ZEKARIA 11:5 - Pathien Lekhabu Inthieng (BSI)

⁵ ân chawtuhai chun anni chu an that a, anni chu suolah an inngai nawh a; chun, anni zawrtu khawm chun, ‘LALPA chu inpâkin um raw se, ka hausa sih a’, an ta; an berâmpuhai ngei khawm chun anni chu an lunginsiet nawh.

ZEKARIA 11:5 ပူးပေါင်းရင်းမြစ်များ

2 LALHAI 4:1

Chun, zâwlnei naupasalhai nu- hmeihai laia nuhmei tu amani chu a khêk a, Elisa kuomah, “I siehlaw ka pasal chu a thi tah a, i siehlaw chun LALPA a ṭi hlak ti i hriet a, chuongchun, a leibatnapa a hung a, ka nauhai pahni suoka um dingin ama kuomah ṭhuoi a tum a nih,” a ta.

NEHEMIA 5:8

An kuomah, “Hnam dang kuoma zawra um ei unau Judahai chu ei thei ang angin ei intlan a; nangni hin in unauhai hi zawr in tum a ni maw? Nangni kuoma ngei hin zawr an ni ding a ni maw?” ka tih a. Chuong- chun, an to zing a, dawnna ding ieng- khawm an hriet nawh a.

JEREMIA 2:3

Israel hi LALPA ta dinga in- thieng, a hlâwkna ra hmasa tak chu a na; ama fa zotuhai po po chu suola ngai nîng an ta, an chunga chun thil ṭha naw tlung a tih, LALPA chun a tih.”

JEREMIA 50:7

A hmu taphawthai hlak chun anni chu an fâkzo a, an hmêlmahai chun, ‘Thudik umna LALPA, an thla- tuhai beiseitak, LALPA chunga chun thil an suksuol lei a nih, ei sukpawi nawh,’ an tih a.

EZEKIEL 34:10

Lalpa PATHIEN chun hieng hin a tih: Ngai ta, berâmpuhai chu ka dodâl a nih; ka berâmhai chu an kutah lâkpêk ka ta, an berâm châwm chu inmâktir ka tih; anni berâm- puhai khawm chu mâni le mâni inchâwm bîk ta naw bawk an tih; chun, an ta dinga bu an ni nawna dingin ka berâmhai chu an baua inthawk chun la suok ka tih.

EZEKIEL 34:21

Liengko le sîrin in hneng a, in sukdar phier hmakhat chun in kihai chun a damnawhai chu in sik leiin,

EZEKIEL 34:6

Ka berâmhai chu tlâng po po le muol insâng tinahai chun an invâk a; anih, ka berâmhai chu leihnuoi pum- pui chunga chun an indar tah a ni hi; mi tukhawm anni chu zawnga hmu- suok tum an um si nawh.

HOSEA 12:8

Ephraim chun, “Ka hausa takzet el tah a, Kân sukmuk takmeu el ta a nih; Ka sinthaw po poahai hlak chun Keimaa thil suol an hmu ding hlak um dêr lo,” a tih a.

HOSEA 12:9

Nisienlakhawm, kei hi Aigupta rama inthawk ta khan, LALPA i Pathien chu ka na; Ruoiṭhe hun lai ang khan puon inah lân chêngtir nâwk ka ti che.

AMOS 2:6

LALPAIN hieng ang hin a tih, “Israel bawsietna pathum leiin, anih, pali leiin, a hremna sukbo naw ning; tangka mana mi fel an zawr lei le kekawk bun khat mana mi tlasam an zawr leiin;

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk sih a; nangni hlak in lût si nawh a, mi a lût dinghai khawm in inlûttir phal ngai si nawh a.

JOHAN 10:1

“Titakzetin, titakzetin ka hril cheu hi, tûkhawm berâm huona kawtkhâra lût loa, a dang tienga lâwn lût chu ama chu iengkhat inruhmang le suomhmang a nih.

JOHAN 16:2

Inkhâwmna inahai inhnawngtir an ti cheu a, anih, tûkhawm a sukhlum dinghai po cheuin Pathien chungah thilṭha thawin inhrieng an tih, chuong ang hun chu a tlung ding a nih.

2 PETER 2:3

Chun, sum inhnar leiin thu khêlin sumdâwngna dingin hmang an ti cheu a; nisienlakhawm, inhmaa an thiemnaw changna chu a nêp chuong nawh a, an bohmangna hlak a ininnghil bawk nawh.

THUPUONGSUO 18:13

thingzungthak dâm, thil rimin- hnik dâm, riminhnik rawmi dâm, innâlna chi dâm, murra dâm, beraw dâm, uoin dâm, sahriek dâm, beiphit indi tak dâm, bu dâm, sebâwng dâm, berâm dâm leh; sakawr dâm, tawlailîr dâm, suok dâm leh; mihriem hringna dâm leh a nih.

THUPUONGSUO 3:17

‘Ka hausa a, sum ka hau a, iengkhawm ka tlasam nawh,’ i ti lei le, nang mi rimsi, lungsietum, pasie, mitdel, saruok chu i ni ti în hriet naw leiin,