ZEKARIA 11:16 - Pathien Lekhabu Inthieng (BSI)

¹⁶ En ta, rama chun Berâmpu pei thlâka umhai chu kankuo ngailo ding le, sukdara um chu zawng ngailo ding le, suktlieka um khawm chu sukdam ngailo ding chu, ka tungding nâwk ding a ni sih a; ama chun a hliem le a hrisêl khawm chu châwm chuong naw nih a, a thâu thâu sa chu fa lem a ta, an tinhai chu nawi tamtakin kei nawi a tih,” a ta.

ZEKARIA 11:16 ပူးပေါင်းရင်းမြစ်များ

INṬANNA 31:38

Tuhin kum sâwmhni zet i kuomah ka um tah a, i berâmpuihai le i kêlpuihai chun an têhai an nei suol hrim hrim ngai nawh a, i berâm ruol laia a chalhai khawm ka fâk ngai bawk nawh.

INṬANNA 33:13

Jakob chun a kuomah, “Nau- panghai hi an la chîn a, berâm ruol le ran ruol ka kuoma umhai khawm hi te ṭhuoi an nih ti ka lalpain i hriet a; ni khat chau khawm khal hrât taluo inla, ran ruol po po hi thi vawng el an tih.

ISAI 40:11

Ama chun berâm vêngtu angin a pâwl chu châwm a ta, berâmtehai chu a bânin pawm khâwm a tih, a âng- sûnga siein fepui a ta, te ṭhuoi laihai chu damtêin ṭhuoi diel diel a tih,” ti rawh.

JEREMIA 23:2

Chuleiin, Israel Pathien LALPA chun, ka mihai châwmtu berâmpuhai chungthua chun hieng hin a hril: Ka berâm ruolhai chu in hnawt dar a, in khal hmang tâwl tah a, anni chu in va sir ngai bawk nawh a; ngai ta u, in thilthaw rilohai chun ka hung sir ding cheu a nih, LALPA chun a tih.

JEREMIA 23:22

Nisienlakhawm, ka rorêlnaa lo ngîr ta chu ni hai sienla, ka mihai chu ka thuhai chu inhriettir an ta, an thilthaw suolhaia inthawk le, an lampui suolhaia inthawk chun inkîr- tir tâng an tih.

EZEKIEL 34:10

Lalpa PATHIEN chun hieng hin a tih: Ngai ta, berâmpuhai chu ka dodâl a nih; ka berâmhai chu an kutah lâkpêk ka ta, an berâm châwm chu inmâktir ka tih; anni berâm- puhai khawm chu mâni le mâni inchâwm bîk ta naw bawk an tih; chun, an ta dinga bu an ni nawna dingin ka berâmhai chu an baua inthawk chun la suok ka tih.

EZEKIEL 34:16

A lo inhmang ta chu zawng ka ta, hnawt hmanga lo um ta khawm chu hung ṭhuoikîr nâwk ka tih; sukthlieka um ta chu tuom ka ta, damnawa um khawm chu sukhrât bawk ka tih; a thâu le a hrât chu suksieng ka ta; anni chu rorêlnain châwm ka tih.

EZEKIEL 34:21

Liengko le sîrin in hneng a, in sukdar phier hmakhat chun in kihai chun a damnawhai chu in sik leiin,

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîk- thlâk a ni hmakhat chu hlawtling pei a tih.

JOHAN 10:1

“Titakzetin, titakzetin ka hril cheu hi, tûkhawm berâm huona kawtkhâra lût loa, a dang tienga lâwn lût chu ama chu iengkhat inruhmang le suomhmang a nih.