin an thilthaw ang peiin thung seng a tih.

MATTHAI 24:3

Chun, Oliv tlânga a ṭhung laiin inchûktirhai chu anni khâtin a kuomah an hung a. “Chuong chu iengtik am hung um a ta? I hung nâwkna le khawvêl tâwpna inchikna chu ieng am nîng a ta? mi hril rawh,” an ta.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

LUKA 21:27

Chu pha chun Mihriem Naupa hi thilthawtheina leh, ropuina nasa- tak leh sûm laia hung hmûng an tih.

DÂN PAHNINA 33:2

“Sinaia inthawkin LALPA chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

1 THESSALONIKA 3:13

chuongchun, ei Lalpa Isu, a mi inthienghai po po le a hung pha, ei Pathien le ei Pa hmaah in lungrilhai inthiengna kawngah sawisêlboin sukdet thei a ti cheu.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

JAKOB 5:8

Nangni khawm seltakin um ro; in lungril sukdet ro; Lalpa hungna chu a hnai ta sih a.

THUPUONGSUO 11:13

Chun, chu lai tak chun sim- khawleihnuoi nasatakin a hung inhnîng a, khuo chu hmun sâwma ṭhea hmun khat a chim tah a, simkhawleihnuoi inhnînga chun mi sâng sari an thih a; a danghai chun an ṭih a, vân Pathien chu an chawimawi tah a.

THUPUONGSUO 20:11

Chun, lalṭhungpha lientak vâr- tak le a chunga ṭhung chu ka hmuh a, a hmaa inthawk chun hnuoi le vân an tlân hmang a, an ta dingin hmun hrim a um ta nawh a.

THUPUONGSUO 20:4

Chun, lalṭhungphahai ka hmuh a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk loa, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.