ZEKARIA 13:7 - Pathien Lekhabu Inthieng (BSI)

⁷ “Aw kâwlhnâm, ka berâmpu chunga le, mi ka ruolpâwl chunga chun har rawh,” sipaihai LALPA chun a tih. “Berâmpu chu vaw la, berâmhai chu indar an tih; chun, a chînhai chunga chun kei khawma ka kut inlet ka tih,” tiin.

ZEKARIA 13:7 ပူးပေါင်းရင်းမြစ်များ

INPÂKNA HLABU 2:2

Hnuoia lalhaiin an ep huoi huoi a, Hotuhai khawm an inrâwn khâwm a, LALPA le a hrieknâl chunga chun:

ISAI 1:25

chun, i chungah ka kut thlâk nâwk ka ta, i êksie chu faitakin sukbo ka ta, i suon po po chu la hmang vawng ka tih:

ISAI 27:1

Chu nia chun LALPA chun a kâwlhnâm ngei ṭhatak, lien- tak, ringumtak chun leviathan rûlpui hrâttak le leviathan rûlpui kâwi ngul chu hrem a ta, tuipuia dragon um chu that bawk a tih.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

ISAI 9:6

Ei ta dingin naupang a hung pieng a, naupa pêkin ei um tah a; rorêlna chu a liengkoah chuong a ta, a hminga chun Maka, Remruottu, Pathien Hrât, Chatuon Pa, Remna Lal an ti ding a ni sih a.

JEREMIA 47:6

Aw nang LALPA kâwlhnâm, i châwl ṭawk ṭawk hma po chu ieng chen am nîng a ta? nang chu i bâwma chun inthun nâwk el rawh, châwl la, um ṭawk ṭawk rawh.

EZEKIEL 21:28

“Chun, nang mihriem naupa, thu hril la, Ammon thlahai le anni vaulâwkna, chungthua chun Lalpa PATHIEN chun hieng hin a tih, ti rawh: Kâwlhnâm, kâwlhnâm chu thatna dingin phawi a nih a, kâwlin- lep ang ela tle zawr zawr dinga nâwt tlêt a nih.

EZEKIEL 21:3

chun, Israel ram kuoma chun hieng hin hril la, LALPA chun hieng hin a tih: Ngai ta, nang hi ka dodâl cheh a, a bâwma inthawk chun ka kâwlhnâm chu phawi dawk ka ta, nangmaa inthawka mi fel le mi rilohai khawm chu sât thlâng ka tih.

EZEKIEL 37:24

Chun, ka siehlaw David chu an chunga lal nîng a ta, chuongchun, berampu pakhat nei an ta, ka rorêl- hai khawm chu hrâwng an ta, ka thuruothai chu pawmin thaw bawk an tih.

EZEKIEL 7:6

Tâwpna a hung tlung a, tâwpna chu a hung tlung tah; i chunga chun a hung tho a, ngai ta, a hung a nih.

MIKA 5:2

Nisienlakhawm, nang Bethle- hem Ephratha, Juda rama sâng tamtakhai laia ṭhanga chun chîn hle la khawm, nangmaa inthawk hin Israelhai rorêltu ding chu ka ta ding hung suok a tih; a hung inṭanna chu tiena chatuona inthawk ta khan a nih.

MIKA 5:4

Ama chu ngîr a ta, LALPA hrâtnain a ranruol chu châwm a tih: LALPA a Pathien hming ropuina ngei chun: chun, anni chu um zing an tih: ama chu hnuoi tâwp chenin a ropui ding a ni sih a.

ZEKARIA 11:11

Chuongchun, chu ni chun sût a lo ni tah a, chuongchun, berâm ruol, nang kei mi pawisatu chun LALPA thu a nih ti i hriet a.

ZEKARIA 11:4

LALPA ka Pathien chun hieng ang hin a tih, “Sathattu berâm ruol chu châwm rawh,

ZEKARIA 11:7

Chuongchun, sathattu berâm ruol chu ka châwm a, berâm ruol chautak el nang chu. Chun, hmawl pahni ka lâk a, pakhat chu Ditsak kân bûk a, a dang chu Pumkhatna kân bûk a; chun, berâm ruol chu ka châwm tah a.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 10:42

Chun, tukhawm hieng mi chîn- tak laia pakhat kuoma hin, tirko a ni leia tuisik no khat chau khawm pe taphawt chun, titakzetin ka hril cheu hi, a lâwmman chu chân naw tawp a tih,” a ta.

MATTHAI 11:27

Ka pain thil iengkim a mîn kawltir tah; Pa naw chun Naupa hi tukhawmin an hriet nawh. Chun, Naupa le Naupain a phuong nuom- nahai chau naw chun tukhawmin Pa chu an hriet bawk nawh.

MATTHAI 18:10

“Hieng mi chîn laia pakhat khawm hi hmusit naw dingin fîmkhur ro; an vântirkohaiin vânah ka Pa vâna mi hmêl an hmu rawp hlak ti ka hril cheu hi,”

MATTHAI 18:14

Chuong ang bawkin, hieng mi chînhai laia pakhat bohmang khawm hi in Pa vâna mi dit zâwng a ni nawh.

MATTHAI 26:31

Chun, Isûn an kuomah, “Vawizân hin in rêngin ka chung- thuah lungnilovin um vawng in tih, ‘Berâm vêngtu chu vuong ka ta, berâm ruol chu indar an tih,’ ti ziek a ni sih a.

MATTHAI 26:56

Nisienlakhawm, zâwlnei lekha thuhai a tlung theina dingin hieng po po hi a hung tlung tah a ni hi,” a ta. Chu lai chun, inchûktirhai po po chun ama an thlathlam a, an tlân hmang ta vawng a.

MARKA 14:27

Chun, Isûn an kuomah, “In rêngin lungniloin la um vawng in tih, ‘Berâmpu vuong ka ta, berâmhai chu indar an tih,’ ti ziek a ni sih a.

MARKA 14:50

Chun, an rêngin ama chu an zâmsan a, an tlân hmang vawng tah a.

LUKA 12:32

“Pâwl tlâwmhai, ṭi naw ro; ram pêk cheu hi in Pa lâwm zâwng tak a nih.

LUKA 17:2

Hieng mi chînhai laia pakhat khawm sukthlûk nêk chun, a sukthlutu ding rînga chun bu râwt nawina lung inhlitirin, tuisuorietah thlâk ni sienla, a ta dingin ṭha lem a tih.

JOHAN 1:29

Chun, a zînga chun Johanin Isu a kuoma hung ding a hmuh a. Chun, a hril a, “En ta u, Pathien Berâmte khawvêl suol fepuitu ding saw!

JOHAN 10:30

Kei le Pa chu pumkhat kan nih,” tiin a dawn a.

JOHAN 10:38

Amiruokchu, thaw ka ni chun, kei mi ring naw unla khawm, sin- thawhai bêk hi ring ro; Pa keimaah a um ti le, kei Paah ka um ti in hriet a, in ringna dingin,” a ta, a dawn a.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 14:23

Isûn a dawn a, a kuomah, “Mîn a mi hmangai chun ka thu zâwm a ta; ka Pain ama chu hmangai a ta, a kuomah hung kan ta, a kuomah um zing kan tih.

JOHAN 16:15

Pain thil a nei po po ka ta a nih; chuleiin, ‘ka taa mi lâng a ta, in kuomah inhriettir a ti cheu,’ ka ti hi.

JOHAN 16:32

Ngai ro, a hun a tlung ding a ni tah, anih, a tlung zing tah, chu pha chun, mâni in sengah indar vawng in tih, keia khât chauin mi thlâthlam in tih; nisienlakhawm, Pa ka kuoma a um leiin makhât chauin ka um si nawh.

JOHAN 5:23

mi po poin Pa an inza angin Naupa khawm an inzana dingin. Tûkhawm Naupa inza naw chu Pa, ama tirtu inza naw a nih.

JOHAN 8:58

Isûn an kuomah, “Titakzetin, titakzetin ka hril cheu hi, Abraham um hma khawmin ka um,” a ta.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemdeh a, in sukhlum tah a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 4:25

Chu Isu chu ei suolna leiin inmantirin a um a, thiem ei changna dingin keithoin a um bawk a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:32

Ama naupa ngei khawm hla loa, ei rênga aia petu chun, thil dang po po khawm a thlâwnin a mi pêk sa naw ding am a nih?

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok tah a; (“Thinga khaikâng taphawt chu ṭawngsephur an nih,” ti ziek a ni sih a).

PHILIPPI 2:6

Ama chu Pathien nina neia um zing ni sien khawm, Pathien tluka um zing chu, tum lui tlat dingah a ngai nawh a,

HEBRAIHAI 13:20

Chun, berâm Vêngtu ropuitak, ei Lalpa Isu chu, chatuona thu- thlungna thisen zâra mithi laia inthawka ṭhuoi suok nâwktu inrem- na Pathien khan,

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk sih a, mi fel chun mi fel naw aiin a tuor a, tisaa sukhlumin a um a, thlaraua ruok chun sukhringin a um tah.

1 PETER 5:4

Chun, Berâm Vêngtu Laltak chu a hung inlang pha, ropuina lallu- khum chuoi thei naw chu hmûng in tih.

1 JOHAN 2:2

Ama chu ei suolhai thupha- chawina a nih; eini suol chau ni loin, khawvêl po po suol thuphachawina khawm a nih.

THUPUONGSUO 1:11

“I thil hmu ding chu lekhabuah ziek la, kohran pasarihai kuomah, Ephesia dâm, Smurnaa dâm, Pergamosa dâm, Thuatiraa dâm, Sardisa dâm, Philadelphiaa dâm, Laodikeia dâm chun thawn rawh,” a ti ka hriet a.

THUPUONGSUO 1:17

Ama chu ka hmu phingleh thi ang dêrin a ke bulah ka tlu tah a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nu- hnungtak le,

THUPUONGSUO 1:8

“Kei Alpha le Omega ka nih,” Lalpa Pathien um zing le um ta le hung um ding, Iengkimthawthei chun a ti a nih.

THUPUONGSUO 13:8

Chuongchun, hnuoia um po po, leilung insieng tîra that tah Berâmtê Hringna Bua hming ziek naw po chun, Pathien chibai bûkin bûk an tih.

THUPUONGSUO 2:23

A nauhai chu hriin sukhlum ka ta; chuongchun, kei lungril le lungvar entu ka ni ti kohranhai po po chun hrieng an tih; chun in thaw ang peiin pe seng ka ti cheu.

THUPUONGSUO 21:6

Chun, ka kuomah, “A hung tlung tah. Kei Alpha le Omega, a Bul le a Tâwp ka nih; dangchâr taphawt kuoma chun Hringna Tuikhura in- thawkin a thlâwnin pêng ka tih.