ZEKARIA 11:6 - Pathien Lekhabu Inthieng (BSI)

⁶ Ram hluotuhai chu ka lunginsiet ta naw ding a ni sih a, LALPA chun a tih; nisienlakhawm, en ta, mihai chu, mi tin el chu mâni tuolbâwmhai kutah pêng ka ta, an lalhai kuta leh; chun, ram chu thâwng an ta, an kuta inthawk chun anni chu sansuok naw ningah,” tiin.

ZEKARIA 11:6 ပူးပေါင်းရင်းမြစ်များ

INPÂKNA HLABU 50:22

Nangni Pathien theinghiltuhai, hi hi ngaituo ta u khai! Chuong naw chun, keinâwi ka ti cheu a, nangni sanhimtu hrim an um âwm si nawh a.

ISAI 27:11

A kauhai chu a vuoi pha chun thliekin um a ta, nuhmeihai hung an ta, raw el an tih; hriet theina hrim hrim nei naw mihai an ni sih a; chuleiin, anni siemtu chun anni chu lunginsiet naw nih a, anni inngîrtu chun anni chu a ditin ditsak hrim hrim bawk naw nih.

ISAI 3:5

Chun, mihai chu innêksâwrtuoin um an ta, mi tin an ruolhai leh, mi tin mâni tuolbâwmhai leh, naupang chu upa chungah chapotakin um an ta, mi setak khawm mi inzaumtak chungah chapotakin um bawk an tih.

JEREMIA 13:14

Anni chu inbawtuotir ka ta, pahai le an naupasalhai ngei chu inbawtuong an tih, LALPA chun a tih; lunginsiet naw ning a, hla naw ning a, hmangaina khawm nei naw ning a, anni chu ka sukbohmang nawna dingin, iengkhawmin mi dâl naw ni.

ṬAP HLA 2:21

Mi a naupang le upa khawm chu kawtthlêra chun hnuoiah an zâl a; Ka nunghâkhai le ka tlangvâlhai chu kâwlhnâmah an tluh a; I lunginsenna nia chun anni chu i sukhlum a, Anni chu i that a, i lunginsiet nawh a,

ṬAP HLA 5:8

Siehlawhai chun kan chungah ro an rêl a, An kuta inthawka mi sansuok ding tukhawm an um nawh.

EZEKIEL 8:18

Chuleiin, kei khawma lungin- senin thaw vêng ka ta, ka mitin anni chu hla naw nih a, lunginsietna nei bawk naw ning; ka naa chun râwl inringtakin hung khêk hai sien- khawm, anni chu lo ngai naw ning,” tiin.

EZEKIEL 9:10

Chuongchun, keia ta ding khawma, ka mitin hla naw nih a, lunginsietna nei bawk naw ning, ami- ruokchu, an suol man chu an lu chungah innghat lem ka tih,” a ta.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si nawh a.

HOSEA 2:10

Chuongchun, a dit zâwnghai mithmua chun, A saruok zâmaw chu suklang ka tih; Ka kuta inthawk chun tu- khawma sansuok naw ni hai.

MIKA 5:8

Jakob mi hlâbîkhai chu hnamhai laia le chi tamtakhai laia chun ram- hnuoi sahai laia sakeibaknei ang le berâm ruol laia sakeibaknei vânglai angin um a tih; ama chun a fe thleng phawt chun, a sirde a, a keinâwi a, santu ding khawm tukhawm an um nawh.

MIKA 6:14

Fâk chu fâng i ta, nisienla- khawm, khawp naw ti ni; i kuoma chun i tlâwmna chu um a ta, sawn i ta, nisienlakhawm, himin thak hmang naw ti ni; i fe hmangpuihai khawm chu kâwlhnâmah pe suok tho ka tih.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

ZEKARIA 11:14

Chun, ka hmawl dang pakhat Pumkhatna chu ka sât bawng nâwk a, Juda le Israel inkâra inunauna chu ka suktan theina dingin.

ZEKARIA 11:5

ân chawtuhai chun anni chu an that a, anni chu suolah an inngai nawh a; chun, anni zawrtu khawm chun, ‘LALPA chu inpâkin um raw se, ka hausa sih a’, an ta; an berâmpuhai ngei khawm chun anni chu an lunginsiet nawh.

ZEKARIA 11:9

Chun, kei chun, “Châwm ta naw ning cheu, a thi thi chu thi sienla; pei thlâka um um chu pei thlâkin um sienla; a la damhai khawm chun anni le anni sa chu infatuo raw hai seh,” ka ta.

ZEKARIA 14:13

Chun, chu ni chun LALPAA inthawka buoina nasatak el chu anni lai chun um a tih; mi tinin mâni tuolbâwm kut chu chel an ta, a kut chu a tuolbâwm kut chunga chun inlet nîng a tih.

ZEKARIA 8:10

Khâng nihaia khan chu mi- hriem ta dingin inhlawfâkna a um nawh a, ran ta ding khawma inhlaw- fâkna hrim a um nawh a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie sih a.

MALAKI 4:6

Ama chun pahai lungril chu nau- hai tieng innghatir a ta, nauhai lung- ril chu an pahai tieng; chuong naw chun hung ka ta, ram chu ṭawngsiein hung hrem rawi ka tih,” tiin.

MATTHAI 10:21

“Chun, sukhlum dingin unaupa le unaupa inmantir an ta, pa khawmin a nau inmantir bawk a tih; nauhai khawmin an nu le pahai do an ta, insukhlumtir bawk an tih.

MATTHAI 22:7

Chuongchun, lal chu a lunginsen tah a; a sipaihai a tir a, chuong tuolthathai chu a sukbo a, an khuo khawm a rawpêk tah a.

MATTHAI 24:10

Chu phâ chun mi tamtak tlûng an ta, inmantir tuo tâwl an ta; intheida tuo tâwl an tih.

JOHAN 19:15

Chun, anni chu an khêk a, “Sukbohmang rawh, sukbohmang rawh, krawsah hemde rawh,” an ta. Pilatin an kuomah, “In lal hi krawsah hemdêng ka ti maw?” a ta. Thiempu Lalhaiin, “Kaisar naw chu lal dang kan nei nawh,” an ta, an dawn a.

1 THESSALONIKA 2:16

sandam an ni theina dinga Jentailhai laia thu hril an mi khap hlak sih a, chuong anga an suol inkhi- na suksip rawp dingin, nisienla- khawm, lunginsenna chu an chungah a tâwp khâwk râwtin a hung tlung tah.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni tah a, a hretuhai chun an mi sukdet pêk pei a.

JAKOB 2:13

Mi chunga lunginsietna nei naw chu, lunginsietna ṭhang loa rorêl pêkin um a tih, lunginsietna chu rorêlna chunga chun ân suong hlak a nih.