ZEKARIA 13:2 - Pathien Lekhabu Inthieng (BSI)

² Sipaihai LALPA chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

ZEKARIA 13:2 ပူးပေါင်းရင်းမြစ်များ

1 LALHAI 22:22

Chun, LALPAIN a kuomah, ‘Iengtin am ie?’ a ta. Chun, ama chun, ‘Va fêng ka ta, zâwlnei po pohai hmûra chun thlarau khêlinhlipah vân chang ka tih,’ a ta. Chun, ama chun, ‘Thlêm ngei i ta, hlaw khawm hlawtling ngei i tih, va fe la, chuong ang chun va thaw raw leh,’ a ta.

INPÂKNA HLABU 16:4

LALPAA pathien dang thleng- tuhai chu an lungngainahai la pung a tih, An thisen inhlân dâwn mihai chu dâwn ve naw ningah a, Ka hmûr khawma an hminghai lam bawk naw ning.

FESUOKNA 22:13

Ramsa ikeinâwi vawng amanih a lo ni chun, hrietfiena dingin hung lâng a ta, keinâwia um ta hnung chu thung ta naw nih.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

ISAI 2:18

Chun, milimhai chu bohmang dai an tih.

ISAI 2:20

Chuong niahai chun mihai chun an tangka milimhai le an rângkachak milimhai, biek dinga an insiem- pêkhai chu, buikelet kuoma le bâk kuoma chun pei an ta,

JEREMIA 29:23

Israel rama chun invêtthlâk- takin thil an thawh a, an tuolbâwm- hai nuhmei le chun an uireh a, ka hming sâlin ka thupêk loa khêl thu an hril leiin; chun, kei chu a hretu, a hrietpuitu chu ka nih, LALPA chun a tih.

EZEKIEL 12:24

Israel sûngkaw sûnga chun thilhmulâwk teplo amanih, aiena inhlêmna hrim hrim a um ta naw ding a ni sih a.

EZEKIEL 13:23

chuleichun, teplo chu hmu nâwk ta naw ti niu a, vântieng thil- hmulâwkhai khawm chu; chun, ka mihai chu in kuta inthawkin sansuok ka ta, LALPA chu ka ni ti mi hre tâng in tih,” tiin.

EZEKIEL 14:9

Chun, zâwlnei chu hlêmin a um a, thu a hril chun, kei LALPA hin chu zâwlnei chu ka hlêm a na, ama chunga chun ka kut inlet ka ta, ka mi Israelhai laia inthawkin ama chu sukbohmang ka tih.

EZEKIEL 30:13

“Lalpa PATHIEN chun hieng hin a tih; Milimhai chu suksieng ka ta, Nopha inthawkin milimhai chu intâwptir bawk ka tih; chun, Aigupta rama inthawk hin lal um nâwk ta naw ni hai a; Aigupta rama hin ṭiumna ka sie ding a nih.

EZEKIEL 36:25

Tui inthieng chu thinkhum ka ti cheu a, inthieng tâng in tih; in in- thiengnawna po poa inthawk le in milimhai po poa inthawkin sukthieng ka ti cheu.

EZEKIEL 36:29

Chun, in inthiengnawna po poa inthawkin sandam ka ti cheu a, chun, bu ko ka ta, sukpung ka ta, in chung- ah ṭâm inumtir naw ningah.

EZEKIEL 37:23

Anni chu an milimhai chun insukpawrche ta ngai naw ni hai a, an thil pawrchehai hrim hrim khawm chun, an bawsietnahai chun insuk- pawrche ta bawk naw ni hai; an umna hmun po po, an hnungtawlna, an lo suol tâkna hmunhaia chun anni chu sandam ka ta, sukthieng bawk ka tih; chuongchun, ka mihai nîng an ta, kei khawm an Pathien nîng ka tih.

EZEKIEL 43:7

ka kuoma chun, “Mihriem naupa, hi hi ka lalṭhungpha hmun le ka kehai innghatna hmun, Israel thla- hai kuoma chatuona ka chêngna ding chu a ni hi. Israel sûngkuo chun ka hming inthieng chu sukpawrche ta naw ni hai a, anni khawmin, an lalhai khawm, an hurnain amani, an bâwlhmunhaia an lalhai ruonghai khawmin amanih sukpawrche naw ni hai,

EZEKIEL 6:6

In chêngna hmunhaia po po chun khawpuihai chu suksiet nîng an ta, bâwlhmunhai chu râusan nîng an ta; in mâichâmhai chu râusan le suksiet a ni theina ding le in milimhai chu suktliek le suktâwp a nia, in nisa- milimhai chu phûr thlûk a na, in sinthawhai chu suktâwp a ni theina dingin.

HOSEA 14:8

Aw Ephraim, milimhai leh inzâwlna ieng am ka nei a? Kei hi a suklâwmtu che ka na, A tungdingtu che khawm ka nih. Kei chu fâr thing hring dup ang ka na, I ra ṭhahai chu keima kuoma inthawk a nih.

HOSEA 2:17

A baua inthawkin Baal hming- hai hi ka sukhmangpêk ding a ni sih a; an hming hi sâm ni ta hrim hrim naw nih.

HOSEA 2:19

Kumkhawtluongin ka ta dingin huol tlat ka ti cheh a, felna dâm, rorêlna dâm, lunginsietna dâm, lai- natna dâmin ka ta dingin huol ka ti che.

MIKA 2:11

Mumal neilo le indik nawtaka, “Uoin le zu thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

ZEPHANIA 2:11

An chunga chun LALPA chu ṭiumtak nîng a ta; hnuoi chunga pathienhai po po chu a sukbohmang ding a ni sih a; chuongchun, mihriem- hai chun ama chu be tâng an ta, mi tinin mâni hmun senga inthawk le, hnamhai po po chun mâni thlierkâr- haia inthawk chun.

MATTHAI 12:43

“Chun, khawhri inthieng naw chu mi sûnga inthawka a suokin, châwlna zawngin tui um nawna hmunahai ân vâk ân vâk a, a hmu ngai si nawh a.

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnuk- inrâwltakhai an ni sih a.

LUKA 11:20

Amiruokchu, kei Pathien kut pâr leia khawhrihai hnawt dawk hlak ka ni chun, Pathien ram in kuomah a hung tlung tah nîng a tih.

DÂN PAHNINA 12:3

An mâichâmhai sukchim in ta, an lungphunhai suknâwi vawng in ta, an Asera dâm chu in raw ding a nih; an pathien lim siem fâwmhai chu phûrpêk in ta, chutaka an hming chu in thaihmang ding a nih.

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’

JOSUA 23:7

hieng hnam nangni laia la umhai le hin inchekpawl loin an pathienhai hming khawm lam hlek loa, an hming sâla ṭawng khawm inkhâm loa an rawng khawm bâwl loa, kûna chibai inbûk nawna dingin,

THUPUONGSUO 18:2

Chun, ama chun rawl inring- takin, “Babulon khaw ropui chu a tlâwm tah, a tlâwm tah! khawhrihai umna le, thlarau inthiengnaw tin- rêng kulbîng le, vate inthiengnaw le tirdakum tinrêng kulbîng a hung ni tah.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sah a. An pahni chun kâta kâng mei dîla chun a hringin an pei a.