ZEKARIA 14:18 - Pathien Lekhabu Inthieng (BSI)

¹⁸ Aigupta hnam khawm chu a hang fe nawh a, a hung naw chun, an chungah sûr bik naw nih a, bâwkte ruoiṭhe nei dinga hang fe nawhai hnam LALPAIN a hremna hri chu an chungah um a tih.

ZEKARIA 14:18 ပူးပေါင်းရင်းမြစ်များ

ISAI 60:12

I rawng bâwl nuom naw hnam le ram chu a bohmang âwm sih a; anih, chuong hnamhai chu suksiet dêrin um an tih.

ISAI 66:23

Chun, hieng hi hung nîng a ta, thla thara inthawka thla thar dang chenin, châwlnia inthawka châwlni dang chenin mi po po ka hmaa chibai mi bûk dingin hung zut zut an tih, LALPAIN a tih.

LEVI DÂN 23:34

“Israel thlahai chu hril la, an kuomah, ‘Thla sarina ni sâwmpanga ni le ni sari sûng chu LALPA ta dingin bâwkte ruoiṭhena a nih.

MIKA 5:8

Jakob mi hlâbîkhai chu hnamhai laia le chi tamtakhai laia chun ram- hnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

ZEKARIA 14:12

Chun, hihi hnam po pohai Jerusalem dotuhai chunga LALPAIN a hremna ding hri chu nîng a tih; an kehaia an ngîr zing laiin an taksa chu hung kawrhmang a ta, an mithai chu an mitkhurhaia chun hung thêp- hmang a ta, an leihai khawm chu an bauah hung bohmang a tih.

ZEKARIA 14:15

Chun, hi hri ang bawk hin, chuong puon inhaia um ran po pohai, sabengtung dâm, sanghâwngsei dâm, sabengtung lien chi dâm, sakawr dâm hri chu chuong ang bawk chun um a tih.

ZEKARIA 14:19

Hi hi Aigupta ram hremna chu nîng a ta, bâwkte ruoiṭhe nei dinga hang fe naw hnamhai ta dinga hrem- na ni bawk a tih.