ZEKARIA 12:1 - Pathien Lekhabu Inthieng (BSI)

¹ Israel chungthua LALPA thu phurrik chu, Vânhai chu kei- phar a, leihnuoi lungphûmhai chu phûm a, mihriem chu a sûnga a thlarau siempêktu LALPA chun hieng hin a tih:

ZEKARIA 12:1 ပူးပေါင်းရင်းမြစ်များ

INṬANNA 1:8

Chun, Pathienin boruok lientak chu “Vân” ân bûk a. Chuongchun, zântieng a um a, zîngtieng a um bawk a; chu chu ni hnina.

INṬANNA 2:7

Chun, LALPA Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni tah a.

JOB LEKHABU (THE BOOK OF JOB) 26:7

Hmun ruok chunga chun hmârtieng chu a keiphar a, Leihnuoi chu iengkhawm nilo chungah a khai bawk a,

JOB LEKHABU (THE BOOK OF JOB) 37:18

Ama ang chun vân khi keiphar thei i ti, Dârthlalang sungta anga ngar khi?

INPÂKNA HLABU 104:2

Nang chun var chu puon angin în bel a, Vânhai khi puon in chung angin i kei phar a.

INPÂKNA HLABU 134:3

LALPA chun Ziona inthawkin malsâwm raw se cheu, Hnuoi le vân siemtu ngei chun.

THUHRILTU 12:7

pilvut chu a nina anga hnuoia a kîr nâwk hmain le thlarau chu ama petu Pathien kuoma a kîr nâwk hmain.

ISAI 40:12

Tuin am tuihai chu a kutpha zâwla chau inkhih a, vân khi khâp chaua inkhih a, hnuoia pilvut hi te- khâwng pakhat chaua thun vawng a, tlânghai chu khaina chaua bûk a, muol pâwng hai chu bûkna chaua bûk kha le?

ISAI 40:22

Ama chu leihnuoi inkuolkhum- na chunga ṭhung chu a nih; a mit- hmua chun hnuoi chunga umhai chu khâuhai ang chau an nih, ama chu vân khi puon in chung anga keiphar a, puon in umna ding hmuna zâr a;

ISAI 42:5

Pathien, LALPA, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

ISAI 44:24

LALPA, nangni intlantu, sula inthawka nangni inngîrtu cheu chun hieng hin a tih, “Kei hi LALPA, thil po po siemtu, mâni chaua vân keiphar- tu, hnuoi suklientu chu ka nih; tu am ka kuomah a um a?

ISAI 45:12

Hnuoi hi ka siem a, a chunga mihriem um hi ka siem bawk a, keimân ka kut ngei hin vân ka keiphar a, a sipaihai chu thu ka pêk bawk a nih.

ISAI 45:18

LALPA vân siemtu (ama chu Pathien), leihnuoi hi inngira siemtu chu (ama chun leihnuoi hi a sukdet a, iengkhawm ni loin a siem nawh a, mihriem umna dingin ân ngîr lem a nih) hieng ang hin a ti sih a, “Kei hi LALPA chu ka na, a dang hrim hrim an um nawh.

ISAI 48:13

Anih, ka kut hin leihnuoi innghatsan chu a phûm a, ka kut changtieng hin vânhai khi a keiphar a; ka ko phingleh an ngîr khâwm hlak.

ISAI 51:13

LALPA nangni siemtu, vân kei- phara leihnuoi innghatsanhai phûm- tu theinghila, nêksâwrtu sukse dinga a tin lai lunginsenna lei ngawta sûnnithlâka ṭi zing chu, tu am i nih a? Nêksâwrtu lunginsenna chu khâwlai am a um ta a le?

ISAI 57:16

Kumkhuoin ka do âwm si nawh a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

JEREMIA 10:12

A thilthawtheina chun hnuoi chu a siem a, a varna chun khawvêl chu a lo tungding tah a, a hrietthiem- nahai chun vânhai khawm chu a lo keiphar tah a;

JEREMIA 30:10

Chuleiin, Aw Jakob, ka siehlaw, ṭi naw rawh, LALPA chun a tih: Aw Israel, beidawng bawk naw rawh, ngai ta, ram hlataka inthawkin ka sandam ding che a ni sih a, i thlahai chu an sal intângna rama inthawkin sandam bawk ka tih; chuongchun, Jakob chu hung kîr a ta, nuomsa le to ṭawk ṭawkin um a tih, tukhawma sukṭi ta naw ni hai.

JEREMIA 30:16

Chuong lei chun nangma fazotu po pohai chu fâkzoin um an ta; i hmêlmahai po po chu, anni mi tin el chu salah intâng an tih; chun, nang- ma suksetu che chu suksietin um a ta; râllâka latu che po po chu râllâkah pe bawk ka tih.

JEREMIA 38:16

Chuongchun, lal Zedekia chun inrûkin Jeremia kuoma chun ân tiemkam tah a, “LALPA ei hring- nahai siemtu chu a hring zing angin, sukhlum naw ning cheh a, hieng i hringna zawngtuhai kuoma hin pe bawk naw ning che,” a ta.

JEREMIA 50:34

Anni sanhimtu chu a hrât a, a hming khawm, sipaihai LALPA a nih, ama chun an chungthu chu ṭan tlat a ta; hnuoi chunga chun châwlna a pêk thei a, Babulon hluotuhai ruok chu a sukto ṭawkṭawk nawna dingin.

JEREMIA 51:15

“A thilthawtheinân hnuoi chu a siem a, a varnain khawvêl chu a tungding a, a hrietthiemna chun vân- hai khi a keiphar bawk a;

ṬAP HLA 2:14

I zâwlneihai hlakin invêtna le teplo mei mei thilhmulâwkhai chu an hmupêk cheh a; I sal nina hung lakîr dingin, i suolna hlak an hmusuok thei si nawh a. Nanga ta dingin hlêmna le, teplo thu mei mei chau chu an hmupêk cheh a.

EZEKIEL 18:4

Ngai ta, thlarau po po chu ka ta an na, pa hringna chu ka ta a ni ang bawkin, naupa hringna khawm chu ka ta a nih; thlarau thil suksuol chu thîng a tih.

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

JOEL 3:21

Chun, an thisen ka isâwpfai naw chu sâwpfai ka ta, LALPA chu Ziona chun a chêng zing sih a.”

ZEKARIA 9:1

Hadrak ram chunga LALPA thu phurrik chu, Damaska chu ân nghatna hmun nîng a tih; mihriem le Israel hnam po po mit chu LALPA tieng a ngha ta sih a;

MALAKI 1:1

Malaki hmanga Israel chunga LALPA thu phurrik chu.

NAMBAR 16:22

Chuongchun, anni chu an bawk- khup a, “Aw Pathien, tisa po pohai thlarau Pathien, mi pakhat suol leiin mipui po po chungah i lunginsen ding am a nih?” an tih a.

HEBRAIHAI 12:9

Chu naw khawm chu a mi thunun dingin ei taksa pahai ei nei kha, chuonghai chu ei inza sih a; chu nêka nasa chun, ei hringna dingin, thlarauhai Pa thu thuin ei um naw ding am a nih?